Наставниците мора да се „борат“ и со овие..

Живот

пред 5 дена

Голем дел од просветните работници имаат проблеи во справувувањето со многу родителски карактери, а некои од нив навистина не сакаат да им олеснат. Кога ќе почне учебната година, и родителите полека ја започнуваат својата мисија.

Треба да се предупредат наставниците и професорите во што е специфично нивното дете, што сака, а што не, дека има проблеми со ова и тешкотии со она.

Наставниците, покрај целата работа што ја имаат, добиваат уште малку дополнителна работа. Неретко на мета се дваесеттина различни карактери со кои треба да се знае да се излезе на крај. Според анкетите на интернет, ова се типови родители што и не им се баш омилени:

„Моето дете е посебно“-родители

Да, вашето дете е посебно, но на наставникот му е посебно секое дете во одделението. Многумина поради посебноста на нивните деца сметаат дека за нив не важат одредени правила – од однесување на час до доаѓање навреме и слично. Тоа се, исто така, родители кои сметаат дека нивното дете никогаш не греши и дека не заслужува оценка помала од чиста петка.

„Сè мора да биде совршено“-родители

Секој сака детето да му биде меѓу најнапредните во одделението, но овие родители тоа го сакаат без нималку дополнителен труд. Петки, течно читање, сметање… сакаат сè да биде заработено со ангажманот на детето на час и постигнато брзо, без мака и премногу вложен труд. Иако наставничката се обидува да му објасни на детето дека, на пример, треба да чита пред спиење, овој родител ќе се обиде да најде какво било брзо решение за таа задача, само да не мора да ја заврши.

Напумпани родители

Постојат луѓе што кога ќе уочат проблем или мислат дека го уочиле, не одат со него директно кај наставничката. Наместо да се обидат да го решат на почетокот, во желба да постигнат поголем успех, одат веднаш кај директорот, психологот, дефектологот или некој друг во училиштето, па со тоа, според наставниците, често создаваат непотребни компликации, како за себе така и за другите.

Сеприсутни родители

Тоа се луѓе кои имаат способност да бидат на повеќе места во исто време и располагаат со моќи на телепортирање. Во училницата остануваат и откако другите родители веќе си отишле, некаде скриени во агол и ја проценуваат ситуацијата, во училишниот ходник се додека во него има акција и слично. Изгледа дека не се способни на детето да му дадат слобода и да му дозволат да погреши во некоја одлука.

Родител-дух

Да, неговото име секаде се споменува, но никој никогаш не го видел. Не се појавува на родителските состаноци, не се најавува на информации, ниту го испраќа детето до училиште. Поради таквите родители, наставниците се малку нервозни бидејќи знаат колку е важна присутноста на родителите за детскиот развој, па би сакале да остварат каков било контакт.

Родители што не познаваат граници

Наставниците не се ваши пријатели и дежурна служба од 0 до 24. Ако ги имате во вибер-група или ја поседувате нивната е-адреса, не значи дека треба да ги затрупувате со пораки, писма и сугестии неколку пати дневно или во 23 часот бидејќи нешто интересно ви паднало на ум.

Разведени родители-натпреварувачи

Динамично дуо кое споделува старателство, но во сè друго владее натпреварувачки дух. Се натпреваруваат во тоа како да се прикажат во најдобро светло, а спротивната страна во најлошо. Никогаш немаат исто мислење и очигледно е дека нивната комуникација за тоа што се случува во училиште е многу нестабилна. Во оваа трка детето е секогаш единствениот губитник.

Родители-шефови

Тоа се родители што работниот дух сакаат да го донесат и во училницата и да ѝ покажат на наставничката дека се многу успешни во својата работа. Тоа, исто така, би требало да значи дека таа е според хиерархијата некаде под нив. Наставничката не ја гледаат како партнер во одгледувањето на детето, туку како вработена. Вработена на која тие ѝ даваат плата бидејќи плаќаат даноци.

