Нивниот шарм е неодолив и заразен, а тие се едни од најљубезните луѓе кои ќе ги запознаете. Имаат одлично око за убавина и естетика и не губат време, бидејќи секогаш се посветени на своите цели.
Накратко, ова се некои од карактеристиките на луѓето родени во првиот месец од есента.
Љубезни и дипломатични
Родените во септември се љубезни личности кои знаат што е емпатија и кои се одлични другари и партнери. Поради својот директен пристап, но и грижа за другите, тие најчесто се најдобри адвокати и наставници.
Шармантни и неодоливи
Луѓето родени во овој месец се одлични со зборовите, убедливи се и директни. Тие вешто ги користат триковите на дипломатијата и јавното говорење и се многу убедливи. Ако познавате некого кој е роден во септември, тогаш веќе ви е познато колку се тие шармантни и неодоливи.
Грижливи и посветени
Луѓето родени во овој месец често многу размислуваат и тоа на различни теми. Но, во односот со другите луѓе, тие се многу грижливи, посветени и лојални. Често размислуваат премногу и сакаат да помогнат насекаде, па делуваат изгубено во своите мисли. Тешко е да го смирите својот ум, но тоа е бидејќи во него ги носат и туѓите проблеми.
Перфекционисти кои го преферираат својот начин
Луѓето родени во септември се перфекционисти кои веруваат дека нивниот начин е најдобриот начин и поради тоа сакаат да водат или пак да работат сами.
Не сакаат да губат време со луѓе кои се мрзеливи или пак кои не целат кон успех во животот. Кога се вложуваат се вложуваат со целото срце.
Ја обожаваат храната
Често сакаат да готват за другите и да се социјализираат на тој начин или пак да се поврзат со другите личности на нов начин преку храната. За нив, добрата храна е дел од хедонизмот и важен аспект од нашето живеење.
