ВИДЕО: Дете стои на работ на прозорецот на осми кат, родителите ги нема

Свет

на 10.2015

Ова застрашувачко видео беше објавено на видео сервисот Јутјуб каде се гледа како едно дете стои на работ на прозорецот на осми кат.

bebe-osmi-kat

Само еден погрешен чекор и детето можеше мошне лесно да падне, а неговите родители никаде ги нема. Инцидентот се случил во градот Миас во областа Челјабинск во Русија, како што се коментира на социјалните мрежи.

Бебето без страв гледа од прозорецот кон земјата и во еден миг дури се чини дека ќе падне, но за среќа остана на неговите нозе и одлучи да се врати внатре.

Соседите од спротивната страна го снимиле инцидентот и веднаш повикале полиција. Полицијата пристигнала за само 15-тина минути и немале можност да ја видат оваа страшна авантура на малото момче.

Полицијата разговарала со родителите на детето и подоцна преку социјалните мрежи соопштила дека станува збор за нормално семејство без никакви проблеми.

Пронајдена уште една црна кутија на местото на авионската несреќа во Казахстан

Свет

пред 3 дена

Втората црна кутија е пронајдена на местото на несреќата во близина на градот Актау во западен Казахстан, според окружниот сообраќаен обвинител Мангистау Абилајбек Ордабаев.

„Во авионот се пронајдени две црни кутии. Тие ќе бидат предадени на одделот за истрага на воздушни несреќи, а потоа ќе бидат прегледани“, рече тој на прес-конференцијата, пренесува Казинформ.

Според него, од повредените се земени изјави и се идентификувани сите сведоци, а се испитува и видеото од радио врската меѓу диспечерот и екипажот.

Видео: Изгаснат пожарот во Ајфелова кула - Евакуирани над 1200 лица

Свет

пред 5 дена

Ајфеловата кула во Париз денеска беше евакуирана откако изби пожар. Пожар бил забележан во еден од лифтовите на Ајфелова кула, поради што посетителите биле евакуирани. Пожарот набрзо е изгаснат.

Според локалните медиуми евакуирани била околу 1,200 луѓе, а како причина за пожарот, според првичните информации, е „прегревање на кабелот“.

Хеликоптер на брза помош се урна во Турција, при што загинаа четири лица

Свет

пред 7 дена

За време на тренинг лет, турски хеликоптер за брза помош се урна на покривот на болницата во областа Ментеше во провинцијата Мугла, на југозападниот дел на земјата, и падна од покривот во болничкиот парк, при што загинаа четири лица, објавија денеска турските медиуми.

На местото на несреќата излегоа бројни противпожарни, здравствени, полициски екипи и екипи на турската служба за итни случаи (АФАД).

Гувернерот на провинцијата Мугла, Идрис Акбик, излегол на местото на несреќата и за турските медиуми потврдил дека животот го загубиле двајца пилоти, еден лекар и еден член на персоналот на брзата помош.

Тој изјави дека во целиот регион има густа магла и потврди дека „нема никакви проблеми во болницата по авионската несреќа“.

Популарно