Дали вашиот партнер „ви одговара“?

Вие конечно запознавте нова личност-партнер, добро се согласувате и ви се чини дека иднината ќе ви биде добра. Меѓутоа  дали и вашиот сексуален живот ќе биде подеднакво кавлитетен и возбудлив и уште една дилема – дали ќе остане таков?

Љубовта не се случува на прв поглед и може да помине некое време додека не стигнете до фазата на длабока врска што ве исполнува.

Дали има можност да препознаете дали си одговарате  со партнерот и во сексуална смисла?

Најчесто, одговорот е: кога ве возбудуваат исти нешта. Ако и двајцата сметате дека нешто е секси или еротско, тоа е еден од знаците дека се движите кон интимност и сексуална компатибилност.

Најпрво, одговорете искрено на овој мал квиз на психотерапевтката Стејси Кајзер:

Дали сте среќни и се смеете кога сте со таа личност?

Кога не сте заедно, дали се радувате на вашата следна средба?

Кога ќе се бакнете, дали чувствувате моментна физичка енергија и возбуда?

Дали сте подготвени да жртвувате спиење или незавршување на работа или обврска за да поминете повеќе време со оваа личност?

Дали при физички контакт со оваа личност, макар и само држење за рака, секогаш сакате повеќе?

Ако одговоривте позитивно и без колебање на повеќето од овие прашања, вашата врска ќе се разгори и ќе пламти уште долго, долго време, вели Кајзер.

Сексуалната компатибилност се потпира на едноставна хемија меѓу две личности, вели доктор Израел Хелфанд. Повеќето луѓе кои се во успешни, долги и здрави сексуални врски велат дека едноставно го сакаат чувството што им го предизвикува другиот, нивниот мирис, па дури и вкус.

Без оваа магнетна привлечност и желба за физичко присуство на другата личност, сексуалната компатибилност е само задоволителна.

Независно од тоа дали само што сте ја запознале вашата „сродна душа“ или таа личност ја познавате со години, не заборавајте дека комуниакцијата е неопходна за одржување на здравата врска, вклучувајќи ја и сексуалната.

Денес е полесно да се впуштите во сексуални авантури, отколку навистина да разговарате за сексот.

Двојките кои не можат да разговараат отворено треба да размислат за квалитетот на нивниот сексуален живот и што можат да преземат во врска со тоа

Дневен Хороскоп

ОВЕН

Нови пријатели, нови ставови и нови цели би можеле да излезат на сцената. Некои настани ќе ве поттикнат да промените некои одлуки и насоки. Ова е веројатно позитивен развој, така што сè ќе биде возбудливо за вас, но ќе мора веднаш да направите некои измени. Бидејќи сте психички многу силни, не треба да има проблеми.

БИК

Ако имате некоја посебна цел во вашата кариера, драги Бикови, денес ќе добиете голема помош од планетата Нептун во исполнувањето на таа цел. Ќе бидете во центарот на вашиот универзум и сè што ќе одлучите ќе има моќно влијание врз вашата иднина. Но, нема потреба од страв – кога сте фокусирани вака, убавите работи ви се случуваат како на лента.

БЛИЗНАЦИ

Ова треба да биде стимулативен викенд за Близнаците. Може да добиете и изненадена понуда за патување. Некои блиски пријатели или најблиски ќе ви бидат придружници. Нов пресврт во вашето интелектуално коло ќе ви создаде нови интереси и засилена работа што ќе ви донесе големи успеси.

РАК

Неочекуваниот економски развој може да има позитивен ефект врз Раковите. Веројатно ќе станете поконкурентни во својата професија и ќе се покажете во полн сјај. Што и да е, можете да очекувате зголемен прилив на пари во блиска иднина. Исто така е можно да имате одредено наследство или документи што ви создадоа грижи.

ЛАВ

Вашиот социјален живот ќе биде поисполнет отколку што мислевте. Нови и многу интересни луѓе влегуваат во вашето опкружување. Причината за ова може да биде од хуманитарен карактер. Ќе бидете позафатени во текот на следните неколку недели, па барем обидете се да се опуштите колку што можете денес. Уживајте во разговорите со драги луѓе.

