Што се случува во студентскиот дом„Гоце Делчев“ во Скопје: “Навечер облекуваме црни танги, а машките…”

Животот е здодевен без пријатели и забава, тоа е факт, но какви пријатели и кава забава?

Е за тоа баш и ќе коментирам, без некого да судам, и реалноста за деведесет отсто за „скопските“ студенти ќе ја претставам.

Ако за пензионерите во Скопје, царски денови за гага превоз во ЈСП се вторник, петок, сабота и недела, за дојдените студенти во Скопје, вторник, среда и четврток се денови за кои живеат.

За многу од студентите во Скопје, најважно е да имаат пари в џеб, „брендирана“ облека, дечковци/девојки и секако да се дел од журките во диското на студентскиот дом.

Златно правило е пред да заминат во диско да се соберат 10 души во една соба, од 12 квадрати, да се начукаат со вино ( 3 литри за 120 денари). После еден часот по полноќ почнува „лудилото“.

Машките, не се замараат многу со изгледот, ама за девојките што да се каже. Десет пати се пресоблекува, трча од соба во соба да најде штикли кои ќе и одговараат на фустанот и обетки кои ги позајмува од некоја девојка која в ходник ни здраво не и вика.

И така, агонијата за спремање во диско трае неколку часа. Веќе „загреана“ од алкохолот трча ко луда в славното, студентско диско. Диско од времето на Тито, налик на лимена кутија во која свири некој бенд. Бенд кој ни самиот не се познава, а не некој друг да го знае.

Накај еден часот по полноќ атмосфера, што да ти кажува. На 5-6 места стојат по 7-8 луѓе и се клацкаат, мислиш се на брот носен од морски бранови.

И тука „славниот“ бенд најавува старт на „лудата студентска забава“ со Цеца, топ музика за диско, и тоа не со било која песна туку со студентскиот хит „Да раскинем сњом“.

Сите креваат раце, се дерат и викаат, мислејќи дека совршено пејат. Пот тече по секое чело, вентилација не е потребна, температурата е ко во Сахара, ама нема везе, диско е или што.

По пола час откако влегле девојките в диско, по претходно неколку часа правење комбинации на гардероба од соба в соба, почнуваат да излегуваат.

За кратко се враќаат со патики на нозете, доста е штикла ги видоа кога влегоа. И така лудилото продолжува. Повеќе се туркаат еден во еден, отколку што се забавуваат.

Може да ти улета цура, која ти игра позади грб, да се излапаш, да се из*б*ш со неа, иако следниот ден ни здраво нема да си кажеш кога ќе се сретнеш.

Славното студентско диско ќе приврши накај три часот и секој трча накај својата соба. Влегуваш в соба, а внатре корне на истурено вино и цигари. Типките пак растрчани по соби да вратат што позајмиле за супер изгледот, иако на крај завршиле со фустан и патики.

И да не се само мета на збор девојките, збор два и за момците. Креваат раце, пијат пиво и на секоја голтка си велат: „Ај на здравје“. Се почнуваат муабети „на нивоу“, алкохолот си го прави своето.

Следниот ден, јака и душа на чистачката. Тоалетите на спрат полни со кондоми, повраќанции, флаши од вино ( 3 литри за 120 денари) и се што може да се замисли.

Има многу што да се коментира, ама сега за сега доволно е …

6 знаци дека имате добар сопруг

Каков треба да биде идеалниот сопруг? Вистинските жени знаат дека физичкиот изглед не е толку важен колку што е важен карактерот и неговото однесување. Овие знаци покажуваат дека имате добар сопруг.

Со него се чувствувате убаво

Со него никогаш нема да се чувствувате лошо. Без разлика дали станува збор за тоа дали се двоумите дали фустанот ви стои добро, дали размислувате како да ги завршите работните обврски или сте тажни – вистинскиот маж ќе ви помогне да се справите со сите ситуации и ќе ви покаже дека може да му верувате.

