(ВИДЕО) Ова е островот кој Франција и Шпанија си го разменуваат на секои шест месеци

Следната недела, Франција ќе ѝ ја предаде на Шпанија територијата од 6.800 метри квадратни и тоа без никакви расправии. Додека, за шест месеци, Шпанија повторно ќе ѝ ја врати на Франција. Овој систем функционира на овој начин веќе 350 години.

Француско - баскиското одморалиште Андеј е последниот град што се граничи со Шпанија. Кога не е сезона, во неговиот искривен песочен залив има стотици фоки. Во близина се наоѓа историскиот шпански град Хондурас и неговиот изграден сосед Ирун. Природната граница е реката Бидасоа, која ги дели двете земји. 

Во средината на реката, која ги одделува Шпанија и Франција, постои територија со посебен статус - островот на Фазаните. Локалните жители не разбираат зошто луѓето воопшто не сакаат да го посетат, бидејќи таму, според нивните зборови, не постои ништо порепрезентативно кое би ве предизвикало да го погледнете.

Недостапниот остров е всушност и местото на споменик плоча каде се оддава чест на голем настан кој се случил во 1659 година, односно на местото каде се случувале преговорите за крајот на 30 годишната војна меѓу Франција и Шпанија, бидејќи тоа место се сметало дека е неутрална територија.

Договорот кој конечно се постигнал гласел дека од 01 Февруари до 31 Јули овој остров ќе биде под шпанска контрола, а во преостанатите месеци под француска.

Островот е мал, а може да се посети само за време на отворени денови. Тој симболизира мир и соработка помеѓу Франција и Шпанија и е место каде се имаат одржано неколку кралски венчавки или размена на затвореници.

Швеѓаните даваат 2.000 евра плата, а нема да работите ништо

Ако ви се допаѓа идеата да добивате плата, а да не работите ништо, можеби би требало да го погледнете овој оглас за работа во Шведска.

Уметничкиот проект, кој е финансиран од Владата, има за цел да усреќи еден кандидат и да го вработи во Гетеборг. Се што треба да направи вработениот е да се појави на железничката станица во определено време и да го вклучи осветлувањето.

Потоа може да прави што сака, но на крајот од смената повторно треба да се појави и да го исклучи.

Она што е најинтересно е тоа дека оваа работа ќе биде загарантирана до пензионирање со плата од 2000 евра, но секако ќе има и годишни зголемувања, годишен одмор и пензиски фонд.

Популарно