Аерозагадувaњето главна пpичина за респираторните зaболувања

Додека загадувањето во Скопје урива светски рекорди речиси незабележано поминаа резултатите од испитувањето на последиците од загадувањето на амбиентниот воздух врз здравјето децата во Скопје, објавува Мета.мк

Највисока стапка на вкупен број на прегледи кај лекар специјалист заради болести на дишните патишта е регистрирана во Општина Центар додека најмалата била во Сарај, се вели во заклучоците од испитувањето на последиците од загадувањето на амбиентниот воздух врз здравјето на луѓето, со посебен осврт на децата од претшколска и школска возраст (2017/2019) кое беше финансирано од ланскиот буџет на Градот Скопје.

Притоа најголемиот број на прегледи заради респираторни болести бил забележан кај возрасната група од 0 до 6 години во Општина Центар, а старосната група над 15 години од истите причини најчесто одела на лекар во Карпош и Центар, и повторно најретко во Сарај.

Највисока стапка на прегледи заради астма и влошување на aстмата кај децата како еден од главните здравствени индикатори на штетното влијание на загадениот воздух е регистрирана во општина Центар, најниска во Сарај.

Ова истражување како посебно акутен проблем во аерозагадувањето во скопската котлина ги наведува ПМ 2,5 честичките, кои државните мерни станици ги мерат само на неколку локации низ земјава. Според истражувањето, намалувањето на температурата на амбиентниот воздух и зголемувањето на концентрацијата на загадувачките ПМ 2,5 честички, статистички значајно ја зголемуваат природната смртност во Градот Скопје.

Предлог за денешен ручек

Шницли на поинаков начин

СОСТОЈКИ:

400 гр мелено месо

1 главица кромид

малку презла

1 јајце

сол

зачини по желба

НАЧИН НА ПОДГОТОВКА:

Меленото месо добро измешајте го со едно јајце и ситно сечкан кромид, па додајте зачини. Откако масата убаво ќе се соедини оставете малку да отстои во фрижидер. После половина час со влажни раце обликувајте плескавици и пржете на тивок оган малку од едната па од другата страна.

Предлог за денешен ручек

Паприкаш со спанаќ

СОСТОЈКИ:

1 главица кромид

1 морков

1 свежа пиперка

малку смрзнат зеленчук

3 поголеми компири

300 гр спанаќ

1 лажица ајвар

1 мала шолја одмати

црвена пипер

листови магдонос

сув зачин

сол

бибер

ловоров лист

масло

НАЧИН НА ПОДГОТОВКА:

На масло пропржете главица сечкан кромид, па додајте сечкани моркови на кругови и исечкана пиперка. Додајте смрзнат зеленчук по желба и динстајте. Потоа додавајте ајвар, пипер, компир исечкан на коцки, мелен домат и крупно сечкан спанаќ. Додајте и ловоров лист, па гответе на тивок оган околу 30 минути.

Можете да додадете и малку тестенини. Посолете, по вкус додајте зачини и листови магдонос.

Добар апетит!

Деталите за подготовка погледнете ги во ВИДЕО РЕЦЕПТОТ на „Бабина кујна“:

Еве како да се одвикнете од грицкањето нокти

Грицкањето на ноктите е лоша и нездрава навика, една од најчестите „нервозни“ навики на луѓето. Кај многумина гризењето започнало уште во детството, но проценето е дека околу половината тинејџери стануваат „зависни“ од гризењето на ноктите. Оваа непријатна навика обично исчезнува околу 30-тата година од животот, но се смета дека е присутна и кај околу 10% од возрасните. Медицинскиот термин за ова однесување е онихофагија.

Во најголем број од случаите грицкањето на ноктите е предизвикано од стрес, срам, фрустрираност, здодевност и сл. Луѓето посегнуваат по своите нокти додека гледаат телевизија, присуствуваат на здодевна лекција, учат, зборуваат на телефон, чекаат итн.

Ова навика влијае многу негативно на здравјето затоа што преку ноктите многу бактерии се пренесуваат во устата, се зголемува ризикот за појава на инфекции (и во устата и на прстите) и се уништуваат предните заби. Освен тоа, оваа навика го уништува изгледот на ноктите, а и остава негативен впечаток. Воопшто не изгледа привлечно кога ќе здогледате некој што си ги грицка ноктите.

Но, секој што се соочил со овој проблем знае дека не е едноставно да се елиминира. Сепак, постојат одредени методи и совети кои ќе им помогнат на страсните „гризачи“ да се одвикнат од грицкањето на ноктите.

Направете ги ноктите горчливи, има многу лакови достапни на пазарот кои се неподносливо горчиливи, или намачкајте ги со луто пиперче. Потоа може да пробате со мастика. Џвакајте постојано мастика за да не ги ставате рацете во уста.

Но најуспешен метод за одвикнување од оваа лоша навика е да отидете во салон и да си направите маникир со гел лак на вашите нокти или надградба на ноктите. Нашите пријатели од Spectra Nail Bar (телефон за закажување 078 873 703) ќе ви помогнат грицкањето нокти да ви остане само како сеќавање за една лоша навика.

Популарно