Што точно подразбира „Задолжителна зимска опрема за автомобил“

Од терен Актуелно Проблеми

на 11.2013

Согласно одредбите од Законот за безбедност на сообраќајот на патиштата, од 15 ноември оваа година со 15 март наредната година ќе се применува законската обврска за задолжително поседување на пропишаната зимска опрема за моторните возила и работните машини, кои учествуваат во сообраќај на пат, надвор од населено место.

Притоа, под потребна зимска опрема е специфицирано следното:

Зимска опрема за моторно возило со најголема дозволена маса која не надминува 3.500кг. се подразбира:

- Зимски пневматици на сите тркала, со минимална длабочина на шарите на слојот што гази по обем и широчина, од 4мм

- Пневматици со летен профил на сите тркала со длабочина на шарите на слојот што гази по обем и широчина, со минимум од 4мм, ако возилото во приборот има синџири за снег со адекватна големина за погонските тркала или други соодветни помагала.

Зимска опрема за моторни возила со погон на четири тркала (4х4) подразбира:

- Зимски пневматици на сите тркала со минимална длабочина на шарите на слојот што гази по обем и широчина, од 6мм

- Пневматици со летен профил на сите тркала со длабочина на шарите на слојот што гази по обем и широчина, со минимум од 4мм. Ако во приборот на возилото има синџири за снег и во случај кога имаат постојан погон, синџири за снег треба да имаат најмалку за задната осовина, а во случај на преклоплив погон, синџири за снег треба да имаат најмалку на постојано вклучената осовина

Зимска опрема на моторни возила со најголема дозволена која надминува 3.500кг, се подразбира:

- Зимски пневматици на погонските тркала со минимална длабочина на шарите на слојот што гази по обем и широчина, од 6мм

- Пневматици со летен профил на сите тркала со длабочина на шарите на слојот што гази по обем и широчина, со минимум од 4мм. Ако возилото во приборот има синџири за снег со адекватна големина за погонските тркала или други соодветни помагала

- Автобуси и други товарни моторни возила, кои поради технички причини не можат да постават синџири за снег на погонските тркала, треба да имаат зимски пневматици на погонските тркала

- Прирачен алат – лопата.

Зимски пневматици се оние пневматици кои на својата бочна страна имаат ознака „ MS “, „ M + S “ и „ M & S “ и знак на снегулка на стилизирана планина со три врва

Кој на која фотелја ќе седне и зошто?

Актуелно

пред еден месец

Во дискусиите за реформата на јавната администрација, кои се чини дека секогаш се актуелни, сѐ повеќе се зборува за мерит принципот (или принципот на заслуга) при именувањето на функционери, односно за професионализацијата на раководните позиции во јавната администрација (што би значело дека нив треба да ги пополнат лица со соодветни компетенции и програми). Различни субјекти и организации говорат на оваа тема од различни перспективи.

Домашните стручњаци и невладините организации бараат поголема имплементација на принципот на мерит. Странските експерти често нѐ советуваат како да ги измениме законите за да добиеме посоодветни директори, а меѓународните организации нѐ уверуваат дека тоа ќе нѐ доведе поблиску до интеграција во Европската Унија.

Опозицијата (независно кој ја сочинува) често критикува дека се именуваат некомпетентни лица на раководни функции. Власта, пак, независно кои партии ја сочинуваат во даден временски период, се чини дека не сака да ги напушти повеќедецениските практики да ги именува директорите, членовите на управните и надзорните одбори и слично исклучиво според сопствените преференции и партиската припадност, занемарувајќи ги професионалните компетенции.

Следствено, во епизодата „Кој на која фотелја и зошто?!“ зборуваме за примената на принципот на заслуги во јавната администрација во Република Северна Македонија. Кои позиции треба да се пополнуваат исклучиво според принципот на заслуги? Постојат ли позиции за кои, освен компетенции, е потребна и блискост до програмските определби и политиките на Владата? Како да се осигураме дека едно директорско место или друга функција ќе ја пополни соодветно лице? Може ли да важат истите правила за сите директори (на класичните органи на државната управа, на јавните претпријатија, на јавните установи)? Треба ли да постојат управни одбори во органите на државната управа и јавните претпријатија? Зошто претходната Влада од 2018 до крајот на мандатот го најавуваше Законот за висока раководна служба, но тој не се усвои? Потребен ли е ваков закон? Како се злоупотребува можноста за именување на в.д. директори?

На овие теми дискутираме со проф. д-р Ана Павловска-Данева од Правниот факултет „Јустинијан Први“, воедно и уставен судија, и со Јулијана Караи која е Виш истражувач во Институтот за Европска политика – ЕПИ.

Имаат ли перспектива младите во државава?

Актуелно

пред 7 месеци

Драги пријатели, со голема радост го споделуваме првиот подкаст на Македонско-американската алумни асоцијација од серијалот ‘The Voice of MAAA’ (Гласот на МААА) при проектот ,,Алумни поддршка на волонтерски и воннаставни активности".

Подкастот е на тема „Перспективите на младите луѓе во нашата земја„ и во него гостуваат нашите членови Бојан Кордалов, комуниколог и Иван Дургутов, младински активист, а го модерира Катерина Топалова, новинар.

Се надеваме дека гласот на нашите членови ќе допре до младата популација во нашата земја, како и до сите заинтересирани за темата. Уживајте!

ВИДЕО: Гори мотор на Теодосиј Гологанов во Скопје!

Од терен

пред 7 месеци

Втор пожар денеска во Скопје. Не толку голем како оној во Универзалната Сала, но доволно силен за да ги вознемири жителите на населбите Тафталиџе и Козле.

Во пожар изгоре мотор на булеварот Митрополит Теодосиј Гологанов веднаш до комплексот Гранд Престиж. Засега нема информации за повредени или пак за тоа како настанал пожарот.

Видеото можете да го погледнете на линкот подолу.

Испратено од: Сара

https://youtube.com/shorts/20hGpiR-0SU?si=DFfQ5VxsyiO-B7dw