Почина мајката на сопругата на претседателот Пендаровски, се чекаат резултати од тестот за коронавирусот

Мајката на сопругата на претседателот на државата, Стево Пендаровски, денеска била донесена на клиниката за пулмологија, каде што и починала.  Таа претходно една година била во тешка здравствена состојба.

“Посмртно е земен брис за корона вирус и за резултатите дополнително ќе биде информирана јавноста, најверојатно во текот на утрешниот ден. Генерално, досега немала симптоми на Ковид-19” – соопшти кабинетот на претседателот на државата.

Претседателот Стево Пендаровски и неговата сопруга Елизабета Ѓоргиевска не се тестирани за новиот корона вирус а дали ќе бидат тестирани зависи од резултатот на тестот на  починатата жена.

Филипче со лоша вест за коронавирусот

Министерот за здравство, Венко Филипче во вечерашното гостување на телевизија Телма предупреди дека граѓаните уште долго време ќе мора да живеат со мерките за заштита од корона вирусот.

-Ова ќе трае. Нема да прекине ни до крај на годината, ни до почетокот на наредната. Има предвидувања дека дури и после вакцината ваквата состојба со корона вирусот ќе продолжи. Некои најнови предвидувања велат дека ќе трае и до 2022 година. Предвидувања од еминентни медицински списанија. Мора да научиме дека треба да живееме носејќи маска и држење дистанца, вели Филипче.

Реисот Реџепи разрешен од функцијата

Со 2/3 мнозинство донесена е одлука за разрешување на Реисот Реџепи од функцијата, јавува репортерот на ТВ21.

„Едногласно донесовме одлука за разрешување на господин Сулејман Ефенди Реџепи од позицијата Рејс Ул Улема претседател на Исламска верска заедница“, изјави Ефенди Шаќир Фетаху.

До подготвување на нови избори, вршител на должноста ќе биде гостиварскиот муфтија.

Одлуката стапува на сила од денеска. ТВ21 известува во живо.

3 починати и 25 нови случаи на Ковид-19 во земјава

Денеска Институтот за јавно здравје регистрира 17 оздравени пациенти.

- Скопје 11

- Куманово 4

- Тетово 1

- Велес 1

На Клиниката за инфективни болести и фебрилни состојби почина пациент од Струга (58г) и пациент од Скопје (47г) и двајцата долго време поставени на механичка вентилација. Во ГОБ „8 септември“ почина пациент од Тетово (41г) хоспитализиран на 19 мај.

Во последните 24 часа направени се 622 тестирања, а регистрирани се 25 нови случаи на ковид-19.

- Скопје 14

- Куманово 2

- Штип 4

- Прилеп 1

- Тетово 2

- Струга 1

- Велес 1

Досега во земјата се направени вкупно 26463 тестирања на ковид-19. Од вкупниот број направени тестови во изминатото деноноќие 251 тест е во рамките на скринингот во градинки и геронтолошки установи. Тестирањата се направени преку Центрите за јавно здравје во Кочани, Куманово и Скопје, а регистриран е еден позитивен случај во геронтолошка установа во Скопје. Досега преку скрининг направени се 2680 тестирања на ковид-19, а регистрирани се вкупно три позитивни случаи на вирусот.

Вкупната бројка на ковид дијагностицирани во нашата земја од почетокот на епидемијата изнесува 2039, бројката на оздравени пациенти е 1470, на починати е 119, а во моментов бројот на активни случаи во земјата изнесува 450.

Популарно