ЛГБТИ: НЕ Зоран Заев, ЛГБТИ заедницата нема да ти прости!

Само неколку минути по објавувањето на изјавата на премиерот Зоран Заев, кој коментирајќи ја аферата „Рекет“, рече дека нема да дозволи некој да го инволвира него, ниту пак, „неколку криминалци, еден суетен новинар и еден педер“ да ја срушат Владата, социјалните мрежи се преплавија со реакции.

„Што му е на премиерот?“, „Ќе следуваат ли сега извинувања до небо?“, „Ќе му прости ли ЛГБТ заедницата на Заев?“, се само дел од реакциите на социјалните мрежи.

Уранија Пировска, извршната директорка на Хелсиншкиот комитет за човекови права на својот Фејсбук профил напиша дека „се што се правело досега било тешка демагогија“.

„Гнасно по многу основи! Толку од прифаќањето на различностите и нивното почитување! Тешка демагогија било се што се збореше и правеше претходно! НЕ Зоран Заев, ЛГБТИ заедницата нема да ти прости!“, напиша таа.

И програмската координаторка на Хелсиншкиот комитет, Билјана Гинова, напиша:

„Нема да дозволам хомофоб да ни ја води (доуништи) државата, нека ми извинат политичарите“.

Луми Бекири, активист за човекови права, вели дека зборот „педер“ се смета за навредлив и политички некоректен пејоративен израз за да се означи геј популацијата и дека Комисијата за заштита од дискриминација треба да поведе постапка.

„Тој израз особено не смее да се користи од луѓе на моќ, а и не се користел од ниеден политичар до сега при јавен настап во Македонија, дури ни од оние најхомобичните и најнеписмените – ко поранешниот премиер Груевски. Првенствено, доколку со таквиот израз се мисли на лицето Бојан Јовановски, истиот никогаш се нема декларирано за својата сексуална определба јавно, па така премиерот веројатно знае од некои други извори за тоа па го опишува истиот на навредлив начин. Друго, и да е најдолното суштество на оваа планета, ниеден граѓанин не заслужува да биде нагрден со такви пејоративни епитети од страна на еден премиер, кој треба да е еднаков за сите. Се надевам дека ќе се покрене постапка во Комисијата за заштита од дискриминација за овој скандалозен случај, а случајот “Рекет” конечно ќе довие некаква разврска и правдата да победи“, напиша тој на својот профил на Фејсбук.

Пожар во центарот за култура „Браќа Миладиновци“ во Струга

 Во центарот за култура „Браќа Миладиновци“ во Струга ноќеска избувнал пожар, во кој е предизвикана материјална штета, но нема повредени, соопшти СВР Охрид. Пожарот, според информацијата, бил пријавен во 1 часот и 40 минути во Струшката полиција.

– По извршен увид, констатирано е дека пожарот, во кој нема повредени лица, се појавил на помошна влезна врата и е изгаснат со брза интервенција на Територијалната противпожарна едниница од Струга, изјави денеска портпаролот на СВР Охрид Стефан Димоски.

Струшката пожарна интервенирала со едно противпожарно возило и тројца пожарникари .

– За кратко пожарот е ставен под контрола, а за околу половина час целосно ликвидиран. Предизвикана е помала материјална штета, потврдија за МИА од ТППЕ Струга.

Полицијата направила увид, се работи на утврдување на причините од кои е предизвикан пожарот.

6 лица починати и 183 нови случаи на Ковид-19 во земјава

Во последните 24 часа се направени 1466 тестирања, а регистрирани се 183 нови случаи на ковид-19 во:

-Скопје 85

-Куманово 6

-Тетово 10

-Прилеп 7

-Гостивар 6

-Штип 3

-Битола 1

-Велес 4

-Охрид 10

-Струмица 3

-Кавадарци 13

-Струга 5

-Кочани 2

-Кичево 1

-Свети Николе 1

-Гевгелија 6

-Неготино 4

-Дебар 1

-Ресен 6

-Радовиш 2

-Делчево 1

-Пробиштип 2

-Богданци 2

-Кратово 1

-Дојран 1

Починати се 6 лица, еден пациент од Скопје (90г), еден од Куманово (51г), еден од Прилеп (77г), еден од Гостивар (71г) и два пациенти од Охрид (72 и 45г). Пациентите се починати во болнички услови.

Денеска Институтот за јавно здравје регистрира 1731 оздравени пациенти од:

-Скопје 983

-Куманово 57

-Тетово 98

-Прилеп 5

-Гостивар 87

-Штип 23

-Битола 60

-Велес 62

-Охрид 25

-Струмица 60

-Кавадарци 36

-Струга 21

-Кочани 24

-Кичево 28

-Свети Николе 9

-Гевгелија 18

-Неготино 29

-Дебар 6

-Ресен 16

-Крива Паланка 10

-Радовиш 4

-Берово 4

-Делчево 10

-Пробиштип 2

-Виница 13

-Валандово 7

-Демир Хисар 5

-Богданци 5

-Македонска Каменица 12

-Демир Капија 9

-Пехчево 1

-Дојран 2

Досега во земјата се направени вкупно 442.600 тестирања на Ковид -19.

Вкупната бројка на ковид дијагностицирани во нашата земја од почетокот на епидемијата изнесува 90654, бројката на оздравени пациенти е 78154, на починати е 2785, а бројот на активни случаи изнесува 9715.

Во ковид центрите во Скопје за 24 часа се хоспитализирани 26 пациенти, а вкупно се лекуваaт 289 болни

Во изминатите 24 часа во ковид центрите во Скопје се хоспитализрани 26 нови пациенти поради компликации од корона вирусот. Вкупно 289 лица сомнителни и потврдени за КОВИД -19 се лекуваат на инфективните оддели во главниот град.

Во последното деноноќие, на интерните клиники имало 11 приеми.

Во ковид центарот во ГОБ 8 Септември имало     10 нови приеми на пациенти, а на Инфективната клиника 5 во текот на вчерашниот ден.

Во изминатите 24 часа дома се пуштени 22 оздравени пациенти.

Во моментов на Кожната клиника во ковид центарот се лекуваат 19 пациенти, на Клиниката за неврологија 23 болни, а на Институтот за ТБЦ се примени вкупно 24 пациенти со симтоми на корона вирусот, во ковид центарот на Клиниката за нефрологија во моментов се сместени 21 пациенти. На Клиниката за Гастроентерохепатологија лежат 16 пациенти.

Во ГОБ 8 Септември има вкупно 94 болни, а на Клиниката за инфективни болести лежи 81 пациент, додека во Иститутот за белодробни заболувања кај деца Козле има 10 пациенти.

Вкупно 289 пациенти потврдени и сомнителни за КОВИД- 19 се лекуваат на инфективните оддели во болниците во главниот град. Голем дел од пациентите се на кислородна поддршка.

Бројот на приеми во изминативе денови е стабилен и утрово до 8 часот имало 110 слободни места, а се очекува во тек на денот по направените исписи на оздравените пациенти да се ослободат и дополнителни места.

Сите инфективни одделенија имаат довод на кислород и можат да згрижат пациенти кои имат потреба од кислородна подршка.

Популарно