Дали омилениот парфем ви го упропастува љубовниот живот?

Повеќето од нас имаат посебен, омилен парфем со кој се чувствуваме посебно. Тоа е оној парфем кој најчесто го носиме на првиот состанок, но можеби не треба тоа да го правиме.

Имено, психологот Белиса Вранич, за “PopSugar” изјавила дека не би било лошо на првиот состанок да дојдете без парфем.

“Порано, луѓето се потпирале на осетот за мирис, за да добијат информација за некоја личност. Сега луѓето го прикриваат својот мирис, со парфем, па затоа не може да дојде до израз мирисот кој би нè привлекол или одбил од некоја личност”, раскажала докторката.

Истражувањата покажале дека чувството за мирис игра важна улога во делот кога го избираме партнерот, а докторката Вранич појаснува зошто ни е важно тоа нам.

“Една причина зошто мирисот свесно или потсвесно ни кажува што чувствуваме во врска со партнерот е тоа дека делот од мозокот во кој е сместен центарот за мирис, е многу блиску до делот кој управува со меморијата”, додала.

Докторката за крај порачала дека носењето на парфем само од себе не е лошо, но додала дека тоа може да биде причина да не го почувствувате тоа посебно “нешто” во врска со другата личност.

“Навистина е важно да сфатите дали некој ви се допаѓа со неговиот природен мирис, без парфем”, заклучила за крај.

Често сонувате дека паѓате во сон? Ова е значењето

Дали некогаш сонувате како да пропаѓате? Треба да знаете дека не сте единствени. Ова е еден од најчестите сонови- чувството на губење на тлото под нозете, скокање или паѓање во празнина или дупка и чувство на неподвижност.

Некои луѓе продолжуваат да спијат по тоа, но други пак се плашат и тешко им е да заспијат. Иако тоа не значи ништо страшно и докторите посочуваат дека станува збор за фаза кога во текот на спиењето мозокот ги парализира мускулите, а по будењето тие се стискаат, што создава чувство на паѓање или лебдење.

Сепак, некои сметаат дека позади ова се крие несигурност во животот, а дека ваквите соништа се случуваат особено кај оние луѓе кои често се под стрес. Се смета дека ваквата појава им влијае на 7 од 10 луѓе.

Како да знаете дека некој ве лаже? Очите откриваат многу повеќе одошто мислите

Ако се прашувате дали некоја личност ве лаже, треба да обрнете внимание на нивните очи. Тие откриваат многу повеќе од зборовите.

Гледајќи некоја личност директно во очите може да ви помогне да дознаете повеќе одошто мислите. Можете да откриете дали на таа личност и е драго што ве гледа или не, дали е под стрес, дали е среќна,но и дали ја зборува вистината.

Ова се советите на експертите:

Зеници

Можете да го контролирате изразот на лицето, но зениците откриваат многу за вас, односно дали ви се допаѓа тоа што го гледате и дали ја кажувате вистината. Многу истражувања покажуваат дека зениците се зголемуваат кога ја гледате личноста која ви се допаѓа. Кога гледате некој што не го сакате толку, зениците се намалуваат. Исто така, тие се намалуваат и кога сте под стрес.

Движење на капаците

Колку што повеќе се движат очните капаци, толку на некоја личност и е непријатно. Иако тоа може да биде показател на стрес и некаква здравствена состојба, сепак во многу случаи тоа зборува за чувствата на одредена личност.

Гледање во очи

Голем дел од нас веќе знаат дека поголеми се шансите дека сме излажани  ако некоја личност не нѐ гледа во очи. Сепак, исто така лутањето на погледот и движењето на очите горе-доле исто така е знак дека личноста лаже.

Трепкање

Во некои случаи трепкаме почесто поради различни причини, но многу честото трепкање е показател дека личноста лаже.

Популарно