Платформа на албанските партии во Македонија

1. Постигнување целосна рамноправност во согласност со Охридскиот Договор и Уставот

– Правилно спроведување на принципот на мултиетничноста во Уставот на РМ, каде Албанците се сметаат како државотворна нација, поддржување секаква правна и уставна иницијатива која ja зајакнува националната рамноправност за албанското население.

– Постигнување целосна јазична еднаквост, употребата на албанскиот јазик на сите нивоа на власта и гаранција за неговата примена како фундаментално и уставно право. Уставот на Република Македонија треба да утврди дека „македонскиот јазик и неговото кирилско писмо и албанскиот јазик со неговото писмо се официјални јазици во Република Македонија”.

– Сеопфатна дебата за знамето, химната и државниот грб на Република Македонија, со цел државните симболи да ја рефлектираат општествената мултиетничност и етничката рамноправност.

– Усвојување на Резолуција во Собранието на Република Македонија со која се осудува геноцидот врз албанскиот народ во Македонија во периодот од 1912 до 1956 година.

2. Постигнување економска рамноправност и општествената благосостојба, особено преку рамномерен регионален развој

– Создавање нов механизам, во форма на една државна комисија за финансирање на општините, за донесување одлуки со право за владини грантови во корист на општините.

– Создавање министерство за политички систем и односи меѓу заедниците, како надлежен орган за почитување на правата на заедниците и поттикнување на економскиот и социјалниот развој во неразвиените подрачја.

– Остварување правична застапеност во органите за безбедност, војската, разузнавањето и правдата.

– Остварување правична застапеност во сите нивоа на централната власт, како и во јавните служби или претпријатија со јавни акции.

3. Зајакнување на владеењето на правото, како предуслов за напредок на евроатлантскиот интегративен процес

– Спроведувањето на реформите во согласност со Договорот во Скопје, Препораките на Прибе, итните препораки на Европската комисија како и Препораките од Пристапниот дијалог на високо ниво со ЕУ.

– Поддршка за непристрасно вршење на работата на Специјалниот обвинител, без етнички и политички предрасуди.

– Целосно расчистување на прашањата и судските постапки како „Сопот”, „Бродец”, „Монструм” и „Куманово” преку една анкетна комисија или меѓународен независен орган.

4. Создавање дух на доверба во функција на добри меѓуетнички односи како суштински елемент за политичка стабилност во земјата

– Преземање на афирмативни мерки за обезбедување финансирање на албанските културни институции на централно и локално ниво.

– Создавање на една централна институција за унапредување на јазиците на заедниците, која ќе обезбеди подготовка на преведувачи, уредници и предавачи.

5. Решавање на спорот со името, во согласност со европските вредности и принципите на меѓународното право

– Усвојување заедничка и обврзувачка резолуција во Собранието на Република Македонија со која Владата на Република Македонија е обврзува активно да се вклучи кон решавањето на спорот со името.

– Вклучување на Албанците во работната група за директни преговори со Грција.

6. Добри односи со соседите

– Вклучување на Албанците во работната група за директни преговори со Бугарија.

– Соработка со Косово и Албанија за интегрирано гранично управување.

– Отворање на нови гранични премини.

7. Брза интеграција во НАТО и во Европската унија

– Исполнувањето на горенаведените точки ќе го деблокира патот на Македонија кон целосна интеграција во НАТО и отворање на преговорите за членство во Европската унија.

Исполнувањето на овие цели ќе се следи преку организирање тркалезна маса на албанските парламентарни партии. Тркалезната маса на албанските парламентарни партии ќе се одвива во согласност со принципот на ротација и ќе служи како платформа за усогласување на политичкото дејствување и транспарентна комуникација со меѓународните партнери на Македонија, особено барајќи ја поддршката на Европската Унија и меѓународните институции. Тркалезната маса ќе ги определи роковите за спроведување на горенаведените цели, во согласност со законите и Уставот на Република Македонија.

