Непознати лица успеале да украдат приватни фотографии од Меган Маркл и ги споделуваат на интернет. Нејзините фотографии таа ги чувала на својот блог и на „Инстаграм“ уште пред да се омажи за Хари.
Таа не сметала дека еден ден ќе влезе во кралското семејство, а уште помалку дека некој ќе успее да ѝ ги земе приватните слики.
Меган пред да се запознае со Хари имала свој блог, а водела и дневник на „Инстаграм“, но сето тоа морала да го избрише кога се венчала со Хари. Тогаш обожавателите можеле да видат нејзини фотографии од нејзиниот приватен живот. Како изгледа нејзината куќа во која живеела, кои места ги посетувала и слично.
На фотографиите Меган е во долна облека, костим за капење, неколку модни комбинации кои ги истакнуваат нејзините гради и слично. Таа се сликала додека вежба јога и додека ужива со чаша шампањ покрај брегот. Меѓу фотографиите има и такви на кои таа е разголена.
Меган и нејзиниот сопруг Хари деновиве се во центарот на вниманието, поради нивното заминување од кралското семејство и желбата да се преселат во Канада со цел да станат финансиски независни.
