Трамп не соработувал со Русија

Кампањата на Доналд Трамп за претседателските избори во 2016 година не заговарала со Русија, покажува извештајот на специјалниот советник Роберт Милер, кој две години работеше на истрагата за руската вмешаност во американските претседателски избори и победата на Трамп.

Тој не успеал да најде ниту докази за тоа дали има каква било опструкција на правдата, односно дали претседателот Трамп на каков било начин ја попречувал истрагата.

Во него се вели: “Иако овој извештај не заклучува дека претседателот извршил кривично дело, истото не го ослободува”. Сепак, јавниот обвинител вели дека ова не е прекршок.

“Специјалниот совет не откри дека било кој Американец или официјален претставник на кампањата на Трамп, се заложил или свесно координирал со Русија”, се вели во писмото на државниот обвинител Вилијам Бар.

Конгресменот Џери Надлер, Демократската претседателка на Комитетот за правосудство на Претставничкиот дом, нагласи дека јавниот обвинител не ја исклучува можноста дека Трамп ја попречил правдата.

Истрагата е опишана во извештај од четири страници, кој е доставен до јавниот обвинител, кој пак одлучил кои делови ќе ги објави во јавноста.

ВОЗНЕМИРУВАЧКО ВИДЕО од нападот во Нов Зеланд: Терористот снимал додека ги убивал верниците!

Напаѓачот на џамиите во градот Крајстчрч на Нов Зеланд уби најмалку 49 лица, додека над 50 се повредени. Во врска со случајот се уапсени четири лица, а меѓу нив и напаѓачот. Во возилата на приведените, меѓу кои иу една жена, пронајдени се експлозивни направи.

На местото на настанот веднаш беше испратена и војска, која ги деактивирала експлозивните направи.

Брентон Тарент, 28 години од Австралија – така се претставил напаѓачот на Фејсбук, кој целиот настан во живо го стримал на таа мрежа, но и на Твитер и Јутјуб. Станува збор за белец, облечен во маскирно одело со кацига со камера на неа, преку која го пренесувал масакрот.

Американскиот сајт „Дејли бист“ претходно објавил манифест на форумот „8чен“ близок до екстремната десница, објавил многу „мемови“ (слика со дополнителен текст ) а кои се однесуваат на српските напади врз босанските муслимани.

И на објавеното видео од нападот се слуша музика, а меѓу останатите, и четничката песна „Караѓиќу води Србе своје“, во која се спомнуваат и „хрватските усташи“.

На интернет се појави и снимка, за која не постои потврда за автентичност, ниту кога е направена, на која се гледа Австралиецот како носи оружје на кое на кирилица се испишани и две српски имиња. На шаржерите кои ги користел убиецот на кирлица се напишани имињата Стефан Лазар, Марко Миланов Поповиќ и други, објави „Дејли меил“. Станува збор за имиња на српски кнез од 14 век и црногорски војвода од 19 век.

На исклучително вознемирувачка снимка се гледа како мажот се паркира близу џамијата Ал Нор, првата која ја нападна и при излегувањето од возилото вели: Да почнеме со забавата. Потоа влегува во џамијата, ја отвора вратата, а пет минути подоцна се враќа во автомобилот за да го замени оружјето и повторно се враќа во џамијата за да ги убие сите кои покаживале знаци на живот. Набрзо потоа, повторно излегува од џамијата и на плочникот пред неа убива млада девојка. По нападот на првата џамија, во која имало околу 200 луѓе, нападната е уште една, во Линвуд, оддалечена 10 минути од првата. Според неофицијални информации, во првата џамија биле увбиени најголем дел од жртвите, над 30.

Австралиските медиуми наведуваат дека најголем дел од жртвите се мигранти и бегалци.

Во џамијата, на молитва била и целата крикет репрезентација на Бангладеш, која требала утре да игра против Нов Зеланд, но американските медиуми посочуваат дека никој од нив не е застрелан. Натпреварот е откажан.

Неименуван сведок за Си-Ен-Ен рече дека успеал да го скрши прозорецот од џамијата и така побегнал. Тој бил во тоалетот кога се случил нападот.

Новозеландската полиција апелира на граѓаните да не го споделуваат видеото кое убиецот го сними за време на смртоносниот поход. – Работиме на тоа да ја отстраниме снимката од сите социјални мрежи, велат од полицијата.

По нападот, властите на Нов Зеланд го зголемија нивото на закана по безбедноста од ниско на високо и ги повикаа граѓаните на смиреност.

Премиерката на Нов Зеланд Џасинда Ардерн потврди дека четири лица со екстремистички ставови се приведени, но и дека други луѓе се поврзуваат со нападот. Уште дополни дека тие претходно не биле на ниту една листа на полицијата и разузнавачките служби за следење.

Таа нападот го опиша како еден од најцрните денови во историјата на таа земја и го оквалификува како „терористички“.

Орбан се извини преку писмо

Унгарскиот премиер Виктор Орбан испрати писмо до лидерите на европските конзервативни партии кои побараа исклучување на неговата партија Фидес од Европската народна партија (ЕПП).

Во писмото, Орбан се извинува за користењето навредлив јазик, но наведува дека нема промени во политичките ставови.

Унгарскиот премиер побарал од лидерот на белгиската партија Христијански демократи и фламанци Ваутер Беке повторно да размисли за предлогот за исклучување на неговата Фидес од ЕПП.

Портпарол на унгарската Влада изјави дека такви писма се испратени до сите 13 партии кои се приклучија кон предлогот. 

Популарно