Ќе се изненадите: Без кои органи човекот може да живее

Човечкото тело е поотпорно отколку што мислевте. На пример, ако донирате половина литар крв, вашето тело брзо ќе ја надополни. Дури и ако останете без поголем дел од некои од органите, сепак можете да преживеете. Луѓето можат да живеат сосема нормално, дури и со само половина мозок, а постојат и органи кои комлетно можат да се извадат, а да немате никакви проблеми, пишува Индепендент.

1. Слезина

Таа е орган на лимфниот систем. Претставува депо – орган и складира крв, а исто така ги отстранува изумрените црвени крвни зрнца. Сместена е на левата, горна страна од абдоменот, зад желудникот и под дијафрагмата. Има две страни од кои едната кон дијафрагмата, а другата кон стомачните органи на која се наоѓа влезен отвор. Од тука влегува слезенска артерија, а излегува слезенска вена.

Ако не се третира повреда на слезината и таа искрвари, може да дојде до смрт, но ако целосно се отстрани поради некоја друга причина, човек може да живее, бидејќи улогата што таа ја игра, во голема мера без неа продолжува да ја игра црниот дроб.

2. Желудник

Желудникот има две главни функции: механичко варење и доситнување на храната и хемиско варењето на храната со киселина која помага да се разградат парчињата од јадењето.

Понекогаш се отстранува со операција поради рак или друга причина, а во тој случај хирургот хранопроводникот го поврзува директно со цревата. По заздравувањето луѓето можат да јадат нормално.

3. Репродуктивни органи

Примарни репродуктивни органи се јајниците и тестисите. Овие органи доаѓаат во парови, па ако останете со еден, сеуште можете да имате деца.

Отстранувањето се врши најчесто поради рак или повреда. Истражувањата покажуваат дека жените по отстранување на јајниците живеат исто долго како и со нив, а на некои мажи по отстранување на тестисите животниот век дури и им се зголемува.

ККај жените исто така може да се отстрани матката, по што повеќе не можат да имаат деца.

4. Дебело црево

Дебелото црево е долго 1,5 метри, дел е од дигестивниот тракт и се надоврзува на тенкото црево.

Се состои од четири дела: слепо црево, колон, право црево и аналаен канал. Неговата основна функција е апсорпција на вода и собирање на несакани остатоци што се претвораат во фекалии.

Понекогаш, поради болест, треба да отстрани еден дел од него или целото. Луѓето обично по операцијата се целосно опоравуваат, но можно е да постои потреба да ја прилагодат храната што ја внесуваат.

5. Жолчното кесе – Жолчка

Жолчното кесе лежи под црниот дроб на десната страна на абдоменот, веднаш под реброто. Црниот дроб создава жолчна течност за да ја помогне со разградување на маснотиите и оваа течност се чува во жолчката.

Понекогаш се појава на камен/ња воа жолчката, па постојат случаи кога таа мора да се отстрани.

6. Слепо црево

Слепото црево е почетниот дел од дебелото црево. Она што луѓето го нарекуваат слепото црево е всушност само еден дел од дебелото црево – црволик, кој се наооѓа на крстопатот помеѓу дебелото црево и тенкото црево.

Слепото црево кај човекот, вообичаено од 8-10 см и помалку од 1,3 см, нема функција во системот за варење. Неговите мускулни ѕидови ги исфрлаат своите мукозни секрети или кои било цревни содржини што влегуваат во него.

Понекогаш, со воспаление на слепото црево, тоа мора да биде хируршки отстранети, но операцијата се изведува кога постои опасност содржината од слепото црево да се разлее по околните органи.

7. Бубрези

Поголемиот дел од луѓето имаат два бубрега, но може да живаат сосема нормално и со еден или дури и без ниеден, но во овој случај ќе треба да одат на дијализа.

Функцијата на бубрезите е да ја филтрираат крвта, да вршат контрола на водата во телото, осмотска контрола на екстрацелуларната течност, киселинско-базна рамнотежа, концентрацијата на поедини електролити во телото, артерискиот крвен притисок и веројатно еритропоезата.

