(ВИДЕО) Импресивнo! Погледнете ја руската верзија на SMART - мал, компактен и исклучително евтин!

Креаторот Александар Малешев, дизајнирал модел на автомобил кој нуди оригинален 'одговор' на Smartоt - најмалиот градски автомобил. Земајќи ги во предвид фактот, дека најголемите градови во Русија стануваат се потесни во однос на паркингот, сосема логично дека вакво генијално решение доаѓа од таму.

ruski_smart

Името на овој модел е Mirrow Provocator.

Концептот на Mirrow Provocator е оригинален и многу практичен. Тој се карактеризира со четири врати, кои се подигаат, што го олеснува влезот во мал паркинг простор. На задниот дел, се наоѓа петта голема задната врата. Mirrow Provocateur е долг помалку од 3 метри, широк се скоро 2 метри, а висок повеќе од 2 метри. Задните врати имаат простор од 1,7 метри и висина од 60 сантиметри.

Овој "малечок" е 50 посто направен од рециклирана пластика. Внатрешноста е дизајнирана според модел на авион. Четирите одделни седишта се многу удобни а кокпитот е многу едноставен и со футуристички дизајн. Погонот му е мал три-цилиндричен бензински и дизел мотор, но и електро-верзијата е сосема реална со автономија од 400 километри.

На крајот, и она што е најинтересно, е дека првичната верзија на овој автомобил нема да биде поскапа од 3500 евра, што предизвикува неверување. Сепак, ако се земат во предвид глобалните промени во автомобилската индустрија, постои можност дека и автомобилските монополи ќе станат дел од минатото.

Се преврте брод кај Тунис, 76 лица исчезнаа

Најмалку 76 лица се водат како исчезнати, откако се преврте брод во близина на брегот на Тунис, соопшти денеска Меѓународната организација за миграција.

Се додава дека 24 лица се спасени од бродот, што испловил од брегот на плажите на Завара во Либија и потонал крај брегот на Сфакс во Тунис, јавија британски медиуми.

Изминатите месеци, десетици луѓе се удавија во близина на брегот на Тунис, бидејќи се зголемува бројот на мигранти, кои се обидуваат да дојдат од Тунис и Либија, во Италија.

Во напад во училиште во Tексас убиени 19 ученици и двајца наставници

Најмалку 19 ученици и двајца возрасни се убиени во пукање во основно училиште Роб во Увалде. Осомничениот, 18-годишник Салвадор Рамос, исто така беше убиен од полицијата во грозоморниот чин во основното училиште на 130 километри од градот Сан Антонио. Локалната полиција потврди дека е убиен и наводниот убиец, за кој што се верува дека делото го извршил сам.

На социјалните мрежи осамна видео на кое се гледа моментот кога напаѓачот влегува во училиштето во момент пред да ги застрела невините жртви. Неколку други, и ученици и возрасни, се згрижени поради повреди.

Американскиот претседател Џо Бајден апелира за построги закони за носење оружје и прашува – кога ќе се спротиставиме на лобистите?

Инаку Ева Миралес, вработена како наставничка во училиштето е првата идентификувана жртва. Работела во училиштето 17 години и предавала во четврто одделение. На веб-страницата на училиштето пишува дека таа била мажена за полицаец и зад себе оставила ќерка. Според полициски извори наставничката загинала во обид да ги заштити децата од убиецот кој отворил оган во основно училиште.

Исто така, пријател на Рамос изјавил дека неколку дена пред да го изврши крвопролевањето му испратил фотографии од огнено оружје и кеси со муниција. Неговиот пријател потврдил дека Рамос бил исмеваан постојано поради неговата облеката и финансиската состојба.

Гувернерот на Тексас, Грег Абот, потврди дека Рамос го оставил возилото и влегол во училиштето вооружен со пиштол и полуавтоматска пушка. Сенаторот од Тексас, Роланд Гутиерес, изјави дека Рамос го најавил нападот на социјалните мрежи и дека оружјето со кое го извршил нападот го купил за својот 18. роденден.

Медиумите во САД објавија дека осомниченото лице претходно ја убило баба си пред да се упати кон училиштето. Полицијата соопшти дека неговата баба е хоспитализирана и е во критична состојба. Според бројот на загинати, пукањето во основното училиште Роб е најсмртоносно, уште од 2012 година, кога во основното училиште Сенди Хук загинаа 20 деца и шест други лица.

СЗО за мајмунските сипаници: Нема да биде потребна масовна вакцинација

Од Светската здравствена организација осврнувајќи се на проблемот со мајмунски сипаници во неколку земји, наведуваат дека не веруваат дека епидемијата на мајмунски сипаници надвор од Африка ќе бара масовна вакцинација бидејќи мерките како што се добра хигиена и безбедно сексуално однесување ќе помогнат да се контролира ширењето, пренесуваат медиумите.

Ричард Пебоди, кој го води тимот на СЗО за патогени со висока закана за Европа, изјавил дека сегашните залихи на вакцини и антивирусни лекови се релативно ограничени.

Неговите коментари следеа откога американскиот Центар за контрола и превенција на болести соопшти дека се во процес на пуштање на некои дози од вакцината „Џиннеос“ за употреба во случаи на мајмунски сипаници.

Германската влада рече дека ги проценува опциите за вакцинација, додека ОК веќе има понудено вакцини на некои здравствени работници, анализираат медиумите.

Според нив, јавните здравствени власти во Европа и Северна Америка истражуваат повеќе од 100 сомнителни и потврдени случаи на вирусната инфекција.

Примарни мерки за контрола на епидемијата се следење на контакт и изолација, рече Пебоди, истакнувајќи дека не се работи за вирус кој лесно се шири, ниту пак досега предизвикал сериозно заболување. Вакцините што се користат за борба против мајмунски сипаници може да имаат некои значајни несакани ефекти, додал тој.

Не е јасно што ја предизвикало појавата, а научниците се обидуваат да го разберат потеклото на случаите и дали нешто се променило во врска со вирусот. Нема докази дека вирусот мутирал, соопшти агенцијата на ОН претходно оваа недела.

Многу од заразените, но не сите на кои им е дијагностицирана актуелната епидемија на мајмунски сипаници биле мажи кои имале секс со мажи, покажале анализите според агенциите.

Повеќето од потврдените случаи не биле поврзани со патување во Африка, што укажува на тоа дека може да има многу неоткриени случаи, кажал Пебоди.

„Значи, го гледаме само врвот на ледениот брег“, рекол тој.

Со оглед на темпото на избувнувањето и неизвесноста за тоа што ја води, постои загриженост дека големите настани и забави ова лето би можеле да ги влошат работите, оценил тој.

„Не им велам на луѓето да не се забавуваат и да одат на разни настани, важно е што прават луѓето на забавите. Значи, станува збор за безбедно сексуално однесување, добра хигиена, редовно миење раце, сите овие работи ќе помогнат да се ограничи преносот на овој вирус“, изјавил Пибоди.

Популарно