Таткото на Адам Лабунски пововторно се појави во „Ѕвездите на Гранд“

Во претходниот круг, таткото на македонскиот кандидат во „Ѕвездите на Гранд“ добро познатиот Адам Лабунски се скара со членот на жирито, Ѓорѓе Давид.

 Меѓутоа, во саботното издание на „Ѕвездите на Гранд“  се емитуваше четвртиот круг на музичкото шоу каде настапуваше и Адам во дуел со Стефан Даниќ.

 Иако во претходното негово појавување и кавгата со Давид, Марија се налути, сепак по неговата синоќешна интерпретација, Шерифовиќ и Давид беа воодушевени.

 „Адам е проблематичниот ученик во одделението, кој може да направи многу работи,а бира да биде свој. Првата песна ја отпеа маестрално, тоа го кажува публиката и жирито. Но, таа атмосфера те понесе и во втората песна каде интонативно беше малку висок. Во секој случаj, ова е твојата најдобра изведба“ истакна Марија.

И Џорџе Давид имаше пофални зборови за македонскиот кандидат.

„Момче , очигледно дека овој пат малку повеќе ја слушаше Марија. Ве молам да му дадете уште еден аплауз за првата песна. Јас навистина уживав, вие Македонците имате чувство за некои работи, тоа го имате само вие и никој друг “ изјави Давид.

Тогаш се огласи и таткото на Лабунски од бекстејџ и Поповиќ истакна дека Ибро и Давид пред емисијата убаво се поздравиле.

„Јас месец дена не можев да преболам она што се случи. Само да кажам дека не ја менував песната, Адам ја праша Ана и таа кажа дека Марија Шерифовиќ дозволува“ истакна таткотo на Адам.

(Видео) Тамара Грујеска заврши на 12-тото место на детската евровизија

Македонската претставничка на детската евровизија, Тамара Грујеска, во Ница, Франција, се пласира на 12-тото место.

Франција втортпат по ред победи на музичкото натпреварување, овој пат со Зое Клозир и песната Coeur („Срце“).

Шпанија заврши на второто место, а Ерменија на третото.

(Видео) Последната песна на „Битлси“ излегува во ноември

Цели 53 години по расформирањето, славниот британски бенд „Битлси“ се враќа во ноември со песна снимена со помош на вештачка интелигенција, која го извлече вокалот на Џон Ленон од стара снимка и на тој начин практично повторно ја обедини легендарната четворка.

Употребата на вештачка интелигенција овозможи миксирање песна преземена од демо-снимка на Џон Ленон. Во оригиналното демо беа додадени снимките на електрична и акустична гитара од Џорџ Харисон од 1995 година, пред неговата смрт во 2001 година. Песната беше завршена минатата година во студио во Лос Анџелес со мешање на тапаните на Ринго Стар, пијаното и басот на Пол Макартни.

Двајцата преживеани членови на бендот, Пол Макартни и Ринго Стар, во четвртокот најавија дека новата нумера Now and Then („Сега и тогаш“) ќе биде објавена на 2 ноември.

Песната е создадена врз основа на демо-снимка што Ленон ја направил во својот стан во Њујорк. Четиринаесет години по убиството на Ленон (1980), неговата сопруга Јоко Оно им подари на другите членови на бендот снимка на вокал и пијано.

Подоцна тие ја обработија, но никогаш не можеа да ја објават бидејќи досегашната технологија не дозволуваше гласот на Џон Ленон да се истакне со задоволителен квалитет. Ова сега е возможно, а беше поттикнато од документарната серија Get Back во режија на Питер Џексон (2021).

Режисерот на трилогијата „Господарот на прстените“ користел нова технологија за да го извлече гласот на Ленон од аудиолентата и да го одвои од пијаното.

Прогласени најдобрите албуми во историјата на жанрот

Оваа година се навршуваат 50 години од создавањето на хип-хопот, а популарниот музички портал Consequence of Sound по овој повод ги објави 50-те најдобри хип-хоп албуми на сите времиња.

На врвот на листата се најде современиот класик To Pimp a Butterfly на Кендрик Ламар.

„Кендрик Ламар брзо се етаблира како еден од најважните гласови на својата генерација, со неговиот трет студиски албум To Pimp a Butterfly на кој се наоѓа црнечка протестна песна која ги дефинира последниве години – тоа е песната Alright,“ наведено е во објаснувањето за изборот.

„Излегувајќи непосредно пред почетокот на хаотичната кандидатура на Трамп, има моќ да донесе пофалби за доброто што се случува во животoт на црнците, како и незадоволство од системите кои секојдневно ги изневеруваат. Среде демонстрациите кои бараа одговори за Сандра Бланд, Филандо Кастил и разни други полициски убиства, Аllright беше спасот што нè однесе низ тешките времиња – но тоа не ја дискредитира силата на остатокот од албумот,“ го објаснуваат изборот и додаваат: „Секоја генерација има право на свој најголем хип-хоп албум, а овој е наш“.

На второ место се најде легендарниот албум The Miseducation of Lauryn Hill на пејачката Лорин Хил, а потоа следува It Takes a Nation of Millions to Hold Us Back на пионерите на овој жанр, бендот „Паблик енеми“.

Во првите 10 се Supa Dupa Fly на раперката Миси Елиот, класикот Enter the Wu-Tang (36 Chambers) на бендот „Ву-танг клан“, Stankonia на бендот „Ауткест“, Reasonable Doubt на раперот Џеј Зи, The Low End Theory од A Tribe на бендот „Трајб колд квест“, „2001“ на Др. Дреј и My Beautiful Dark Twisted Fantasy на Канје Вест

Популарно