Погледнете зошто жените сакаат доминантен партнер

Во ек на борбата за еманципирање на жените и подобрување на нивните права и еднаквост во општеството, тешко е да се зборува за тоа зошто жените бираат доминантен животен партнер.

Дали ве привлекуваат романтични партнери кои се моќни, одлучни и владеат со секоја ситуација? Изборот на доминантен партнер нема врска со полот и сексуалната ориентација, но психотерапевтите издвојуваат неколку причини зошто хетеросексуалните жени бираат доминантни партнери.

Има различни начини да се биде доминантен, но експертите сметаат дека главни карактеристики на луѓето со социјална доминација се авторитативност, преземање и одржување контрола и преземање лидерска улога.

Ова се најчестите причини зошто жените бираат доминантен партнер и совети како да разликувате доминантен од насилен партнер.

Ве привлекуваат „лоши момци“

Звучи како стереотип, но е факт. Лесно е да се „падне“ на шармот на лошите момци: нивната одлучност да се спротистават на правилата, мистериозен изглед, бунтовност… Но, лошите момци често не се доминантни типови, туку само многу добро ја глумат таа улога. Најчесто само имаат „Петар Пан комплекс“ и не сакаат да пораснат и да станат одговорни. Проценете мудро, што ќе правите кога ќе се умори од глумење?

Не сакате да носите големи одлуки

Некои жени веруваат дека животот би им бил многу полесен кога не би морале да носат големи одлуки и да одговараат за нив. Доминантен партнер лесно би им го решил тој проблем: тој сака да ја има контролата, па ќе одлучува за двајцата: каде ќе живеете, што ќе работите, како ќе ги воспитувате децата… Сево ова не е погрешно, но само ако ВИЕ го сакате тоа, а не ви е наметнато. И во врската со доминантен партнер треба да ја задржите својата индивидуалност и право да носите одлуки за себе.

Фините момци ви се здодевни

Нема ништо погрешно во тоа да се биде фин тип, но некои жени едноставно не ги привлекува тоа. Сакате авантура, возбудливост, изненадување, да бидете со некој кој е во центар на внимание и позиција на моќ? Држењето за рака никогаш нема да ви биде доволно.

Влијанија од родителите

Односот со партнерот многу често е одраз на начинот на кој сте воспитувани. Ако едниот или двајцата родители биле доминантни, постои голема веројатност дека вие сте навикнале на таков начин на живот и тие особини потсвесно ги барате во партнерот. Навикнати сте да бидете под контрола, друг да одлучува за вас и да следите правила, па барате доминантен партнер кој ќе се однесува со вас на тој начин.

Разлика меѓу доминација и агресија

Понекогаш чувството на доминација може да прерасне во нагон за посесивност и агресија, но тоа зависи од карактерот на човекот и многу други фактори.

Доминантните луѓе се способни за љубов, емпатија и грижливост. Ако доминантното однесување прерасне во желба да го контролира вашиот живот во секој аспект или да ја злоупотреби вашата доверба со тоа што ќе манипулира со вас или ќе ве малтретира, физички или емоционално, тоа е веќе проблем што не може да се припише само на доминантата карактеристика.

Тука веќе станува збор за токсична врска што е штетна за вас и треба да преземете мерки за да излезете од неа безбедно.

Закрепнувањето по „скршено срце“ трае три месеци

Раскинувањата oбично завршуваат со подолготрајна тага.

Научен труд објавен во британскиот „Журнал“ за позитивна психологија открива колку време во просек им треба на луѓето да закрепнат по болен прекин на љубовна врска.

Кога „срцето е скршено“, преовладува чувството на безвредност, што поттикнува повредената или повредениот „да се држи“ дури и поцврсто за она што веќе не е достапно. Во такви случаи се јавуваат збунетост, лутина, тага, фрустрација. Уште повеќе, ако е присутна ниска самодоверба којашто нѐ тера постојано да се обвинуваме и омаловажуваме себеси, преболувањето на раскинувањето тогаш е потешко, па тоа „заздравување“ оди побавно.

