Тамара: Фалат амбулантни возила, ама која е поентата да се зема од уметноста и да се дава за амбулатни возила?

- Фалат амбулантни возила, фалат многу работи, ама која е поентата да се зема од уметноста и да се дава за амбулатни возила? Која е поентата да не се оди на Олимпијада или Евровизија, каде што може да се промовира и уметноста и спортот, и да бидеме дел од Европа и да слушне светот за нас, зошто и ние знаеме како треба, нели? порача Тамара во студиото на 1ТВ.

Изјавата е на 2.35.00 па натаму....

(Видео) Оваа песна штотуку влезе во музичката историја

Можеби е неговиот единствен хит, но затоа има „хитиште“.

Имено, раперот Лил Нас Х и неговата „Old Town Road“ која ја изведува заедно со Били Реј Сајрус официјално „седна“ на тронот на најпродавани песни во историјата на RIAA (Recording Industry Association of America или Здружение на дискографската индустрија во Америка). 

Раперот со овој хит од 2019 година до денес 14 пати достигна платинест тираж, со што од врвот на листата ги симна хитовите „All of Me“ на Џон Леџенд и „Despacito“ на Луис Фонси, Деди Јенки и Џастин Бибер.

Тој со историскиот успех се пофалил и на Твитер.

Инаку, песната во 2019 година постигна рекорд во катерогијата на песна која најдолго останала на првото место на Билбордовата листа (19 недели), а потоа од првото место ја симна песната „Bad Guy“ на Били Ајлиш.

На својот предновогодишен концерт, Павле Камилоски ја изненади публиката со неговата прва самостојна песна и спот

Камилоски на предновогодишниот концерт кој се одржа вчера во Музејот на Македонската Борба, се предаде на емотивниот занес и  длабоко ја трогна публиката со безвременските класици на Френк Синатра, Дин Мартин, Нет Кинг Кол, Том Џонс…

Во интимната сала која беше преплавена од емоции, го заврши концертот со видео запис од неговиот прв авторски сингл кој се проектираше на видео бим.

„Такт по такт“ е сингл во Боса нова стил, стил по кој е препознатлив извонредниот Камилоски. Шармантниот спој од проза и поезија ги пишуваат Робин Зимбаков и Алек Русјаков, а соничниот баланс кој ја истакнува интимноста и непосредноста во гласот на Камилоски, го компонира и аранжира Роберт Билбилов. Суптилен трепетлив ефект прави и гласот на Александар Тарабунов, драг пријател на Павле, кој се јавува како придружен вокал.

Видео записот за „Такт по такт“ е филмски претставена ода на љубовта. Замислата за видеото на Камилоски ја режира Принц и успева да креира визуелен приказ на романтичниот и доминантен перформанс на пејачот.

„Таа емоција и авангарда ја носи со себе познатата манекенка Маја Сашек, без која немаше да го добиеме овој резултат. Маја додаде една уникатна вредност на видеото и многу сум и благодарен на соработката за спотот“ вели Камилоски.

Интернационално наградуван и со досегашни 9 самостојни концерти, Камилоски се истакнува како изведувач на безвременските џез песни кои се дел од неговиот музички печат.

Андријана Јаневска ќе ја претставува Македонија во проект за Гинисовата книга на рекорди

Андријана Јаневска е позната виолинистка и професорка по музика. Дека музиката и е во крвта покажала многупати, за нејзиниот талент воопшто и не треба да се зборува.

За музичкиот талент на Андријана Јаневска не треба да се зборува многу бидејќи таа тоа го потврдува со својот успеси, а овојпат македонската пејачка ќе ја претставува нашата држава во проект за Гинисовата книга. Јаневска се пофали на својот „Фејсбук“ профил  истакнувајќи дека единствен услов за учество бил во договорот да пишува дека ја претставува Република Македонија.

„Чест ми е да Ви соопштам дека ќе ја претставувам Македонија во проект за Гинисовата книга на рекорди! Станува збор за песна со најмногу пејачи на светот со наслов „One Human“ чиј автор е американскиот композитор и продуцент Graham Czach. Мој единствен услов за учество беше да пишува дека ја претставувам Република Македонија. Денес го потпишав договорот и следната седмица ќе ја снимам песната“, напиша пејачката.

Под објавата се нижеа честитки и пофалби на Андријана која може да биде горда за еден ваков успех.

„Гинисовата книга на рекорди“ е референцијална книга која се објавува секоја година, и ги содржи меѓународно познатите колекции на светски рекорди во кои се вклучуваат сите човечки достигнувања, како и екстремите на живиот свет. Книгата самата по себе држи светски рекорд, како најпродаваната книга со авторско право на сите времиња.

Популарно