Трејлер: Пристигнуваат новите GoPro Hero 7 акциски камери

Технологија

на 9.2018

Компанијата GoPro го претстави новото семејство на акциски камери Hero 7, а првите впечатоци откриваат дека фокусот оваа година е ставен на едноставноста на употребата и обезбедувањето на што е можно подобри видео снимки.

Најмоќниот модел, Hero 7 Black поседува HyperSmooth технологија за стабилизација на видео која што ќе обезбеди стабилна слика дури и во најтешки услови на снимање. Покрај тоа, тука е и TimeWarp опцијата која што претставува некој вид на автоматизиран Hyperlapse начин на приказ – Timelapse снимање со движење на камерата. Треба да се истакне дека Hero 7 Black овозможува slowmotion снимање со 120 или 240 fps.

Секако, техничките карактеристики на оваа камера се импресивни. Обезбедуваат снимање во 4К резолуција во 60 fps, а GoPro одлучиле да стават и мод на вертикално снимање на видео за гледање на паметен телефон во портрет мод.

Видео ентузијастите негодуваат на оваа одлука на GoPro, но од компанијата очигледно се воделе по принципот „паметниот попушта“, затоа што се одлучиле за поедноставната варијанта – да им угодат на технолошки необразованите лица, наместо да се обидат и да ги едуцираат, односно да им укажат на апсурдноста на снимањето на видео записи во вертикален формат.

Како и да е, од GoPro исто така одлучија да воведат и можност за стриминг на видеа во реално време, поставување на тајмер за селфи и автоматско ограничување на должината на снимките од 15 до 30 секунди, со цел да го олеснат нивното поставување на социјалните мрежи. Тука се и опциите за препознавање на лице и автоматско додавање на соодветни ефекти, како и подобрена детекција на насмевки.

Цената на GoPro Hero 7 Black камерата ќе изнесува 430 евра, а доколку тоа е премногу за вас, на располагање ќе биде и Hero 7 Silver модел кој ќе биде без HyperSmooth технологија, како и без можност за снимање на видеа во 4К резолуција при 60 fps, односно ќе поддржува снимање во оваа резолуција само при 30 fps – оваа камера ќе се продава по цена од 330 евра.

Најевтина камера ќе биде Hero 7 White која што ќе ги поседува истите опции како и Silver верзијата, но наместо 4К ќе поддржува снимање на видеа во Full HD резолуција, односно 1920х1080 резолуција со 60 fps. Оваа камера ќе се продава по цена од 220 евра.

Продажбата на трите нови камери на GoPro започнува на 27-ми септември.

Мета им се извини на корисниците: Работиме на тоа да се вратат апликациите во нормала

Технологија

пред 5 месеци

„Свесни сме дека технички проблем влијае на способноста на некои корисници да пристапат до нашите апликации. Работиме работите да се вратат во нормала што е можно поскоро и се извинуваме за непријатностите“, се вели во нивното соопштение.

Од попладнево има дефект на социјалните мрежи Фејсбук и Инстаграм.

Околу 19 часот корисниците почнаа да пријавуваат проблеми со социјалните мрежи на веб-страницата Down detector, која ги следи техничките проблеми со социјалните мрежи и веб-страниците ширум светот.

Видео: НАСА го лансираше „Клипер“ до Јупитеровата месечина Европа

Технологија

пред 7 месеци

Американската Национална воздухопловно-вселенска администрација – НАСА го лансираше вселенското летало „Европа Клипер“ до Јупитеровата месечина Европа, каде што, се верува, може да има услови за развој на вонземски живот во огромниот океан под ледената површина.

Со своите шест тони, најголемото летало што НАСА некогаш го изградила за меѓупланетарна мисија, „Европа Клипер“ ќе патува пет и пол години до Јупитер, каде што ќе влезе во орбитата на оваа огромна гасовита планета и ќе ѝ се доближи на нејзината ледена месечина. Вселенското летало полета ракета „Фалкон хеви“ на „Спејс-Икс“ од вселенскиот центар „Кенеди“ во Кејп Канаверал, Флорида, САД.

Тој вселенски лет е долг повеќе од три милијарди километри и ќе трае до 2030 година.

На пат кон Јупитер, доколку не се јават непредвидени проблеми, вселенското летало прво ќе мине и покрај Марс и ќе се врати во орбитата на Земјата пред „да се катапултира“ кон Јупитер.

Научниците се речиси сигурни дека има длабок замрзнат океан под ледената обвивка на Европа и укажуваат дека онаму каде што има вода, може да има и живот, што ја прави оваа месечина едно од посоодветните места за потрага по услови за живот. Сепак, како што соопшти НАСА, „Европа Клипер“ првично нема да бара облици на живот бидејќи нема детектори и инструменти за таков вид истражување.

Популарно