На интернет се појавија инфрмации за новиот паметен телефон на најголемиот мобилен оператор во светот. Извори блиски до кинеската компанија открија информации за изгледот и спецификациите на нов телефон, кој би требало да стане вистински хит во ниската класа. Да погледнеме за што станува збор...

Извршен директор на China Mobile, најголемиот мобилен оператор во светот, по грешка откри информации и постави фотографија од новиот телефон на Xiaomi на социјалната мрежа Weibo. Според него, новиот телефон ќе добие солиден 4,7 инчен екран на допир со HD резолуција од 1280 x 720 пиксели, а во внатрешноста ќе се наоѓа quad-core Lead Core процесор со Mali T628 графички процесор.

Просторот за складирање на податоци ќе биде со големина од 8GB (можете да го проширите преку MicroSD картичка), а добивате и 1GB RAM меморија.

На задната страна добивате камера со резолуција од 13 мегапиксели и LED блиц, додека пак на предната страна ве очекува 2 мегапикселна камера. Телефонот има поддршка за 4G LTE и ќе доаѓа со инсталиран Android 4.4 KitKat.