СПАСОВСКИ СЕ ПОФАЛИ - СДСМ добила 200 нови членови само од Петровец

Како се наближуваат изборите, така расте и бројот на нови членови и издадени партиски книшки од партиите.

Техничкиот премиер и еден од најистурените играчи на владејачката СДСМ, вчера вечер во рамките на партиските активности бил во посета на Општина Петровец, која има градоначалник од редовите на ВМРО-ДПМНЕ.

По посетата на Петровец, преку фејсбук се пофали дека партијата од таа општина добила 200 нови членови.

„Нашето членство расте, денеска добивме нови 200 члена во Петровец.

На 12 април нѐ чека важна одлука. Гласот за СДСМ е глас за развој, интеграции, повеќе пари кај граѓаните и силна економија. Да продолжиме напред, кон подобра иднина, кон ЕУ и НАТО!“, напиша меѓу другото Спасовски.

На пресконференцијата што ја одржа заедно со министерот за здравство Венко Филипче откако во земјава е потврден првиот случај на коронавирус, премиерот Спасовски беше прашан како ќе се постапува со оглед што е предизборен период и ќе следуваат митинзи и средби со граѓани, но и дали е можно да се размислува за одложување на изборите, на што тој одговори дека Владата работи на спречување на вирусот. Одлуките за големите собири иии за организираниот превоз ќе зависат од конкретната состојба.

„Денеска во овој момент немаме никаква причина која би значела запирање на нормалниот живот. Но, сите заедно да придонесеме да не не поведат пничните реакции пред реалноста. Денеска сме далеку да претпоставуваме за тоа што ќе се случува понатаму. Ќе бидеме будни и свесни“, објасни премиерот Спасовски. 

Спасовски: Работниците кои ќе останат без работа поради кризата ќе добиваат надомест од државата согласно нивниот стаж

Сите граѓани кои ќе останат без работа поради кризата предизвикана  од ширењето на коронавирусот, од државата ќе добиваат надомест во висина од 50 проценти од нивната месечна плата во измината година. Времетраењето на исплатата на надоместокот ќе зависи од должината на работниот стаж на работникот.

-За граѓаните кои ќе сотанат без работа поради кризата државата ќе исплаќа паричен надомест секој месец во висина од 50 отсто од месечна нето плата на работникот за последните 24 месеци согласно Законот за вработување и осигурување во случај на невработеност и член 68 од овој Закон. Според овој член граѓаните кои останале без работа ќе остварат надомест преку Агенцијата за вработување согласно нивните години на работен стаж. Така за пет години работен стаж следува четири месеци надомест или за 24 години стаж 12 месеци надомест, појасни на денешната прес-конференција премиерот Оливер Спасовски, образложувајќи го вторит сет мерки за спраување со последиците од кризата.

Тој најави и дека надомест од седум илјади денари по домаќинство ќе има за лица без работен ангажман или лица кои биле дел од неформалната економија.

-За оние лица кои останале без работен ангажман или биле дел од неформалната економија, обезбедуваме брз влез во системот на социјална заштита за април и мај. Тие просечно ќе добиваат по седум илјади денари по домаќинство. Проценетиот опфат на преземените мерки изнесува околу 30 илјади нови домаќинства од неформалната економија и 30 илјади постоечки корисници, рече премиерот.

Во сетот мерки што ги донела владата е и мерката за одложување закуп за корисници на социјални станови .

-Се одложува плаќањето закупнина за сите корисници, а исто така ќе се одложи и плаќањето и за закуп за граѓаните, додека за фирмите ќе се донесе посебна одлука во однос на плаќањето на кириите на закуп кај сите закуподавачи, појасни премиерот Спасовски.

Спасовски: Три оброка, сместување и вода имаат сите што се во државен карантин

Ирелвантно е каде се сместни лицата во државен каранитн, важно е дека мора да останат и да се изолираат 14 дена и на тој начин да го намалиме ризикот од ширење на кронавирусот. Во овој момент нема поважна работа од тоа дека треба да ги заштитиме нашите семејства и нашите граѓани, не може да биде поважно какви се собите и какви се условите во кои се спроведува државниот карантин иако секаде има добри усови, со добра храна и со добра организација, порача денеска премиерот Оливер Спасовски.

