Јанева има цимерка

Специјалната јавна обвинителка Катица Јанева заработи 30. дневен притвор како осомничена за злоупотреба на службената положба и овластувања, а во врска со предметот „Рекет“. 

Таа е спроведена во затворот во Шутка каде ќе ја издржува казната, а ќелијата ќе ја дели со уште една жена, јавува Слободен Печат.

Катива се сомничи дека ја злоупотребила службената позиција и остварила лична корист со тоа што, најпрво влијаела за ослободувње од притвор и враќање на патната исправа, а потоа и дала предлог да се олесни положбата на осомничениот за „Империја“ со негово прифаќање како сведок во постапката.

 Јанева остварила лична корист од околу 290 илјади денари.

Јанева во Кривичен вчера беше неколку часа.

Најатрактивните огласи за изминатата недела. Аплицирајте на некој од нив!

Цементарница УСЈЕ објавува 2 огласи за ПЛАТЕНА ПРАКТИКАНТСКА РАБОТА: https://kariera.mk/company/ZmXYrrxwAkW7H_rGItd-_g/cementarnica-usje-ad-skopje

Mellon Solutions има потреба од ТЕРЕНСКИ АГЕНТИ ЗА НАПЛАТА НА ДОЛГОВИ: https://kariera.mk/job/KXh0WLPOkkGtS7W7h0wKHw/terenski-agenti-za-naplata-na-dolgovi

Vesica го проширува својот тим со COMPUTER VISION AND AI: https://kariera.mk/job/ZBynfG6-M0-rd6HTuVdETg/computer-vision-and-ai

Fitness House има потреба да го дополни тимот со ГОТВАЧ И ПОМOШНИК ГОТВАЧ: https://kariera.mk/job/_MkmbtjN1ECbnIyGdOZgOg/gotvach-pomoshnik-gotvach

Нептун има потреба од: 

РЕФЕРЕНТ ЗА ПРОДАЖБА - БИТОЛА: https://kariera.mk/job/vRsOzW6MO0OHKE4tF7ghmQ/referent-za-prodazhba-bitola

РЕФЕРЕНТ ЗА ПРОДАЖБА - НЕГОТИНО: https://kariera.mk/job/iaWQRymbz0yKKTIRdgAZ7A/referent-za-prodazhba-negotino

Кој е виновен за пасошката криза?

Кој е виновен за пасошката криза? Сегашниот и поранешниот министер меѓусебно се обвинуваат за недостатокот на патни исправи. Техничкиот министер вели дека станува збор за наследен проблем од сегашниот технички премиер. Чулев тврди дека Спасовски имал две години за да потпише 10-годишен договор за набавка на пасоши, но наместо тоа, на два пати биле потпишани рамковни договори со германската компанија.

Спасовски, пак, иако до 3 јануари беше на фунцкијата министер за внатрешни работи, не може да се сети кога била направена последната анализа за потребата за патни исправи. Посочи дека прашањата околу пасошката криза треба да му бидат поставени на техничкиот министер.

Чулев бара Владата да свика седница за да се разгледа неговиот предлог за решавање на кризата. Односно, ставање апостилски печат и испраќање дипломатска нота до с ите држави, со што би се продолжил рокот на траење на патните исправи. Спасовски, пак, вели дека Чулев нема доставено информација до Владата со што овој предлог би се ставил на дневен ред.

И додека членовите на Владата од спротивставените политички партии си ја префрлаат топката,  расте гневот на граѓаните.

Денеска со работа почна 9-члената комисија која треба да одлучува кои граѓани ќе ги добијат преостанатите 3.400 пасоши. Приоритет ќе имаат луѓето кои треба да се лекуваат во странство и оние кои треба да учествуваат на меѓународни натпревари.

Новата пратка од 100.000 пасоши, според договорот со германската компанија, треба да пристигне на 24 март.

Покрај пасоши во Македонија нема ниту сообраќајни дозволи

Владата да најде начин за продолжување на рокот на патните исправи додека се реши пасошката криза во земјава, бара министерот Чулев. Вели дека за надминување на проблемот неопходна е политичка волја, пренесува Сител. 

-Ставање на апостилски печати со информација до сите други држави по дипломатски пат е една од опциите која што ја има Владата на располагање. За законитоста, во краен случај треба да реши Владата. Меѓутоа, сме имале случаи во меѓународни рамки каде важноста на патните исправи е продолжена со удирање на печат и испраќање на ноти до државите, вели Чулев.

Од Владата велат дека на вчерашната седница не се разговарало за пасошката криза. Доколку информацијата за ваква постапка пристигне до Влада, јавноста дополнително ќе биде известена.

Во моментот останати се уште 3.400 пасоши. 9-члена комисија составена од лекар, правник, економист и вработени во Министерството ќе одлучува за лицата кои имаат ургентни потреби за вадење пасош. Чулев вели дека приоритет ќе имаат лицата кои мора да заминат на лекување во странство, а потоа оние кои треба да учествуваат на меѓународни натпревари.

Освен пасоши, станиците за технички прегледи не издаваат и сообраќајни дозволи.

-Во текот на утрешниот ден пристигнуваат доволен број на сообраќајни дозволи, 1.500. Требало посебни материјали, а до идната недела ќе стигнат 100.000, рече Чулев.

Министерот уверува дека откако ќе пристигне пратката на пасоши граѓаните во најкус можен рок ќе ги добијат патните исправи и состојбата ќе се нормализира со работење на службите и втора смена и за викендите.

Инаку, Чулев го обвини премиерот Спасовски дека со фалсификат ги поништил во Службен весник распоредувањата во МВР, бидејќи немало одлука на Влада. Побара од Јавното обвинителство да отвори истрага.

Популарно