Детали од грчкиот план за рестартирање на туризмот

Без било каков вид на тест и без задолжителен карантин, од 15 јуни 2020 година, започнува странскиот туризам во Грција за посетители од држави со добри епидемиолошки карактеристики, а балканските земи може да бидат меѓу првите за кои ќе биде дозволен влез, согласно планот на грчката Влада „Restart tourism”, презентирани од министерот за туризам на Грција, Харис Теохарис, кој рече дека станува збор за „програма што ги содржи сите неопходни предуслови за брзо и безбедно да започне грчкиот туризам”, јави дописничката на МИА од Атина.

-Во соработка со комисијата на епидемиолози ќе се одреди листа на земји со кои ќе се ослободат летовите, пред крајот на месецот ја соопштиме оваа листа. Ослободување значи, и ова треба да се истакне за да им биде на сите јасно, дека предуслов нема да биде правење на било каков вид на тест за некој да дојде во нашата земја и нема да постои карантин. Но, ја задржуваме нашата можност да правиме тестови по случаен избор за епидемиолошки да следиме што се случува, рече Теохарис.

Надлежниот министер објасни дека постојат пет фази, првите две се однесуваат на домашниот туризам, на 25 мај се ослободува патувањето со јахти, а на 1 јуни се отвораат камповите и хотелите кои работата во текот на целата година.

Следните три фази, почнувајќи од 15 јуни се однесуваат на странскиот туризам, со отворање на останатите туристички објекти, меѓу кои и сезонските и со дозвола за првите летови од странство.

-Ако ситуацијата е како што е сега, сигурни сме дека од балканските до балтичките земји, еден пример е Бугарија, ќе бидат меѓу првите земји со кои ќе можеме да го обновиме поврзувањето, рече Теохарис, пренесе МИА.

Фазата од 1 јули предвидува дозвола за летови од странство кон сите аеродроми, како и дозвола за влез на туристи од сите земји, но во зависност од епидемиолошките карактеристики, може да постојат и исклучоци за одредени земји.

Паралелно, за безбедно да се примат туристите, предвиден е план за управување доколку се појави позитивен случај. Во планот е вклучено зајакнување на здравствениот капацитет на туристичките дестинации, што меѓу другото предвидува туристичките објекти да имаат соработка со лекар, како и управување со позитивен случај за што треба да постојат специјални „простори-карантин” во секој регион и на секој остров.

Исто така ќе постојат посебни здравствени протоколи за работа на хотелите и туристичките објекти, за туристичките автобуси, за превозот, транспортот и сл, а ќе бидат вклучен во закон кој во следните денови ќе се гласа во грчкиот Парламент.

Меѓу економските мерки за поддршка на туризмот, како што беше соопштено денеска, вклучено е намалување на ДДВ-то за превозот, за кафето и безалкохолните пијалаци и на туристичките пакети.

Во владиниот план, предвидени се и мерки за поддршка на домашниот туризам. Министерот за туризам соопшти дека во 2019 година, 33 милиони туристи ја посетиле Грција, а профитот бил 19 милијарди евра.

Авганистан: Подметната бомба во автобус, загинаа новинар и возач

Еден новинар и возач се убиени, а најмалку шест лица се повредени во експлозија на бомба во автобус кој превезувал вработени во една авганистанска телевизија во Кабул, соопшти директорот на ТВ Куршид.

Според првичните извештаи, бомбата била закачена на автобусот со магнети и експлодирала за време на вечерниот метеж, а до сега ниту една милитантна група не презеде одговорност за нападот.

Во изминатите две години загинале двајца вработени во оваа телевизија, а двајца се повредени во слични напади. 

Во оваа земја има само 328 потврдени случаи

Јужна Кореја, Тајван и Хонг Конг се истакнати како примери на успешна борба со Ковид 19, но успехот постигнат од Виетнам е занемарен, проценува Си-Ен-Ен.

Земјата со население од 97 милиони не објави починати од коронавирус, а има само 328 потврдени случаи, и покрај долгата граница со Кина и фактот дека милиони Кинези го посетуваат Виетнам секоја година.

Успехот е уште поголем ако се има предвид дека Виетнам е земја чии жители се претежно со ниски и средни приходи и има послаб здравствен систем од земјите во регионот.

Виетнам има само осум доктори на 10.000 жители.