„Мразачи на наставници“

Што тргна лошо во оваа врска? Тоа никој не го знае, но се работи за вид родители кои не ја почитуваат просветната работа, па сметаат дека наставниците ја завршуваат работата студено, незаинтересирано и веројатно ја избрале заради долгите летни распусти. Родителите кои не сакаат наставници, исто така, сметаат дека тие само ги „кочат“ учениците и смислуваат начини како да им го загорчат животот. Баш како што и тие самите сакаат да им го направат истото на наставниците.

Драма-родители

Секој училиштен настан и инцидент се склони да го воздигнат во превисоки пропорции. Овие родители, освен тоа, ќе направат сè за да има резултати какви што тие сакаат. Ако, според нивниот суд, се случила некоја неправда, нема да престанат да зборуваат и да лелекаат додека секој родител, баба и дедо и дете во училиштето не бидат известени за тоа.

Дали Мурињо постапи правилно во овој случај

Живот

пред 13 часа

Еден од најдобрите фудбалски тренери во изминатата деценија Жозе Мурињо со сопругата Матилда Фарија има две деца, и заедно се во брак цели 30 години.

Мурињо деновиве додека го коментирал супер дербито од англиската Премиер лига меѓу Ливерпул и Манчестер Сити е виден без венчалниот прстен, кој 30 години не го вадел од раката.

Португалскиот стратег и минатиот месец е снимен без бурмата за време на прошетка во близина на домот. Но,неговиот портпарол за медиумите изјавил „дека е се во ред во бракот на Мурињо“ и дополнил дека прстенот Жозе едноставно заборавил да го стави на прстот.

Жозе својата сопруга Матилда која е голема хуманитарка ја запознал уште во тинајџерските денови и од тогаш се заедно.

Минатата недела Матилда со нивните две деца 19- годишниот Жозе Јуниор и ќерката Матилда која го славела 23 роденден била во Њујорк.

Но, медиумите информираат дека Матилда и Жозе од февруари годинава не се снимени заедно .

На малиот Јане му е потребна помош

Живот

пред 15 часа

Јане Николов (6) од с. Зрновци, Кочани,треба да оди на операција во Турција, а родителите ги замолија хуманите граѓани да помогнат кој колку може.

Иницијативата е од нивна пријателка која на Фејсбук го сподели апелот за помош со фотографии и документи за лекувањето, но и видео од малиот Јане кој сака да оздрави

Владиниот авион имал принудно слетување

Живот Вести

пред 16 часа

Авионот на владината СОЗР кој се користи за летови и патување на државните функционери имал дефект и слетал принудно во итна постапка на аеродромот во Скопје, дознава Телма.

Вонредното “emergency” слетување на авионот од марка лирџет се случило околу 14:20 часот. Нема повредени, а во авионот немало патници туку летот го изведувала само посадата.

Дефектот на авионот бил бидејќи имало проблеми со предното тркало, кое се заглавило. По слетувањето авионот не можел да се движи по пистата туку бил извлечен, дознава Телма.

Пилотите на владиниот авион се посомневале во механички дефект при слетување на скопскиот аеродром, но се испоставило дека станува збор за лажна тревога. При стандарна процедура, односно спуштање на опремата за слетување, пилотот и копилотот се посомневале дека предното носно тркало е закочено. Претседателот на УО на М-НАВ, Николче Тасески го потврди немилиот настан.

Тасески вели затоа тие побарале од контролата на летање низок прелет околу кулата за визуелна потврда на дефектот.

Но од Контролата на летање добиле потврда дека предното тркало е извлечено и тие слетале на пистата на скопскиот аеродром без никакви оштетувања.

Директорот на СОЗР не упати писмено да прашаме, без детали и потврда за случајот.

Владиниот авион во моментов е во хангар. А се враќал од солунскиот аеродром.

Владиниот Лирџет и претходно имаше неколку инциденти во воздух. Купен е по падот на претходниот владин авион, кингерот кога во несреќата кај Мостар во 20014-та загина третиот претседател на државата Борис Трајковски.