Постојат различни причини зошто луѓето мораат да отстранат еден или два бубрези: наследни болести, оштетување од лекови, алкохолот или инфекција. Ако лицето остане без бубрезите, нивната функција се заменува со дијализа.

Очекуваниот животен век на лицата без бубрези зависи од неколку фактори: видот на дијализа, полот, други болести од кои луѓето можат да се разболат и возраста на пациентот.

Неодамнешните истражувања покажаа дека луѓето кои почнале да одат на дијализа на дваесет години може да живеат уште 16 до 18 години, додека лицата кои почнале да одат на дијализа во шеесеттите години може да се очекува да живеат уште пет години живот. Се разбира ова се само статистички податоци и од секое правило има исклучок.

Имате несоница? А која е смислата на вашиот живот?

Од разно-разни лекарства и народни иљачи, до чаша топло млеко пред легнување и други трикови, интернетот е преполн со совети како да се победи несоницата. Едно истражување предлага сосема поинаков пристап кон проблемот: најдете си смисла на животот.

Димензијата на проблемот со несоницата е фрапантен ако се замисли дека во САД, околу 50 милиони луѓе секоја вечер се вртат во кревет, бројат овци, нозете им се ладни или перницата им е претопла. И тие 50 милиони напатени лица, такви ненаспани, утредента ќе излезат на улица, ќе возат коли и ќе одат на работа.

Истражувачи од медицински центар во Чикаго ги заинтересирала врската меѓу несоницата и чувството за имање смислен и целисходен живот. Особено ги занимале проблемите како апнеа и синдромот на уморни нозе кои не можат да се одморат. Апнеата е пореметување на дишењето во текот на спиењето (кога телото одеднаш ќе заборави дека треба да дише) а синдромот на уморни нозе кои не можат да се одморат е синдром на уморни нозе кои не можат да се одморат (кога ти вријат па само ги мрдаш).

Биле испитувани 825 лица, главно повозрасни, и мажи и жени, и белци и црнци. Без разлика на бојата на кожата, студијата покажала дека оние кои ја чувствуваат смислата на својот живот имаат 63% помалку шанси да развијат апнеа или немирни нозе. Истовремено, таквите луѓе и генерално имаат подобар квалитет на своето спиење од другите.

Бидејќи една од варијаблите е поседување чувство за смисла на својот живот, јасно е дека не се работи за некое клинички педантно утврдување објективни вредности. Научниците морале да се потпираат на одговорите на прашалник кој содржел прашања од типот: „Има луѓе кои бесцелно одат низ својот живот ама јас не сум еден од нив“.

Па сепак, ова истражување оди во прилог на последните трендови несоницата да не се третира само фармаколошки. Со оглед на тоа што смислата на животот е нешто што може да се култивира и негува, истражувачите веруваат дека со смислени терапии на оваа тема може да се развијат и ефикасни стратегии против несоницата.

Да се разбереме, наоѓањето на смислата не личи секогаш на хепиенд. На пример:

(ВИДЕО) “Суперлепак” за рани на човечкото тело

Универзитетот во Сиднеј го претстави своето „лепило“ за човечко тело, кое рана од куршум или нож, ја затвора за само 60 секунди.

Оваа супстанца е создадена со помош на протеин кој го има во нашето тело.

Кога ќе се нанесе на раната, тоа веднаш го запира крвавењето, но и испраќа сигнали до телото за регенерација на оштетеното ткиво, и тоа двапати побрзо од вообичаено.

– Верувам дека овој пронајдок ќе биде исклучително значаен. Го запира крварењето за многу кусо време, што може да биде совршено во случаи кога на еден или десетици луѓе им е потребна помош.

Гледав како лекот делува при операција – ја собира раната за 60 секунди, изјави професорот Ентони Вајс.

Лекот првично е наменет за површни, кожни отворени рани, но делува и на внатрешните повреди.

Сиднеј, 30 март 2018

Популарно