ФОТО: Како денеска изгледаат ѕвездите од „Бољи живот“?

Повторната средба на оригиналната актерска постава од некогаш мегапопуларната серија "Подобар живот", предизвикала лавина спомени и поттикнала многу сеќавања. Актерите се собрале за да позираат за насловната на 600. издание на српското списание "Story".

"Како да беше вчера", коментирал 70-годишниот Марко Николиќ, кој во серијата го глумел Драгиша Попадиќ или "Гига Моравац", татко на три деца и глава на петочлено семејство.

Маки му задавале синовите Александар Саша (Бориз Комнениќ) и Слободан Бобо (Драган Бјелогрлиќ) и ќерката Виолета (Лидија Вукучивиќ).

 

A post shared by Lidija Vukićević (@vukiceviclidija) on

69-годишната Светлана Бојковиќ, која во серијата била Емилија, била воодушевена од повторната средба. "Тоа не беше само серија. Тоа беше период во кој сите некако весело и убаво живеевме. Таа серија е создавана во прекрасна атмосфера. Многу ми е мило што по толку години повторно сите се собравме на фотографирањето на семејството Попадиќ", рекла Светлана.

Најголема слава по серијата остварил Бјелогрлиќ, кој станал главен српски актер, продуцент и режисер. Лидија Вукичевиќ се омажила и развела од фудбалерот Митар Мркела, а била и активен член на Српската радикална партија на Војислав Шешељ.

 

A post shared by Lidija Vukićević (@vukiceviclidija) on

Том Хенкс номиниран за три „Златни малини“

Иако неговиот најнов филм „Елвис“, во кој го игра менаџерот на пејачот, Том Паркер, е фаворит за најдобар филм на годинешните „Оскари“, Том Хенкс во понеделникот беше малку изненаден кога дозна дека заработил три номинации за наградата „Златна малина“ – награда доделена на најлошите филмски остварувања во годината.

Тој беше номиниран за „Златна малина“ за две улоги: онаа на менаџерот на Присли во биографскиот филм „Елвис“ и за улогата на Џепето во римејкот на „Дизни“ на „Пинокио“. Во соопштението за медиумите на организаторите на наградите „Златна малина“ се наведува дека улогата на Хенкс во филмот „Елвис“ е „најисмејуваната изведба за 2022 година“.

Дизниевиот „Пинокио“ ​​е меѓу петте номинирани за најлош филм за годинешните награди „Златна малина“ заедно со контроверзниот биографски филм за Мерилин Монро. Рецензијата на „Њујорк тајмс“ вели дека Хенкс се појавува во Пинокио ​​со куп латекс на лицето и бизарен акцент.

Номинациите за „Златна малина“ обично се објавуваат ден пред објавувањето на номинациите за „Оскар“. Хенкс е во потесниот круг за „Оскар“ за најдобар актер за „Човекот наречен Ото“.

10 филмови со најголема заработка во 2022

Во текот на 2022 година, филмската индустрија малку заживеа и закрепна од кризата предизвикана поради пандемијата со коронавирусот. Но, колкаво и да е подобрувањето, сепак ситуацијата сè уште не е како од пред 3 години.

Некои долгоочекувани блокбастери конечно пристигнаа во кината и иако се водеше носталгичен маркетинг како во старите времиња, тоа не беше доволно. Се очекува заработка од 7,4 милијарди долари од продажбата на билети во САД и во Канада, според проценките на аналитичарите и студијата, што е пад од 35% во однос на годината пред пандемијата.

Според податоците на Comscore, десетте филмови со најголема заработка  на бокс-офисот ќе сочинуваат повеќе од половина од вкупната заработка на киноблагајните, додека пред пандемијата, првите десет филмови сочинуваа меѓу 30 и 40 проценти од вкупниот годишен приход.

Осум од филмовите со најголема заработка во 2022 се продолженија.

Десеттото место го зазеде научно-фантастичната комедија „Moon Man“ (460 милиони долари), додека на деветтото место е воената драма „Water Gate Bridge“ (626 милиони долари).

На следните три места се најдоа „Thor: Love and Thunder“ (761 милиони), „The Batman“ (771 милиони) и „Black Panther: Wakanda Forever“ (803 милиони долари).

На петтото место се најде „Minions: The Rise of Gru“ (939 милиони долари), додека на четврто место со најголема заработка е „Doctor Strange in the Multiverse of Madness“ (955 милиони долари).

Филмовите кои се најдоа на првите три места можат да се пофалат со профит поголем од милијарда долари. Иако се појави во кината во декември, „Avatar: The Way Of Water“ за две недели заработи милијарда долари.

Го зазеде третото место и доби голем број позитивни реакции и од критичарите и од публиката. На второто место е „Jurassic World: Dominion“ (1 милијарда долари).

„Top Gun: Maverick“ (1,48 милијарди долари) се најде на врвот на топ листите. Ова долгоочекувано продолжение на култниот филм од 1986 година може да се пофали и со најдобра оценка на IMDb.

„Аватар 2“ заработи над милијарда долари за само 12 дена

„Аватар 2: Патот на водата“ достигна милијарда долари заработка само 12 – 13 дена откако се појави во кината ширум светот. Според последниот податок, остварувањето има вкупно 1,03 милијарди долари на својата сметка.

Продолжението на најуспешниот филм на сите времиња од 2009 година, „Аватар“, се прикажува од 16 декември, а по вториот викенд во кината ја достигна границата од милијарда долари. За неполни две седмици прикажување, тој стана третиот филм со најголема заработка во 2022 година, зад „Топ ган: Маверик“ и „Јура свет: Доминион“.

Така, вториот дел би можел многу наскоро да ја надмине вкупната заработка на првиот „Аватар“ филм, којшто има заработено над 2,9 милијарди долари, што го прави филм со најголема заработка на сите времиња.

Просечната оценка на ИМДБ за продолжението, од околу 140.000 гледачи, е 8 / 10.

Дејството се случува 10 години по настаните од првата приказна. Режиран од Џејмс Камерон, а продуциран од него и Џон Ландау, во филмот глумат и Сем Вортингтон, Зои Салдана, Сигурни Вивер, Стивен Ланг и Кејт Винслет. За сценариото се заслужни Камерон, Рик Јафа и Аманда Силвер.

Популарно