400 денари за ноќевање во домот „Гоце Делчев“

Дарио Николовски, директорот на Државниот студентски центар за „Мета.мк“ рече дека планира да го стави овој дом на booking.com, за да може секој, посебно во летните месеци кога собите се празни, да си изнајми соба. Едно ноќевање вели, ќе чини 400 денари.

– Во однос на храната, има значително подобрување и во однос на квалитет и на разновиност. За храна и за сместување студентот плаќа 3.400 денари месечно, а условите за живот овде се достоинствени и најдобри досега – вели Николовски. 

Мини кујна, нови кревети и душеци, нови плакари, нови прозорци и врати, опремени заеднички простории за одмор. Сето ова го има во сите четири згради-блокови кои го сочинуваат студентскиот дом „Гоце Делчев“, изграден по катастрофалниот земјотрес, а пуштен во употреба пред точно половина век, во 1970 година. Во меѓувреме, никогаш од изградбата не беа направени потемелни реконструкции на објектите кои им биле дом на илјадници станари кои живееле овде во текот на студиите.

Просторот околу домот во моментов партерно се уредува, а она што е непроменето е студентската менза. Студентите со кои поразговаравме велат дека се задоволни од подобрените услови за живот во домот.

– Студент сум во четврта година. Сум живеел во неколку студентски домови, можам да кажам дека овде е најдобро досега, бидејќи се е ново. Ми имаат раскажувано дека во минатото родителите на своја иницијатива и со свои пари им ги средувале собите на нивните деца-студенти, бидејќи биле многу лоши условите за живот. Сега не е така. Само уште да знаеме да го сочуваме ова што го имаме, да не го уништуваме инвентарот – вели Горан М.

Во студентската менза сѐ како да е застанато во времето, бидејќи објектот не е реновиран откако е изграден. Но, храната што се приготвува е поквалитетна и побогата во споредба со претходно, барем така велат студентите. На мени за појадок денеска имаа да избираат – пржени и варени јајца, путер, зденка, кашкавал, јајца со виршли, сирење, паштети, јогурт, млеко…

Во минатото, студентите-станари во студентскиот дом „Гоце Делчев“ спиеја на скапани мандраци, во соби со прозорци што не дихтуваа, а мебелот беше стар и мувлосан. Тоалетите беа во ужасна состојба, студентите многу често немаа топла вода за да се искапат, ниту парно за да се згреат. Родителите на студентите, со одобрение на управата, многу често со свои пари варосуваа во собите, набавуваа мебел и покуќнина, за да можат нивните деца да имаат достоинствени услови за живот во текот на студиите во главниот град.

Доколку продолжи коронакризата би можело да се јави недостиг од презервативи

Најголемиот светски производител на презервативи, малезиската компанија „Karex Bhd“, предупреди за глобален недостиг на овој производ, откако блокадата поради новиот коронавирус го принуди да запре со производството.

Во последните десет дена компанијата нема произведено ниту еден презерватив во трите малезиски фабрики.

Тоа е веќе недостиг од 100 милиони кондоми кои обично се продаваат на меѓународно ниво со брендови како „Дурекс“, доставени до државни здравствени системи, како што е британскиот NHS, или дистрибуирани преку програми за помош, како што е Фондот за население на ОН.

– Ќе бидеме сведоци на широко распространет глобален недостиг на презервативи, што ќе биде застрашувачки. Тоа нема да трае само две недели или еден месец. Овој недостиг може да биде со месеци, изјави Го Миа Киат, извршен директор на компанијата.

Малезија е најпогодената земја во Југоисточна Азија, со 2.161 заразени лица и 26 смртни случаи од коронавирусот. Предвидено е блокадата во земјата да трае најмалку до 14 април.

Други големи земји, кои произведуваат презервативи, се Кина, каде новиот коронавирус передизвика затворање на фабрики, и Индија и Тајланд, кои неодамна соопштија за заразени случаи со Ковид-19.

Погледнете колку тоалетна хартија е потребна за карантин

Додека епидемиолозите и лекарите ширум светот се прашуваат зошто луѓето во последните недели купуваат неверојатни количини тоалетна хартија, граѓаните продолжуваат да купуваат. И да се прашаат – колку навистина тоалетната хартија ни е потребна?

Празните рафтови во супермаркетите ширум светот покажуваат дека сѐ уште преовладува идејата дека не е доволно.

За тие кои се прашуваат дали се исплати да се отиде уште еднаш или пет пати во набавка, интернет страницата howmuchtoiletpapper.com може да понуди одговор.

На оваа страница се наоѓа алат кој смета колку време ќе ви траат залихите за време на карантинот. Од вас се очекува да внесете колку ролни тоалетна хартија имате, како и колку пати дневно го посетувате тоалетот, како и уште неколку „попрецизни“ детали.

Авторите велат дека повеќе од два милиони луѓе веќе ја посетиле страницата како и оти просечниот корисник има неверојатни 500 отсто повеќе тоалетна хартија отколку што му е потребн за карантин.

Баба Ванѓа го предвидела Корона вирусот!

За познатата слепа „претскажувачка“ Баба Ванѓа, деновиве се пренесува дека го предвидела избувнувањето на КОВИД-19 „пред години“ од еден посетител, кој тврди дека постарата жена ја предупредила „Короната ќе биде над нас“.

Нешка Стефанова Робева (73), која тренираше неколку бугарски ритмички гимнастичари за да станат светски шампиони, вели дека  Баба Ванга (баба Ванга) го предвидела коронавирусот кога ја посетила пред нејзината смрт во 1996 година на 84-годишна возраст.

Робева објави на социјалните мрежи, пишувајќи: „Овој вирус дојде и кај нас“.

Таа додава: „Баба Ванѓа предвидуваше кога ја посетив пред неколку години:„ Нешка, Короната ќе биде над сите нас. “Не сфатив што значеа тие зборови тогаш“.

Целиот текст прочитајте го со клик ТУКА

Популарно