Фото: Дамјан Стојановски си ја донесе младата невеста!

Весел настан! Дамјан и неговата свршеничка Елена своето “да“, официјално го кажале во најтесен круг на семејството…

-Дамјан и Елена официјално кажаа ДА за љубовта и за заедничкиот живот. „Ми се зголемува семејството, ми се полни куќата со радост, младост, среќа… Да се среќни и вечни!“ – вака на својот ФБ, јавно пред сите, радосна и весела мама Евица Камберова-Стојановска означи дека нејзиниот син Дамјан ја побарал својата девојка Елена Билеска за сопруга.

Инаку, Дамјан Стојаноски во нашата јавност е познат како син на нашата музичка легенда Војо Стојановски, кој за жал почина, а тогаш Дамјан имаше одвај 18 години. Дамјан продолжи сложно да живее со мама Евица (по професија новинарка, наша новинаркаво “Вечер”) која на синот, како што впрочем беше и тато Војо, остана да му биде и прекрасен родител.

Дамјан, кој го наследи талентот, и понатаму се занимава со музиката и тоа токму онаа истата – изворна народна македонска, преку која го препознававме и Војо Стојановски.

Дамјан и неговата свршеничка Елена своето “да“, официјално го кажале во најтесен круг на семејството, а нивната љубов ќе биде наскоро крунисана и со голема свадбена веселба со многу пријатели, роднини, колеги… И сè е скоро исто како во оној голем популарен хит кој го испеа големиот (тато) Војо… “Ти донесов млада невеста, јас ја сакам од срце, деца мајко да ми изроди, родот да ми продолжи…“ На ФБ веднаш се изредија многу, многу честитки со желби за среќен, долговечен брак, а на мама Евица пријателите, колегите и роднините ѝ посакале да има многу внучиња

Документарниот филм за актерката Анче Џамбазова – онлајн премиера во сабота

НУ Театар Комедија заедно со Општина Аеродром го реализираат во континуитет Фестивалот на комедијата ,,Гола месечина“. На последното издание на Фестивалот (септември 2019) за прв пат беше воведена и наградата за животно дело ,,Анче Џамбазова“, во чест на една од најголемите наши актерки, која важеше и за мајстор на комедијата.

Управата на театарот и Општина Аеродром, донесоа одлука да биде снимен и документарен филм за Анче Џамбазова, кој имаше своја премиера во рамките на ,,Гола месечина 2019“.

Градоначалникот Златко Марин и директорот на Театар Комедија, по одржаниот работен состанок преку видео врска, одлучија документарниот филм за Џамбазова да биде прикажан и пред пошироката јавност, односно да биде емитуван онлајн на 4 април, сабота, со почеток во 20 часот на You Tube каналот на кој се емитуваат претставите на Театар Комедија.

Филмот е финансиски поддржан од средствата наменети за одржување на Фестивалот (од страна на Општина Аеродром, предводена од градоначалникот Златко Марин). Режисер на документарниот филм е Миле Гроздановски, а сценарист и асистент на режија е Гоце Трајковски.

извор: Makfax

Видео: Трагедија-тие добија јадење после три дена

Поради изолацијата заради спречување на ширењето на корона вирусот голем број на сиромашни работници во Индија останаа „заглевени“ и не можат да се вратат во своите домови.За жал дел од нив поради немање на пари гладуваат, на ова видео ќе ја видите нивната реакција кога надлежните им обезбедуваат храна после три дена гладување.

Популарно