Експерт открил поради што сапунот и водата се најдобра превенција

Вирологот Џон Вилијамс, шеф на одделението за педијатрија и инфектолошки болести на Универзитетот во Питсбург открил како правилно да ги миете рацете и зошто е тоа важно. Тој изјавил дека постојат 4 коронавируси кои циркулираат во човечкото тело регуларно, секоја година.

„Главно се причина за настинка, всушност три вида се вообичаени во случај на настинка кои не се смртоносни за луѓето“, рекол Џон Вилијамс. Под микроскоп коронавирусот има бодликави креви како круни. Под бодликавиот дел на површината се наошаат липиди, односно мастите.

„Обидете се да исчистите путер од сад само со вода, но тој нема да се извади. Потребна ви е сапуница да ја разгради маста. Сапунот и алкохолот се многу ефективни во разградување на мастите кои го облоѓуват вирусот. На тој начин вирусот станува неактивен така што не може да се врзе со ќелиите на организмот на човекот“ објаснил Вилијамс.

При миењето раце важно е да се тријат затоа што на тој наин се прави повеќе сапуница и после 20 секунди им оневозможува на бактериите и вирусите да се лепат за површините. Вирологот вели дека миењето раце со студена вода не е проблем, но дека поефикасна е топлата. Дезинфекциските средства на база на алкохол се ефективни само ако се употребуваат правилно. Таквите средства треба да содржат најмалку 60 отсто алкохол во себе, затоа што тој го убива вирусот.

„Важно е да земете доволно дезинфекциско средство за да биде покриена целата шака, задолжително да го протриете препаратот меѓу прстите. Хемиски, алкохолот ја разбива мембраната на бактериите и вирусите. Алкохолот е одличен за уништување бактерии, но не може да ги измие работите. Ако некој кивнал во шака, ќе мора да земе многу повеќе средство за бактериите и вирусите да не бидат активни. Кога се рацете во прашање подобар избор за сапунот и топлата вода“, заклучил вирологот.

Повторно изведена мултиорганска трансплантација: Пациенти добија срце, црн дроб и бубрези

Четворица пациенти добија органи од починат донор. Министерството за здравство соопшти дека вчера е направена уште една мултиорганска трансплантација на органи, а еден пациент добил срце, други црн дроб, а двајца пациенти добиле бубрези.

Во наредните денови пациенти на Универзитетската клиника за ортопедија ќе имаат шанса да добијат и коскени ткива.

Министерот Демири му се заблагодари на семејството на донорот кои спасија најмалку четири животи.

„По добиената согласност во вторникот, вчера во раните утрински часови започнаа трансплантациите на срце, црн дроб, бубрези и коскени ткива. Упатувам огромна благодарност до семејството на донорот кои повторно не потсетија на важноста, на емпатијата и на хуманоста и во најтешките моменти од животот. Нивната одлука денес значи нов живот за некого, од вчера спасуваме најмалку 4 животи. Дарувањето органи е највисокиот чин на алтруизам кои сите нас не прави подобри луѓе спасувајќи човечки животи. Голема благодарност и до сите медицински тимови кои овие 48 часа работат со пациентите и се грижат за нивното здравје“, истакнува Демири.

Од 2020 година досега трансплантирани се 11 срца, 4 црни дроба, 38 бубрези и 24 коскено ткива, вкупно 77 органи што живот значат.

По Македонија и Хрватска чоколадата „Милка Орео“ повлечена и од БиХ

Инспекторатот за храна при Сојузната управа за инспекциски работи во Босна и Херцеговина денеска повлече од продажба 33 парчиња чоколада „Милка Орео“ поради присуство на пластика.

Управата соопшти дека откако Агенцијата за безбедност на храна на Босна и Херцеговина известила за пластични парчиња во 37 грама млечно чоколадо „Милка Орео“ со рок на траење до 18 август, инспекторите за храна извршиле контроли.

Федералната агенција за инспекција на храна најави дека ќе ги преземе сите законски мерки против одговорните.

Производот претходно беше повлечен и од Македонија и Хрватска.

Македонската Агенција за храна, минатата недела информира дека од продавниците се повлекува чоколада „милка орео“ од 37 грама поради присуство на парчиња пластика.

Производот е со сериски број OSK0934652 и со рок на употреба до 18 август 2024 година.

Чоколадата е произведена во „Монделез Полска продакшн“, а увозник е операторот со храна „ТД Нелт“

Колку килограми можете безбедно и здраво да изгубите за еден месец?

Заедничка желба на повеќе луѓе кои се на диета е брзо да ослабат. Сепак, колку е безбедно да се отфрлат несаканите килограми премногу брзо?

Безбедно и здраво слабеење значи губење на половина килограм до килограм секоја недела, што е еднакво на два до четири килограми месечно.

Можно е да изгубите повеќе килограми од ова во првиот месец на здрав начин, особено ако некој има прекумерна тежина.

Поединци кои губат 10 килограми во првиот месец или губат тежина премногу брзо, исто така се изложени на ризик од губење на вода или мускулно ткиво.

Друга причина зошто луѓето имаат тенденција брзо да губат тежина е ако се на ненамерна диета, која не е здрава или лесно да се држи долгорочно. Овие лица на крајот повторно ја добиваат тежината кога повеќе не можат да следат толку строга диета.

Кога станува збор за успешно долгорочно слабеење, важно е да се фокусирате на стабилизирање на шеќерот во крвта секој пат кога јадете, без разлика дали тоа е оброк или ужина. Ова ќе ви помогне да избегнете енергетски несреќи што може да доведат до нездрава желба за рафинирани јаглехидрати и шеќер.

Популарно