По тринеделниот карантин низ целата земја, Виетнам го укина правилото за социјално дистанцирање на крајот на април.

Повеќе од 40 дена нема регистрирано локални инфекции во земјата, а бизнисите и училиштата повторно се отворија и животот постепено се враќа во нормала. За скептиците, официјалните податоци на Виетнам можат да изгледаат премногу добри за да бидат точни.

Како и да е, Гуи Тваитс, епидемиолог, кој работи во една од главните болници назначени од виетнамската влада за третман на пациенти „Ковид-19“, истакнува дека овие бројки соодветствуваат на реалната состојба.

Како тогаш Виетнам успеа да спречи ширење на вирусот, прашува Си-Ен-Ен.

Одговорот, според експертите за јавно здравје, лежи во комбинација на неколку фактори – од брз одговор на владата за спречување на ширење на вирусот, до ригорозно следење на контакти и ефективна јавна комуникација.

Виетнам започна да се подготвува за епидемија на коронавирус неколку недели пред да се открие првиот случај на земјата.

Карантинските мерки беа брзо преземени, а на 12 февруари се затвори цело село со 10.000 жители, северно од Ханој. По седум откриени случаи на инфекција, селото било ставено во карантин 20 дена, што е прва голема изолација надвор од Кина.

На училиштата и универзитетите, кои требаше да се отворат во февруари, по Лунарната Нова Година, им беше наредено да останат затворени и не беа отворени до мај.

Покрај тоа, одлучната потрага по контакт го намали преносот на вирусот во заедницата.

Властите строго барале контакти со потврдени случаи на коронавирус и ги ставиле во задолжителен двонеделен карантин.

Напорите да се бараат контакти во Виетнам беа толку силни што вклучуваат не само директни, туку и индиректни контакти.

Третиот фактор што придонесе за успешна борба на Виетнам против вирусот беше јавната комуникација и пропагандата, посочува Си-Ен-Ен.

Веб-страници, телефонски линии и апликации ги посочуваа најновите информации за епидемијата.

На крајот на февруари, Министерството за здравство на Виетнам објави интересно музичко видео засновано на виетнамскиот поп хит, а целта беше да се покаже соодветно миење на рацете и други мерки за хигиена за време на епидемијата.

Епидемиолозите во Виетнам посочуваат дека искуството од епидемиите на САРС и птичјиот грип им било од големо значење.

ДАЛИ ПАНГОЛИНИТЕ СЕ ИЗВОР НА ПАНДЕМИЈАТА?

Генетско истражување покажува дека панголините (вид на цицачи) и лилјаците, а можеби и некои други видови, најверојатно, го инкубирале новиот коронавирус пред да се рашири кај луѓето, објави Си-Ен-Ен.

Ова значи дека панголините не можат да бидат извор на пандемија, како што се сметаше досега, затоа што типот на вирусот кај овие животни е премногу различен од САРС-КоВ-2.

Панголините, кои се продаваат како храна во Кина, веќе долго време се сметаат за можен извор на пандемијата. Сепак, научниците тврдат дека е премногу рано панголините да се обвинат за пандемијата и дека другите животински видови, исто така, можеби биле домаќини на вирусот пред да се рашири кај луѓето.

Истражувањето, спроведено од научници од Националната лабораторија Лос Алмос на универзитетот Дјук со колегите, потврди дека коронавирусот постојано ги заменувал гените со слични видови на вирус и заразил лилјаци и панголини, а можеби и други животински видови. Студијата беше објавена во списанието Science Advances.

Тимот анализирал 43 комплетни геноми од три видови на коронавирус кои инфицираат лилјаци и панголини и кои се слични на новиот коронавирус.

Елена Џорџи од Националната лабораторија Лос Алмос, која учествуваше во студијата, рече дека САРС-КоВ-2 има богата еволутивна историја и дека разменувал генетски материјал помеѓу типови на коронавирус кај лилјаци и видови на коронавирус во панголини, пред да добие можност за зарази луѓе.

Сепак, тие забележуваат дека примероците на соеви на коронавирус во панголини кои ги проучувале се премногу различни од САРС-КоВ-2 за да се сметаат за нејзини потомци.

Научниците заклучиле дека луѓето треба да го намалат контактот со дивите животни кои може да им пренесат нови вируси.

Популарно