ДЕВИЦА

Книгите и разговорите со пријателите ќе бидат главната состојка на Девицата овој викенд. Интелектуалниот стимул што ќе го добиете ќе има ефекти врз вашето здравје, затоа обидете се да разговарате за позитивни теми. Не заборавајте да јадете и пиете и да се грижите за вашето здравје, сепак сте само луѓе. Уживајте и опуштете се, работата нема да бега, без грижи.

ВАГА

Ако во моментов сте во врска , може да очекувате напредок во врската и засилено чувство за заедница. Ако сте сами, ваков ден може да ви донесе интересен познаник и љубов на прв поглед! Можно е да започнете и непосредна врска со друга личност!

ШКОРПИЈА

Еден стар пријател што не сте го виделе подолго време може одеднаш да се појави пред вас. Тоа пријатно ќе ве изненади. Имате многу да надокнадите. Имате многу добри вести за споделување, опуштете се и уживајте! Овој викенд искористете го за да ја избристрите главата за да можете да заспиете мирно, ќе ви треба одмор.

СТРЕЛЕЦ

Овој викенд би можеле да добиете вести што ќе ви го свртат животот наопаку, како што често се случува со Стрелеците. Ќе биде многу возбудливо. Вие исто така може да добиете нови соседи, а со тоа и нови пријателства. Ќе бидете зафатени со активности, но ќе уживате во секој момент, не заборавајте само на одморот затоа што ви е потребен!

ЈАРЕЦ

Можете да добиете вест за зголемен приход. Можеби дури и дознаете дека можете да започнете сопствен бизнис. Потребата за луѓе од ваш калибар може да се зголеми. Разговорот со другите ќе ви донесе голем број идеи како да заработите дополнителни пари. Искористете го ваквиот плоден ден, штета е да го потрошите залудно.

ВОДОЛИЈА

Разговорот со некои луѓе ќе им донесе на Водолиите важни информации што можат да го променат вашиот начин на размислување. Ќе бидете ориентирани кон дружење и политички разговори. Би можеле да заблескате на вашето работно место. Некој ќе ве замоли за помош. Имате способност и енергија да го сторите тоа, не двоумете се и фатете се за работа.

РИБИ

Ќе бидете заинтересирани за астрологијата, нумерологијата и другите слични дисциплини кои Рибите ги сакаат. Вашиот ум работи особено напорно, па затоа би било добро да го комбинирате тоа со вашата наклонетост кон мистичноста. Тоа ќе ви одземе поголем дел од времето овој викенд, но не занемарувајте релаксација и одмор, ви треба повеќе од што било.

Кејт добила посебен роденденски поклон од Меган

Војвотката од Кембриџ пред неколку дена го прослави 39-от роденден во кругот на најблиското семејство. Кејт од страна на сопругот Вилијам наводно добила обетки со дијаманти и сафири, но ја изненадил поклон кој дошол преку пошта.

Британските медиуми пишуваат дека Кејт од Меган Маркл добила посебен поклон со што и односите меѓу принцевите парови значително се подобруваат.

Мирор пишува дека Кејт била воодушевена од поклонот на Меган кој бил многу креативен, иако во јавноста засега не е познато што војвотката од Кембриџ добила.

Кејт воопшто не ни очекувала поклон од Меган. Роденденската забава всушност била обична чајанка со сопругот и децата. А оваа година Кејт и Вилијам ќе прослават 10-годишнина од бракот.

(Видео) Го ставила мобилниот во микро за да ја сними пицата - погледнете што и се случи

Една девојка стана вистински хит на Тик Ток и се најде во насловните страници низ целиот свет поради експериментот со својот мобилен телефон.

Девојката објави видео на социјалната мрежа во кое се гледа како го става мобилниот телефон во микробранова печка „за да види што се случува со нејзината пица“.

Снимката собра стотици илјади прегледи на „Тик Ток“, а видеото веднаш го споделија илјадници луѓе кои почнаа да ја навредуваат девојката.

@ellab.2 ♬ original sound - ella

Популарно