ФОТО: Направете професионално белеење на забите во една сеанса

Процесот на белење на забите претставува осветлување на природната боја на забите, па токму затоа денес белењето на забите е тренд. Белата боја на забите естетски многу влијае на убавата насмевка и секогаш асоцира на здрави заби, Водород пероксид (H 2 O 2 ) е активна состојка која најчесто се користи во производите за белење и агенсот се испорачува како водород пероксид или карбамид пероксид. За да може белењето на забите да биде успешно, треба професионално и правилно да се дијагностицира видот, интензитетот и локализацијата за промена на бојата на забите.

Посакуваната белина на забите зависи од времето на изложеност и концентрацијата на избелувачкиот агенс. За таа намена најправилно е да се користат специјални клучеви за боја со кои се мери и одредува бојата на забите пред и по белењето. Овие нијанси ја одредуваат ефективноста на постапката за белење, која може да варира по градација од две до седум нијанси. Резултатите од белењето се квалитетни само со правилен протокол на постапката без притоа да се прескокнуваат фазите на работа. Ефектите може да траат повеќе месеци, но постои опција да варираат во зависност од начинот и темпото на животот на пациентот. Конзумирањето на храна која ги пигментира забите или пак пијалоци кои имаат силна боја може да ја загрозат ефективноста на третманот. Тука влегуваат храна и пијалоци кои содржат танини како што се: густо кафе, темен чај, црвенo винo, кари итн.

Во процедурите за белење по протокол се користи ефикасен заштитен слој кој се нанесува на гингивата (непцата) за да се намали ризикот од хемиски изгореници на меките ткива.

Агенсот за белење е карбамид пероксид, кој се распаѓа во устата за да се формира водород пероксид, или самиот водород пероксид. Гелот за белење обично содржи помеѓу 10% и 44% карбамид пероксид, што е приближно еднакво на концентрација од 3% до 16% водороден пероксид.

Предлог за денешен ручек

Ражничи од риба и компир

СОСТОЈКИ:

500 гр риба

1 лимон

700 гр компири

слатка пипер

маслиново масло

рузмарин

босилек

мајчина душица

оригано

бибер

сол

1 главица кромид исечкан на кругови

2 чешниња сечкан лук

НАЧИН НА ПОДГОТОВКА:

Рибата исечкајте ја на мали парчиња. Додајте ги сите зачини, малку сок од лимон, масло и добро измешајте. Оставете во маринада барем половина час покриено.

На дрвени стапчиња редете парчиња риба и кромид кој малку сте го посолиле.

Компирите исечкајте ги по желба, додајте зачин, бибер, слатка пипер и маслиново масло. Добро измешајте и ставете во намастен плех. Од горе наредете ражничи со риба. Печете на 220 степени околу 50-100 минути.

Предлог за денешен ручек

Зимско вариво

СОСТОЈКИ:

300 гр колбаси Пекабеско

2 лажици масло

60 гр кромид

500 гр компири

200 гр моркови

100 гр корен од целер

1 лажица зачин

црн бибер

сол

240 гр конзервирана леблебија

150 гр конзервирана леќа

150 мл доматен сос

70 гр милерам

НАЧИН НА ПОДГОТОВКА:

Колбасите ситно исечкајте ги на кругови и ставете ги на загреано масло. Кратко пропржете ги и со мешање додајте исечкан кромид, потоа коцки исечкан зеленчук. Прелијте со вода, додајте зачин, сол, бибер, исцедена леблебија, леќа и пасирани домати. Кога ќе зоврие гответе околу 15 минути. Готовото вариво посипете го со сечкан магдонос.

Предлог за денешен ручек

Проја со спанаќ…

СОСТОЈКИ:

170 гр пченкарно брашно

120 гр ориз

150 гр бело брашно

1 кесичка прашок за печиво

1 чаша масло

1 чаша млеко

1 чаша јогурт

3 јајца

150 гр издробено сирење

1 рака спанаќ

НАЧИН НА ПОДГОТОВКА:

Измешајте брашно, додајте прашок за печиво и сол. Додајте ги останатите состојки и добро измешајте сите состојки да се соединат. Ставете во плех обложен со хартија за печење.

Печете во претходно загреана рерна на 220 степени додека пројата не порумени.

Послужете со јогурт.

Популарно