Владиниот авион имал принудно слетување

Авионот на владината СОЗР кој се користи за летови и патување на државните функционери имал дефект и слетал принудно во итна постапка на аеродромот во Скопје, дознава Телма.

Вонредното “emergency” слетување на авионот од марка лирџет се случило околу 14:20 часот. Нема повредени, а во авионот немало патници туку летот го изведувала само посадата.

Дефектот на авионот бил бидејќи имало проблеми со предното тркало, кое се заглавило. По слетувањето авионот не можел да се движи по пистата туку бил извлечен, дознава Телма.

Пилотите на владиниот авион се посомневале во механички дефект при слетување на скопскиот аеродром, но се испоставило дека станува збор за лажна тревога. При стандарна процедура, односно спуштање на опремата за слетување, пилотот и копилотот се посомневале дека предното носно тркало е закочено. Претседателот на УО на М-НАВ, Николче Тасески го потврди немилиот настан.

Тасески вели затоа тие побарале од контролата на летање низок прелет околу кулата за визуелна потврда на дефектот.

Но од Контролата на летање добиле потврда дека предното тркало е извлечено и тие слетале на пистата на скопскиот аеродром без никакви оштетувања.

Директорот на СОЗР не упати писмено да прашаме, без детали и потврда за случајот.

Владиниот авион во моментов е во хангар. А се враќал од солунскиот аеродром.

Владиниот Лирџет и претходно имаше неколку инциденти во воздух. Купен е по падот на претходниот владин авион, кингерот кога во несреќата кај Мостар во 20014-та загина третиот претседател на државата Борис Трајковски.

Пејачката тврди-Ако не можеш да добиеш чудо тогаш стани чудо

Ако не можеш да добиеш чудо тогаш стани чудо

Фолк пејачката Сања Ристеска не само што плени со нејзината физичка појава туку маѓепсува и со нејзиниот неодолив глас. Таа со задоволство за весникот ВЕЧЕР раскажа како успева секогаш да е во топ форма, но и за промените на естрадата поради моменталната состојба со коронавирус. Поради истата причина голем број музичари привремено останаа без вообичаените ангажмани, а сето тоа имаше одраз и врз нивната финансиска страна. А, еве што вели Сања во врска со тоа.

 
 
 
 
 
 
 
 
 
 
 
 
 

Hair up make @alekpallada

A post shared by Sanja Risteska (@risteskasanja89) on

– Ситуацијата е таква каква што е. Коронавирусот ги погоди сите сфери на општествениот и социјалниот живот, а кризата се чувствува насекаде. Нормално е дека стравот за финансиите постои, но стравот е релативна работа, нели? – ни откри пејачката.

Сања Ристеска

Иако генетиката е задолжена за нејзиниот изглед и фит става, Сања е од оние пејачки кои водат грижа за исхраната иако понекогаш знае да направи и некој грешен залак.

– Кондицијата ми е на завидно ниво иако периодов работите се движат со забавено и отежната темпо. Секој успешен и исполнет човек ќе најде начин и ќе твори и твори. Кажано во жаргон на големиот Ник Вуичиќ „Ако не можеш да добиеш чудо тогаш стани чудо“. Што се однесува до мојата витка става во овој период преовладува здравиот режим на исхрана, кој не претставува товар за мене, туку начин на живот. Во принцип сум прилично дисциплинирана што јадам, но секогаш постои понекогаш, па така знам да се почестам со омиленото парче храна. Паралелно на тоа применувам и умерена физичка активност, но пред сè генетиката е задолжена за мојот изглед, додава таа.

Освен што води грижа за нејзиниот изглед посветено работи и на нејзината професија, a наскоро ни најави нов нејзин проект. Но, таа е од оние на кои здравјето им е на прво место, па така строго ги почитува сите превентивни мерки, иако тоа влијае на разликата на настапите од оние настапи во кои имавме можност да уживаме порано.

– На почетокот на овој период акцент ќе ставам на реализација на мојот проект за кој сè уште нема да откривам детали. Што се однесува до настапите, постои голема разлика од порано, но правила се правила и мора да се почитуваат пред сè за наше добро, а тоа е здравјето, вели  Сања. (М.А.)

Војската во Германија ги обучува кучињата за нова „улога“

DW пишува дека воените кучиња  се обучуваат во Центарот за обука на кучиња во градот Улмен, за да можат да детектираат коронавирус во човечка плунка.

На обуката учествуваат вкупно десет кучиња - германски овчари, шпаниели и ретривери кои „мирисаат“ примероци од заразени лица.

Идејата за проектот се појави затоа што овие кучиња не само што можат да детектираат експлозиви или лекови од молекуларен состав на мирис, туку и да чувствуваат разни видови тумори и хипогликемија кај дијабетичарите.

Германските истражувачи, вклучени во ова истражување, се оптимисти и очекуваат позитивен исход на проектот на крајот.

Центарот за обука на кучиња рече дека сè оди според планот и дека проектот успешно се спроведува, истакнувајќи дека ќе има многу поконкретни резултати во следните неколку недели.

Најмалку 300 германски воени кучиња  во моментов ширум светот се користат за откривање експлозиви, дрога и мини “

Сепак, како што покажаа две научни студии, постои ризик дека кучињата исто така ќе се заразат бидејќи, иако во доста ретки случаи, миленичињата можат да бидат заразени со вирусот преку луѓето.

Покрај Германија, кучињата во некои други земји, како САД, Финска и Велика Британија, се обучуваат за откривање на COVID-19. Покрај плунката, вирусот може да се открие и преку урина и пот.

Уштипци од пилешко со сирење и прелив од печурки

Вкусни уштипци со неодолив прелив од печурки.

СОСТОЈКИ:

500 гр пилешко бело месо

4 лажици Пекабела павлака

200 гр трапист сирење

40 гр пармезан

3 јајца

150 гр брашно

300 мл масло

сув зачин

сол

бибер

2 лажици путер за прелив

300 гр шампињони за прелив

300 мл Пекабела павлака за прелив

магдонос

НАЧИН НА ПОДГОТОВКА:

Пилешкото сомелете го во машина за мелење и соединете го со павлака, трапист сирење исечено на коцки,пармезан и јајце. Се зачинете по вкус и добро соединете ја масата. 

Од подготвената маса обликувајте топчиња, потоа извалкајте ги во брашно, па во разматени јајца. Потоа пржете ги на врело масло од сите страни додека не поруменат. 

Во тефлонска тава растопете путер, додајте шампињони исечени на листови и пржете додека не поруменат. 

Кога шампињоните ќе омекнат, додајте павлака и гответе на умерена температура 10 минути, пред крај зачинете по вкус и посипете со сечкан магдонос. Подготвениот прелив послужете го со пржените уштипци.

Извор: Готви.мк

Популарно