Добриот сопруг никогаш не се обидува да ве манипулира. Тој нема потреба да ве контролира каде и со кого излегувате кога не сте дома бидејќи ви верува.

Добриот маж нема ве спречи да ги остварите вашите сонови туку ќе ви помогне да ги реализирате. Ќе ви биде најголема поддршка, а по потреба и рамо за плачење. Нема да ви допушти да се откажете од вашите планови и идеи.

Не помислува на неверство – во неговиот живот има место за само една жена, а тоа сте вие.

Знае дека треба да имате време само за себе

Добриот маж знае дека за успешен брак е потребен компромис и дека секој од вас треба да има слободно време за себе. Тој ве поттикнува да минувате време со вашето друштво, да одите на концерт или да се занимавате со вашето хоби. 

Секогаш ви ги дава најдобрите совети

Ако го замолите за совет, ќе ви го каже своето мислење, но никогаш нема да ви го наметнува неговото и да ве тера да размислувате исто како него.

Стиснете ја оваа точка на телото, со причина ја нарекуваат „врата на рајот”

Симптомите на стрес се бројни и непријатни. Главоболки, дигестивни нарушувања, несоница и нервоза се некои од ситуациите кои можете да ги решите во само неколку минути со притискање на една точка.

Стресот е секојдневна појава, која повеќето од нас ја доживуваат. Освен нервоза, постојат многу физички симптоми, како што се главоболка, недостаток на енергија, пад на имунитетот, па дури и дигестивни нарушувања.

Кинескиот метод на третман познат како акупресура објаснува дека постојат одредени антистресни точки на човечкото тело, со чија стимулација телото се опушта и го ублажува стресот.

Една таква се вика Шен Мен, која во слободен превод значи „врата на рајот”.

Со притискањето на ова антистресно место се намалува стресот, се зголемува енергијата и се зајакнува имунитетот, ја ублажува болката. Точката се наоѓа на внатрешниот горен дел на увото, а со мало триење станува активна.

Еве како со масажа на точка Шен Мен можете да го опуштете телото и духот:

Со стапче за уво притиснете ја точката и нежно масирајте.

Дишете полека и длабоко, слушајте го вдишувањето и издишувањето.

Додека дишете, погледнете лево, а за време на издишување на десно, но без да ја вртите главата.

Постепено ќе се чувствувате како вашето тело се релаксира, симптомите на стрес ќе се намалат.

Совети:

Точката можете да ја масирате и со врвот на прстите.

Масирајте ја точката секогаш кога чувствувате дека сте под голем стрес

Оваа постапка можете да ја повторувате секој ден пред спиење.

Жените “паѓаат“ на овие три работи кај мажите

Иако секој човек има свои карактеристики, длабокиот глас, висината и брадата често се издвојуваат како клучни фактори кои ги привлекуваат жените на прв поглед.

Често се вели дека вкусовите не се за дебата. Сепак, што е тоа што го привлекува вниманието на жените кога првпат ќе запознаат маж? Дали се тоа рамената, очите, рацете или можеби целиот изглед?

Многу жени тврдат дека првиот впечаток често го одредува гласот. Особено кога мажот има длабок, речиси доминантен глас. Тие се убедени дека гласот може целосно да ги засени сите други карактеристики на мажот.

Што е уште поинтересно, жените тврдат дека убавиот тон на глас може значително да го трансформира првиот впечаток за мажот. Мажите со подлабок глас предизвикуваат впечаток на моќ и сексипилност, оставајќи впечаток на самодоверба.

Но, постои уште едно оружје кое датира со векови наназад – висината на човекот. Жените се чувствуваат побезбедно со повисоки мажи. Универзитетот во Јута спроведе студија која покажа дека повисоките мажи почесто се грижат да ги заштитат другите отколку пониските мажи.

Ако длабокиот глас и висина ги надополниме со брада, добиваме неодолива комбинација.

Бројни студии покажуваат дека повеќето жени сè уште претпочитаат брада отколку избричено лице.

Популарно