ПОПОСКИ: СНЕГОТ– ОСТАНУВА ЦИКЛОНОТ НАД МАКЕДОНИЈА

Временска Прогноза

на 3.2020

До крајот на денов под влијание на циклонска активност, времето во државава ќе се задржи претежно облачно со повремени врнежи претежно од снег. Во јужните предели на некои пониски места ќе има врнежи од дожд и снег а на повеќе места ќе се формира снежна покривка од околу 5 сантиметри, понекаде и до 10 сантиметри.

На повисоките места и на планините, како и во источните предели се очекува формирање на снежна покривка од 10 до 20 сантиметри, локално и повеќе. Ќе дува слаб до умерен ветер од променлив правец, максималните дневни температури на воздухот ќе се искачуваат во интервалот од 0 до 7 степени.

Во Скопје и околината времето ќе биде претежно облачно со повремени врнежи претежно од снег. Ќе дува слаб до умерен ветер претежно од северен правец. Максималната дневна температура на воздухот се очекува да се искачи до околу 3 степени.

Потоа од утре попладне и навечер се очекува незначително затоплување на времето. Токму поради ова на пониските места врнежите од снег ќе преминат во врнежи од дожд, повремено во дожд и снег и на некои места ќе бидат нешто поинтензивни. Најголемо количество на врнежи се очекува во источната половина, локално и над 40 л/м2. Снежната покривка во овие делови до утре изутрина на некои места можно е да достигне и над 30 сантиметри.

Максималните дневни температури од утре ќе бележат тенденција на незначително покачување, истите некаде од петок ќе се искачуваат во интервалот од 6 до 13 степени. И покрај помалото затоплување на времето, сепак и понатаму ќе биде посвежо од вообичаеното.

Спремете се за врнежлив викенд

Временска Прогноза

пред 7 месеци

Наутро со појава на магла или ниска облачност по котлините. Преку денот претежно облачно со повремени врнежи од дожд, на планините од снег.

Во текот на ноќта врнежите од дожд ќе преминат во снег и во некои од повисоките места. Наутро ќе дува слаб до умерен јужен, а од пладне и во текот на ноќта наместа долж Повардарието повремено засилен северен ветер. Минималната температура ќе биде во интервал од 0 до 6, а максималната ќе достигне од 6 до 12 степени.

Во Скопје наутро со појава на магла или ниска облачност. Во текот на денот облачно со повремени врнежи од дожд. Попладне ќе дува слаб до умерен ветер од северен правец. Минималната температура ќе се спушти до 3, а максималната ќе достигне до 9 степени.

Под влијание на влажна и студена воздушна маса од денеска до понеделник претпладне времето ќе биде претежно облачно, со појава на магла и со повремени врнежи од дожд, кои наместа и особено на западот и југот ќе бидат поројни и пообилни (над 50 l/m2). На планините врнежите ќе бидат од снег, а во сабота на повисоките места и во некои пониски ќе бидат од дожд и снег. На планините ќе се формира значителна снежна покривка, а особено во сабота во западните делови снежна покривка ќе се создаде и во дел од пониските места.

УХМР со најнова прогноза: Од утре дожд, снег и многу студено

Временска Прогноза

пред 8 месеци

Следува период на променливо облачно и постудено време, до четврток со повремени локални врнежи од дожд, а на повисоките планини особено во ноќта кон вторник ќе има услови за појава на повремен снег, соопшти Управата за хидрометеоролошки работи.

Минималната температура утре ќе се движи во интервал од -5 до 4, а максималната од 7 до 14 степени.

Во Скопје минималната температура ќе се спушти до -3, а максималната ќе достигне 13 степени.

УХМР со најнова прогноза - најавува пад на температурите и силен ветер

Временска Прогноза

пред 8 месеци

Утре по одделни котлини ќе има услови за појава на магла или ниска облачност. Преку денот времето ќе биде сончево со мала до умерена локална облачност. Ќе дува слаб до умерен, а наместа долж Повардарието повремено засилен ветер од северен правец, јавува УХМР.

Минималната температура ќе биде во интервал од 0 до 9, а максималната ќе достигне од 17 до 23 степени.

Во Скопје наутро во делови од котлината ќе има услови за појава на слаба магла, а преку денот сончево со мала облачност. Ќе дува слаб до умерен ветер од северен правец кој во делови од котлината краткотрајно ќе засилува. Минималната температура ќе се спушти до 6, а максималната ќе достигне до 23 степени.

Во наредните денови следува период на стабилно и суво време со слаб до умерен, а долж Повардарието повремено засилен северен ветер најизразен во ноќта кон недела. По одделни котлини ќе има услови за појава на утринска магла или ниска облачност. Дневните температури во периодот до сабота ќе бидат пониски за некој степен, а од недела ќе бидат пониски за 4 до 5 степени.

Популарно