Видео: Атиџе очекува Оскар

Во очекување и надеж дека ќе зачекори на црвениот килим, Атиџе си го живее својот стар живот, во, како што вели, медената земја и нејзиното село Бекирлија. „Очекувам да добиеме ‘Оскар’, се надевам дека и јас ќе прошетам на црвениот тепих. Ако не ме земат, пак ќе ме викаат да одам таму.

Мислам дека ќе земеме, тие ми викаат  тешко, има пред нас други, но мислам ќе победиме, некоја сила ме тера, ми кажува; А на радио кога слушнав за двете награди, знам дека едната оди кај нас“, вели Атиџе

За неа е голема радост што од селото, каде што е сама, од неодамна со братот стигнала да го види светот, но вели дека не сака да заборави која е и од каде е.„Никогаш нема да се откажам од пчелите, по нив секогаш ќе трчам и ќе се грижам за нив. Ништо нема да го смени тоа“, вели Атиџе во разговорот за „А1он“. По овој филм, најмногу вели дека се радува што почнале да доаѓаат луѓе во селото

 Атиџе ги чека Оскарите: Многу сум радосна, мала држава ама му покажавме на цел свет дека можеме"

Медена земја’ сум насмеана и весела зашто доаѓаат луѓе, се радувам што има луѓе. Многу сум радосна, многу ми се смени животот, му покажавме на целиот свет кои сме, тоа ми е битно. Сиромашна и мала држава, јас сум уште посиромашна, но му покажавме на светот“, раскажува Атиџе за своите импресии.

Јас не се радувам на богатството, туку на луѓето и здравјето, човек има и тешки и лесни денови, вели Атиџе

Не помислив никогаш дека ќе бидам на филм, но имав мерак да се прошетам, да пеам, како дете уште сакав да видам како се прави тоа на филмовите. Сите викаат лесно е да правиш документарен филм, мене не ми беше ни лесно ни тешко. Првин ми беше и страв и срам пред камерите, да не направам нешто погрешно. Еден месец не знаев што снимаме, дали филм дали нешто друго“, вели Атиџе

Извор: А1он

Коби Брајант кандидат за влез во кошаркарската Куќа на славни

Трагично починатиот НБА кошаркар Коби Брајант е еден од осумте кандидати за влез во кошаркарската Куќа на славните. Коби Брајант се најде на конечната листа со предлози што е обелоденета за време на Ол стар викендот во Чикаго.

Брајант освои пет шампионски прстени во кариерата и 18 пати учествуваше во Ол стар викендите. Покрај него, за Куќата на славни се номинирани и Тим Данкан, Кевин Гарнет и Тамика Кечингс од женската НБА лига.

Останатите четворица се Ким Малки, тренер на женската колеџ екипа Бејлор, Руди Томљановиќ, Барбара Стивенс и Еди Сатон.

За влез во Куќата на славни се потребни 18 гласа од Комисијата со 24 члена. Резултатите ќе бидат објавени на 4 април додека во Куќата на славни во Спрингфилд е закажана за 28 и 30 август.

Продолжува бесплатниот превоз за студентите

На 9-тата седница на Владата донесени се повеќе одлуки за да се обезбеди континуитет на програмите и работата на институциите по распишувањето на изборите.

На истата седница усвоена е одлуката за одобрување средства од Буџетот на Министерството за образование и наука за 2020 година, наменети за субвенционирање на бесплатниот градски превоз за редовните студенти на државните универзитети, соопшти Владата

На синоќешната седница е усвоена и Предлог – програмата за изменување на Програмата за изградба и реконструкција на спортски објекти за 2020 година, за да се задржи континуитетот на процесите за изградба на нови и реконструкција на постоечките спортски објекти во повеќе општини како Охрид, Куманово, Липково,...

За да го обезбеди редовното и непречено функционирање на студиските програми за 2020 година на Православниот Богословски факултет „Св. Климент Охридски" – Скопје, придружна членка на Универзитет „Св. Кирил и Методиј" – Скопје, на Универзитетот на Југоисточна Европа во Тетово, и на Факултет за Исламски науки – Скопје, Владата донесе одлука за одобрување средства кои на овие високообразовни институции им се одобруваат квартално.

Пајак службата „руши рекорди“

Вкупно 222 возила биле собрани од страна на „пајаците’’ на Градскиот паркинг во текот на изминатава недела од јавните површини во Скопје. Од ова претпријатие информираат дека од вкупниот број непрописно паркирани и подигнати возила, 38 се отстранети од зонските паркиралишта, а преостанатите 184 возила по налог на сообраќајната полиција по основ на сторени прекршоци.

Возилата најчесто биле непрописно паркирани на коловоз, велосипедска патека, пешачки премин ,тротоар,зелена површина, спротивно на сообраќаните знаци…

Контролорите на зонските паркиралишта во истиот период санкционирале вкупно 359 возила, поради нерегулирано паркирање- односно за неплатена паркинг услуга.  Од нив 38 возила се отстранети со пајак службата, поради пречекорување на дозволеното време на задржување на паркиралиштето.

Градот Скопје и јавното претпријатие „Градски паркинг“ апелираат до граѓаните да го чуваат зеленилото и другите јавни површини, а своите возила да ги паркираат исклучиво на означените паркиралишта.

Не е познато дали до Град Скопје стигнуваат апелите од скопјани дека паркирањето е прескапо и дека паркинзите се недоволно одржувани.

Останува секако дилемата дали има доволен број на паркинг места во Скопје, земајќи ја во предвид неконтролираната урбанизација на централното градско подрачје изминативе години, и недоволен број на паркинг простор за граѓаните.  Исто така треба да се  земе во предвид дека се  даваат дозволи за стопансисување на  разни угостителски и трговски објекти без уреден  паркинг простор за посетителите.

Очигледно не  е решение само пајак службата.

Популарно