Тоа ќе рече – проценувањето колку долго ќе трае таа лоша состојба по раскинувањето зависи, до одреден степен, од самодовербата.

Според наводите, на 71 отсто од 155 млади возрасни лица им биле потребни околу 11 седмици за промена кон подобро. До крајот на тие три месеци, испитаниците можеле да ги видат добрите страни на нивното раскинување. Тие, имено, почувствувале „созреаност“ и подготвеност да се насочат кон целта – позитивни промени по раскинувањето.

Разумно е да се очекува дека зацврстувањето на ниската самоувереност по раскинувањето може да трае барем неколку недели. А пак, факторите коишто влијаат на таа временска рамка зависат од самиот човек и од врската која штотуку завршила.

Три реченици кои звучат како љубов, а всушност зад нив се крие манипулација

Понекогаш е тешко да се разликува грижата и љубовта од манипулацијата. Ова се фрази кои се користат за да се залажат партнерите.

Има луѓе кои имаат потреба да манипулираат со луѓето со кои се во врска или брак, поради некои психолошки проблеми што ги имаат.

Овие три реченици манипулаторите често ги користат како параван, бидејќи наликуваат на љубов.

„Ова го правам за твое добро“

Манипулаторот сака да изгледа како да се грижи за вас, а всушност сака да ве контролира за да ја постигне својата цел. Реченицата „Го правам ова за твое добро“ звучи како израз на грижа и љубов, но тоа е начин манипулаторот да ве принуди да го прифатите она што го прави велејќи дека е за ваша корист.

„Дали вака ми враќаш?

Кога манипулаторот ќе ви каже: „После се што направив за тебе, ти ми враќаш вака?“, тоа покажува дека сака да се чувствувате виновни. Не се залажувајте да мислите дека тој се грижи за вас. Тој само сака да ве натера да се согласите со она што тој го сака.

„Очекував повеќе од тебе“

Оваа реченица прави личноста кон која е насочена да се чувствува помалку вредна од манипулаторот. Тие се потпираат на моќта за да ги постигнат своите цели. И повторно сака да се чувствувате виновни што не го постигнавте она што требаше, според мислењето на манипулаторот.

Што се случува во телото на мажот кој подолго време нема секс?

Има многу причини зошто треба редовно да имаме секс, но покрај задоволството, важни се и причините поврзани со здравјето.

Мажите кои редовно имаат секс се позадоволни од животот и посреќни, тоа го имаат потврдено повеќе истражувања, но дали некогаш сте се прашале што се случува со вашето тело кога ќе престанете да имате секс редовно?

Ова се најчестите последици:

Еректилна дисфункција

Мажите кои подолго време немале секс, а имаат над 50 години, најверојатно ќе се соочат со проблемот еректилна дисфункција. За да останете во сексуална форма, мора да ја одржувате.

Зголемен ризик од рак на простата

Ако не мастурбирате редовно и исто така немате секс, ги зголемувате шансите за заболување од рак на простата. Истражувањата покажале дека честото ејакулирање (4 до 7 пати неделно) го намалува ризикот од рак на простата.

Висок крвен притисок

Истражувањата покажале дека луѓето кои имаат редовен секс имаат понизок крвен притисок од оние кои имаат долги паузи меѓу сексуалните активности.

Стрес

Една жешка ноќ во кревет може да ви го подобри расположението и барем на кратко да ве ослободи од грижите и стресот. Ендорфинот што се ослободува за време на сексот го подобрува расположението, а и бројни науни истражувања покажале дека сексот има поволно дејство врз луѓето кои се под стрес.

Слаб имунитет

Доживувањето оргазми е од голема корист за вашиот имунолошки систем. Медицински истражувања покажале дека мажите кои немаат секс редовно имаат послаб имунитет и се поподложни на болести.

Популарно