– Најважно е секој од нас да помисли што треба да направи најмалку за себе и за државата во овие моменти на вонредна состојба. Овие луѓе се дојдени од критичните подрачја, но не се луѓе кои се заболени, туку треба да бидат контролирани во самоизолација со цел да спречиме евентуално понатамошно ширење на вирусот. Треба да го имаат истото разбирање кога се наоѓаат во државен карантин како што беа во моментите кога сакаа или бараа од Владата да се вратат назад во нашата земја. Направивме се и понатаму ќе правиме се за сите наши граѓани, но најмалку што треба да прават тие е да бидат коректни и да бидат на ниво на одговорноста во оваа ситуација. Сега е вонредна состојба и сите имаме одговорност пред нас, пред граѓаните и државата, рече Спасовски во одговор напрашање на денешната прес-конференција. Тој ги повика лицата кои се во државен карантин да не шират дезинформации.

– Основниот пакет во државниот карантин како сместувањето, трите оброка и водата го имаат сите кои се наоѓаат во државен карантин. Ако некој сака дополнителни услуги во хотелот да земе плус од она што е определено од државата тоа е нешто што се наплаќа. Мислам дека тука настануваат најголемите забуни, потенцира Спасовски. Премиерот посочи дека секаде се обезбедува лекарска контрола и грижа врз основа на проценките кои ги прават лекарите и врз онсова на состојбата која ја имаме на терен.

– Колку повеќе недисцилина во спроведувањето на мерките, толку повеќе новозаболени и толку повеќе се отвораат услови за уште порестриктивни мерки. Затоа е многу важно сите во државата да помогнеме што е можно пократко да трае кризата и да имаме што е можно помал удар врз економијата. Сите да направиме се за да си помогнеме себе си и да и помогнеме на економијата. Владата ќе направи се како што прави и досега за да се заштитиме како граѓани и да и помогнеме на економијата, нагласи премиерот.

Спасовски прецизира дека досега има десетина лица кои не ја почитуваа мерката за самоизолација заради што беа  сместени во државен карантин. 

Спасовски: Финансиска поддршка за приватните фирми за исплата на плати за вработените

Финансиска поддршка за компаниите од приватниот сектор за исплата на плати за вработените во висина на минимална лата од 14.500 денари за април и мај и 50 проценти субвенционирање на придонесите за плата се дел од вториот пакет мерки што денеска ги презентираше Владата за ублажување на последиците од коронавовирусот.

Премиерот Оливер Спасовски на прес-конференцијата во Владата информира дека ќе биде отворена посебна владина програма за финансиска поддршка на работодавачите погодени од кризата.

– Со мерката се поддржува ликвидноста на работодавачите од приватниот сектор, односно се намалуваат нивните трошоци за плати во функција на заштита на работните места и на работниците во услови на криза, истакна Спасовски.

Услови за да се користи оваа мерка е компаниите да немаат исплатено дивиденда, бонуси, годишни награди и награди за деловна успешност и да имаат најмалку 30 проценти намалуавње на приходите споредено со просекот од минатата година, односно сезонскиот просек за фирмите кои вршат сезонска  дејност.

– Работодавачите што ќе добијат финансиска поддршка  од оваа мерка имаат обврска истиот број на вработени што го имале во моментот на аплицирање да го задржат заклучно со септември  2020 година. Добиената финансиска поддршка нема да ја враќаат работодавачи што искажале загуба за 2020. За останатите, враќањето е лимитирано до износ од 50 проценти од добивката пред оданочување зголемена за оданочовите расходи, рече Спасовски.

Една од мерките која се однесуваат на работниците и работодавачите е задолжително доискористување на годишниот одмор од минатата година заклучно со 31 мај годинава. 

Популарно