Едниот завршил со 35 убоди од нож во градите, лицето и вратот

Жена и нејзиниот љубовник сексуален престапник, се осудени на казна затвор на повеќе од 20 години поради убиство на нејзиниот пораншен сопруг за време на „средновековен двобој“ во источен Лондон.

Аста Јускаускиен (35) го наговорила својот 25- годишен љубовник да се бори против таткото на нејзината ќерка Гиедруис, па според наведеното наградата за победникот ќе биде таа.

Кведрас, кој бил осуден силувач во рок од неколку секунди го убил својот невооружен и пијан противник прободувајќи го 35 пати во градите, лице и вратот.

Убиството се случило минатата година во 17 јуни во Њухам, а наредниот ден, двајцата вљубени славеле победа па излегле на вечера, пишува „Индепендент“.

Жената е казнета на 24 години затвор во петокот, по што е прогласена за виновна за убиство и попречивање на правдата, додека нејзиниот љубовник пак добил 22 години казна затвор откако признал дека извршил убиство.

Парот ја започнал врската преку социјалние мрежи додека тој издржувал казна затвор во Литванија, држава од која и двајцата потекнуваат, а бил осуден поради напад на тинејџерка.

Кведарас пристигнал во Велика Британија и се запознал со неа, само пет дена откако она го организирала двобојот со нејзиниот 42 годишен сопруг.

Обвинителот рече дека станува збор за „средновековен дуел“ чии учесници играле по различни правила и биле со различни способности.

„Јускаускас бил многу пијан и за разлика од противникот не бил насилен и немал никакво оружје.

Според зборовите на сведок жената неколку пати велела дека сака мажите да се тепаат за неа, па таа да биде како награда на оној што ќе победи.

„Мислам дека ќе играм сè додека не западнам во невоља. Претпоставувам дека ги сакам ризиците и опасностите“, рекла осудената жена на пријателка, која ги повтори зборовите на суд.

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен.

Полицијата, исто така, соопшти дека некои од жртвите биле избодени, но не било употребено огнено оружје во нападот, пренесува CBN News Chicago.

Убиени се 15-годишно девојче, 63-годишна жена, 49-годишен маж и 22-годишен млад човек.

Шефот на полицијата во Рокфорд, Карла Ред, изјави дека загинале вкупно четири лица, додека еден од нив е тешко повреден. Четири лица се префрлени во болници, каде нивната состојба е стабилизирана.

Повиците до полицијата и итните служби дошле од повеќе страни додека нападот траел приближно 20 минути, а екипите набрзо биле на терен. Од полицијата истакнаа дека засега не е јасна причината за нападот.

Тинејџер во Германија ги заклал родителите и братот, од смрт ја поштедил сестра си

Деветнаесетгодишник со нож ги убил братот и родителите и тешко си ја повредил сестрата во Хохентенген на германско-швајцарската граница, соопшти државното правобранителство во сојузната покраина Баден-Виртемберг. 19-годишникот со нож ги убил родителите на возраст од 58 и 61 година, а потоа и 34-годишниот брат. Сестрата, чија возраст не е објавена, била повредена и со хеликоптер била пренесена во блиската болница. Таа наводно се здобила со сериозни убодни рани, но нејзиниот живот не е во опасност.

Инцидентот се случил вчера вечерта, соопштија од полицијата и од државното правобранителство. Осомничениот е уапсен. Според полициското соопштение, целото семејство живеело во куќата во која се случил масакрот. Убиецот има германско и италијанско државјанство. Мотивот за нападот се уште е нејасен.

Според информациите од државното правобранителство, 19-годишникот се товари за тројно убиство без умисла и обид за убиство, а во текот на денот треба да биде изведен пред судија кој треба да одреди мерка притвор.

Во истата област, пред два месеци, 32-годишен син ги убил своите родители, а на крајот и себеси

Ни трага, ни глас од 100 лица по масакрот од Москва

Деведесет и пет лица се уште се водат како исчезнати по минатонеделниот терористички напад во Москва, јавија денеска руските медиуми.

Официјалниот биланс на загинати во нападот во Crocus City Hall сега е 140 мртви и 182 ранети.

Порталот База, кој има добри врски со руските безбедносни служби, објави дека на списокот се појавиле уште 95 лица кои нивните семејства ги пријавиле за исчезнати.

Руските истражители велат дека акцијата ја извршиле четворица напаѓачи со калашникови. Пукањето започна непосредно пред рок групата „Пикник“ да настапи пред 6.200 гледачи.

Оттогаш руските социјални мрежи се преплавени со повици за помош во пронаоѓањето на исчезнатите.

Собрани во чат на Телеграм, пријателите и семејствата ги споделуваат имињата на луѓето кои сè уште се бараат и нудат поддршка еден на друг.

Популарно