Доживеал ли принцот Хари нервен слом па завршил кај психијатар - Меган е причинта

Принцот Хари и Меган Маркл со својата одлука да ги остават кралските должности што им се наметнати од нивниот статус во британското кралско семејство, го шокираа светот, а сега светските медиуми пишуваат дека притисокот го предизвикала исклучиво Меган, што му предизвикало на Хари нервен слом.

"Принцот, едноставно, веќе не можеше да следи колку лошо неговата сопруга се справува со улогата на аристократ. Тој се плашеше дека Меган ќе го напушти и ќе го земе со себе нивниот син Арчи. Сите овие околности го зедоа својот данок, и во еден момент тој "пукна“, поради што одеше на терапија со недели кај психијатар кој го посетуваше во вилата каде престојуваше во Канада во изминатите Божиќни празници“, открил извор, велејќи дека Меган лесно го искористила тоа, убедувајќи го дека е најдобро за сите тие да се откажат од своите должности и да одат по свој пат.

Мексикaнската „Групо модело“ привремено ќе престане да го произведува пивото „корона“

Мексикaнската „Групо модело“ соопшти во четвртокот дека привремено ќе престане да го произведува пивото „корона“ и други брендови извезувани во 180 земји, откако нејзините деловни активности беа прогласени за несуштински според владината наредба насочена кон спречување на ширењето на корона вирусот.

Мексиканската влада оваа недела прогласи здравствена вонредна состојба и нареди прекинување на несуштинските активности откако бројот на случаи на коронавирус во земјата надмина 1.000. Во четвртокот имаше 1.510 случаи и 50 починати.

Пиварницата во изјавата рече дека суспензијата ќе започне во сила од недела и дека веќе била во процес на намалување на производството до ниво на кое би можело да се продолжи откако ќе се укине суспензијата.

29 проценти од корисници на апликацијата пријавиле барем еден симптом преку таа апликација

Губењето на осетот за мирис и вкус можеби е најдобриот начин да знаете дали страдате од коронавирус, се вели во анализата на податоците собрани од интернет-апликацијата за следење на пандемијата на коронавирус каде што корисниците ги пријавуваат симптомите, изработена од британски и американски научници.

Скоро 60 проценти од корисниците, за кои подоцна беше потврдено дека страдаат од коронавирус Ковид-19, пријавиле губење на мирис и вкус на таа апликација, покажа анализата. Ова е споредено со 18 проценти од оние кои пријавиле исти симптоми и кои биле негативни на коронавирус.

Од 1,5 милион корисници на апликацијата од 24 до 29 март, 29,26 проценти пријавиле барем еден симптом преку таа апликација.

1702 пријавиле дека се тестирани за Ковид-19, а кај 579 лица болеста била потврдена, додека кај преостанатите 1123 не била потврдена болеста.

Со помош на собраните податоци, тим научници развија математички модел за да идентификуваат која комбинација на симптоми од губење на мирис и вкус, треска, постојана кашлица, замор, дијареја, болка во стомакот до губење на апетитот – е најточен показател за Ковид-19.

„Според нашите податоци, луѓето кои, во комбинација со други симптоми, пријавиле и губење на мирис и вкус, се чини дека имаат три пати поголеми шанси да страдаат од „Ковид-19“ и затоа треба седум дена да се самоизолираат за да го намалат ширењето на инфекцијата“, вели водителот на истражувањето, професорот Тим Спектор од Кинг Колеџот во Лондон.

Тимот на Спектор го применил откритието на повеќе од 400.000 луѓе кои пријавиле симптоми на апликацијата и сè уште не биле тестирани на „Ковид-19“ и откри дека речиси 13 проценти од нив веројатно ќе бидат заразени.

Тоа би сугерирало дека околу 50.000 Британци може да имаат непотврден Ковид-19, вели Спектор.

Австриските обвинители истражуваат дали задоцнетата реакција на локалните власти придонеле за ширењето на епидемијата во Ишгл

Од 600 до 1200 лица од неколку различни земји се заразиле со коронавирусот во австрискиот скијачки центар Ишгл, објавија експертите, истовремено критикувајќи ги локалните власти за задоцнетото затворање на скијалиштето.

Австриската здравствена агенција “AGES” објави податоци за ширењето на коронавирусот на подрачјето на Ишгл и во околната долина Пазнаун, при што ги обвинија регионалните власти дека одолговлекувале со затворање на скијачкиот центар.

Првото лице, австриска келнерка од Тирол се заболела на 8-ми февруари во долината Пазнаун во покраината Тирол, но со оглед на тоа што нејзините симптоми биле благи, не било спроведено тестирање до почетокот на март, открија од “AGES”.

Двајца Норвежани кои студирале во Италија исто така го „донеле“ вирусот во Тирол каде што дошле на скијање.

Со околу 600 случаи на заразени со коронавирус во Австрија поврзани со долината Пазнаун, најмалку иста бројка, ако не и двојно поголема има заразени граѓани на други земји. Ова го изјави челникот на одделот за јавно здравство при “AGES”, Франц Алербергер на новинска конференција.

Петер Колба, активист за заштита на потрошувачи изјави дека добил информации од приближно 2,200 туристи кои биле позитивни на коронавирусот веднаш после нивниот одмор во долината Пазнаун.

Многу од овие туристи, кои се согласиле на поднесување на колективна тужба се од Германија, Швајцарија, Велика Британија, Холандија и нордиските земји, што значи дека тие откако се вратиле дома во првите недели продолжиле да го шират вирусот.

Австриските обвинители сега истражуваат дали задоцнетата реакција на локалните власти придонеле за ширењето на епидемијата во Ишгл. Тиролската покраинска влада соопшти дека ги затвориле сите скијачки центри откако бил потврден првиот случај на коронавирус на почетокот на март.

Популарно