ГИ БОДРЕА РАКОМЕТАРИТЕ - Ангеловска и Бежовска во Виена беа работно, но отидоа и на трибините

Македонија

на 1.2020

Во Виена отидоа работно, но најдоа време да отидат и на трибините и да ги бодрат македонските ракометари на натпреварот со Австрија, кој, за жал, заврши со неуспех за земјава.

Министерката за финансии, Нина Ангеловска и гувернерката на Народна банка, Анита Бжовска Ангеловска вчера беа на трибините во салата во Виена каде што се играше натпреварот, а од што првата финансиерка објави и фотографија на фејсбук.

Од неа може да се види дека на тимот за бодрење му се придружил и првиот човек на австриската Шпаркасе банка, Глигор Бишев, како и дел од тимовите на Министерството за финасии и Народната банка.

Инаку, Ангеловска и Бежовска во Виена учествуваа на еднa од најголемите годишни конференции во Централна и Источна Европа од областа на финансиите. Станува збор за Форумот на „Еуромани“, кој по 25-ти пат се одржува во главниот град на Австрија.

А по поразот на нашата репрезентација министерката Ангеловска на фејсбук напиша дека нема лесен пораз. Таа изрази респект за играта на ракометарите и им порача дека следно е многу повеќе работа и труд.

„Нема лесен пораз, особено кога притисокот и очекувањата се на високо ниво. Респект за играта и заслужената победа на противникот.

Што е следно е јасно. Многу повеќе работа и труд! Ми беше чест да ги бодриме нашите великани. Во победа и во пораз секогаш тука за вас“, напиша Ангеловска на Фејсбук.

Претходно, министерката учествуваше на првата сесија "Интервјуа со министри" на Euromoney Conferences – The Central & Eastern European Forum 2020, заедно со министрите за финансии од Романија и Унгарија и заменик министерката за финансии од Бугарија.

„Задоволство е да се зборува за економијата и перформансите кога имаме бројки и силни резултати кои тоа го поддржуваат. Покрај економскиот раст, во интервјуто се осврнав и на дигитализацијата и технологиите. Бидејќи цврсто верувам дека тоа е единствениот начин за брз прогрес на нашата земја“, напиша министерката.

Инаку, на форумот учествуваа повеќе од илјада учесници – министри за финансии, гувернери на централни банки, раководители на финансиски институции и инвеститори.

Вработена во битолско средно училиште нападната од колешка

Македонија

пред 14 часа

Вработена во средно училиште во Битола нападната од своја колешка.

- На 18.04.2024 во СВР Битола, Х.Т.(28) од Битола пријавила дека во средно училиште во Битола била физички нападната од нејзината колешка Ј.Н., информира МВР.

Се преземаат мерки за расчистување на настанот.

Приватните специјализанти четврти ден на штрајк

Македонија

пред 2 дена

Штрајкот на приватните специјализанти продолжува и понатаму. На денешниот, четврти ден од генералниот штрајк, беше изразена осуда за притисоците што ги имаат од клиниките и од постарите колеги специјалисти.

Доктор Христина Илиоска Чешлароска, специјализант по интерна медицина, трета година, рече дека сака да ги охрабри сите колеги приватни специјализанти, да не подлегнат на притисоците од клиниките и да издржат во оваа нивна борба.

– Со оглед на тоа дека Министерството за здравство и министерот немаат слух за нашите барања, односно се изјаснија само за последното трето барање за решавање на нашиот статус, свесни сме и знаеме дека е тоа долг процес и нашиот статус нема така лесно и брзо да се реши, додаде Илиоска Чешлароска.

Таа појасни дека затоа сакале веднаш да се остварат првите две нивни барања, покачување на месечниот надоместок и воведување на здравствено осигурување. Притоа, истакна, дека со оглед на тоа што тие две барања за кои барале итно да бидат решени, не биле решени, тие ќе продолжеле со нивниот штрајк.

-Бидејќи министерот очигледно нема слух и не гледа дека ние штрајкуваме, во понеделник, во пет до 12, пред Министерството за здравство, повторно ќе се собереме на протест, под мотото, „Пет до 12 за македонското здравство“. Со тоа сакаме да упатиме јасна порака до Министерството за здравство и до целата држава. Затоа што, доколку овие 400 приватни специјализанти не ги добијат своите барања, јас сум сигурна дека на половина од нив, веќе, во некој ќош дома им стои куферот и чекаат само да го спакуваат и да заминат, подвлече Илиоска Чешлароска.

На новинарско прашање, таа одговори дека до сите катедри упатиле барање за поддршка. Јавно се заблагодари на професорката од Медицински факултет, инаку од клиниката за ревматологија, што вчера им даде поддршка. (МИА)

Грејната сезона продолжува поради временските услови

Македонија

пред 3 дена

АД ЕСМ ги информира потрошувачите приклучени на системот за централно греење со кој управуваат компаниите формирани од АД ЕСМ, како и подружницата „Енергетика“, дека за 18.4.2023 година се создадени услови за испорака на топлинска енергија.

Оваа информација е во согласност со одлуката на Регулаторната комисија за енергетика и водни услуги на РСМ, а врз основа на прогнозираната средна дневна температура на воздухот во Скопје од 11˚С за 18.4.2023 година од Управата за хидрометеролошки работи. Снабдувањето со топлинска енергија во согласност со регулативата по правило се врши до 15 април, но грејната сезона може да биде продолжена до 30 април во зависност од временските услови, велат од ЕСМ.

Конечната одлука за испорака на топлинска енергија во деновите по 15 април секојдневно ја носи Регулаторната комисија за енергетика и водни услуги на РСМ ако се исполнети условите за снабдување со топлинска енергија, односно доколку прогнозираната средна надворешна температура за наредниот ден е еднаква или помала од 12°С според податоците од Управата за хидрометеоролошки работи на РСМ, се додава во соопштението на ЕСМ.