Иванов: Хојт Ји побара средба, но имам други обврски

Македонија

на 4.2017

Претседателот Ѓорге Иванов нема да се сретне со заменик помошник државниот секретар на САД, Хојт Брајан Ји, кој в понеделник ќе ја посети Македонија, информираат од кабинетот на шефот на државата.

Оттаму соопштуваат дека до кабинетот на претседателот на Република Македонија е упатено барање за средба со заменик помошникот државен секретар за Европа и Евроазија во Стејт департментот, Хојт Брајан Ји, но со оглед на претходно утврдените обврски претседателот Иванов нема можност за реализација на таква средба.

Средбите со Хојт Ји веќе ги потврдија од политичките партии и од амбасадата на САД кои најавуваат дека средбите со политичките лидери се со цел да ги ангажира околу процесот на формирање влада, билатералните односи и неопходните реформи за евроатлантските интеграции.

Излезноста до 15 часот е 35,89 отсто

Македонија

пред 12 часа

Излезноста до 15 часот на првиот круг претседателски избори е 35.89 отсто.

Од вкупно 1.814.317 избирачи, од отворањето на гласачките места, до 15 часот гласале 392.066 граѓани.

Приведен охриѓанец кој го фотографирал гласачкото ливче

Македонија

пред 13 часа

Полицијата во Охрид го приведе А.И.(48), затоа што го фотографирал гласачкото ливче на избирачкото место 1271 во Охрид.

По целосно документирање на настанот, против него ќе биде поднесена соодветна пријава, информираа од СВР Охрид.

Народниот правобранител со бесплатна телефонска линија за пријавување повреда на избирачко право

Македонија

пред 17 часа

Во канцеларијата на Народниот правобранител, денеска од 7 до 19 часот, на денот на одржување на првиот круг за избор на Претседател на државата, граѓаните ќе можат да пријават каква било повреда на избирачкото право на бесплатната телефонска линија 0800 54321.

Како што соопшти Народниот правобранител, освен на бесплатната телефонска линија, граѓаните ќе можат да пријават повреди на избирачкото право и лично во главната канцеларија во Скопје, што се наоѓа на улицата „Македонија“ бр.19 во зградата на ТД „Макошпед“ (спроти Спомен куќата на Мајка Тереза).

Повреди на избирачкото право може да се пријават и во подрачните канцеларии во Струмица на тел.бр.(034)329-996, Кичево на тел. бр (045).228-586, Тетово на тел. бр.(044) 344-082, Битола на тел. бр.(047) 242-310, Штип на тел. бр. (032) 389-701 и во Куманово на тел. бр .(031) 431-488.

Народниот правобранител најавува дека со цел заштита на избирачкото право на граѓаните ќе презема итни мерки за ефективно постапување од странa на надлежните органи во изборниот процес и другите институции кои, потенцира, се должни да им обезбедат заштита на граѓаните остварување на нивното загарантирано избирачко право.