РК Вардар остана без Летонскиот џин

Ракометарот Данис Криштопанс, повеќе не е дел од  екипата на Р.К Вардар.

Криштопанс се сели во германскиот Фуксе Берлин, а информацијата ја потврдија и од клубот.

215 сантиметри високиот десен бек во Фуксе Берлин ќе се задржи до крајот на сезоната, затоа што од претходно се знаеше дека во следната сезона ќе настапува за ПСЖ, кај поранешниот тренер на Вардар, Раул Гонзалез.

Криштопанс ќе дебитира веќе во недела на натпреварот против Магдебург на Филип Кузмановски.

Нов клуб од неодамна најде и Шишкарев, а Германецот Дисингер рече дека само чудо може да го задржи наредната сезона во вардаровите редови

Кире Лазаров со донација за Здравствениот дом во Свети Николе

Младите во Свети Николе организираат акција за помош на светиниколчани во борбата против корона вирусот. Тие нагласуваат дека најдобриот македонски ракометар, Кире Лазаров донирал средства за набавка на маски со филтри и скафандери за здравствениот дом во неговиот роден град.

Од денес, започна со работа волонтерска група на граѓани од Свети Николе која ќе помага во справувањето со пандемијата на КОВИД 19 вирусот. По иницијатива на Асистентот на ФИНКИ, нашиот сограѓанин Влатко Спасев и во соработка со Извидничкиот одред “Гоце Делчев” и ovcepole.mk ,денес во просториите на одредот беа изработени 50 визири кои ќе бидат донирани во Здравниот дом “Гаврило Гаврилски”. Од денес, се до крајот на пандемијата, оваа група на волонтери ќе изработува визири и набавка на неопходната медицинска опрема.

Го исконтактиравме и нашиот сограѓанин, Капитенот на ракометната репрезентацијата на Република Македонија кој донираше средства за набавка на маски со филтри и скафандери за нашиот здравен дом. Се надеваме на голем одзив и на другите компании и фирми во нашиот град кои ќе помогнат да ја оствариме целта, да ја победиме пандемијата. ЗДРАВЈЕТО ПРЕД СЕ! – стои во објавата на фејсбук.

Извор: Република.мк

(ФОТО) Академија ФМП со порака до сите вас: "Останете дома"

Цел спортски свет е вклучен во борбата против корона вирусот кој целосно ја парализира оваа гранка од јавниот живот.

Во кампањата се вклучи и македонскиот прволигаш Академија ФМП, односно неговите кошаркари и стручниот штаб кои преку социјалните мрежи, на повеќе јазици, порачаа – СЕДЕТЕ ДОМА!

Хоророт во Италија продолжува: Паоло Малдини и Даниеле Малдини имаат коронавирус

Милано е едно од главните жаришта во Италија кога се говори за коронавирусот, а од таборот на еден од калчолигашите од градот, Милан, соопштија дека клупската легенда Паоло Малдини е позитивен на вирусот.

Техничкиот директор на „росонерите“ бил во контакт со личност која подоцна покажала симптоми на коронавирус. По тој момент, Малдини бил испратен на тестирање, а неговите тестови за Ковид-19 биле позитивни.

Исто така од коронавирус боледува и неговиот син Даниел кој претходно тренираше со првиот тим. Паоло и Даниел минале две недели во домашна самоизолација, а ќе продолжи нивната рехабилитација додека не се утврди дека се комплетно здрави.

Популарно