Кејт Мос (44) во модната индустрија е од 14 години и изгради кариера која е тешко да се надмине. Една од најуспешните топ модели во историјата е позната и како ултимативна party девојка.
Низ кариерата ретко даваше интервјуа, но сепак го кажа нејзиното мото:
"Не се жали и не објаснувај", што значи дека никогаш не давала коментари за скандалите кои ја карактеризираа.
Со оглед на тоа дека таа е една од манекенките кои го прослави така наречениот heroin chic изглед, многумина ја нападнале, бидејќи со тоа промовирала нездрава фигура и поттикнува пореметување во исхраната. Таа никогаш не се бранела, но сега во едно интервју рекла дека повеќе не смета дека слаба девојка е најпожелното нешто дури и во манекенството.
Манекенката се прослави со кампањата "Obssesion" за Келвин Клајн, за која ја фотографираше тогашното момче Марио Соренти, а на некои фотографии беше и топлес. Денес вели дека не е воодушевена со таквиот начин на фотографирање.
"На почетокот на кариерата работев со фотографката Корин Деј која секогаш ме присилуваше да ја соблечам маицата и тоа никако не ми се допаѓаше. Марио беше моето момче и беше нормално да позирам така пред него, но секогаш се прашував дали можам едноставно да облечам нешто. Не би ѝ дозволила на мојата ќерка да го прави тоа. Таа има 15 години и кога ќе се сетам што правев на нејзини години, сметам дека тоа е лудо", рекла Кејт.