Советник на Заев го пцуел Дурловски на семафори

Кандидатот за пратеник на ВМРО-ДПМНЕ, Игор Дурловски, објави на Фејсбук дека денеска околу 12 часот бил вербално нападнат од советник на експремиерот Зоран Заев. Тој вели дека инцидентот веднаш го пријавил во полициска станица и дека очекува да биде покрената соодветна постапка.

„После бројни напади во изминатиот период за кои не сум проговорил, одлучив јавно да објавам за денешниот кој беше сериозна и директна закана за мојата безбедност и личен интегритет. Инцидентот е пријавен во полициска станица по што очекувам да биде покренета соодветна постапка. Сакам јавно да го прашам г-динот Заев, дали му е навика во вакви насилни методи на заканување да ги злоупотребува неговите советници за заплашување на опозиционите кандидати во изборниот процес? Или можеби овие негови советници, кои земаат државна плата од владата, му се целосно вон контрола? Наскоро ќе ги информирам и претставниците на меѓународната заедница. Нападите ги гледам како обид за заплашување кон мене и атак против слободата на мојот избор да го бранам македонското во сопствената татковина“, напиша Дурловски на Фејсбук.

Министерството за внатрешни работи (МВР) го потврдило случајот за порталот „Република“.

„На 02.06.2020 година во 12.50 час во ПС, лицето Игор Дурловски со пријава дека на 02.06.2020 година околу 11.14.часот на ул.11-ти Октомври на семафорите правец кон Центар, додека бил престроен на средна лева лента со неговото возило, на левата лента било престроено возило БМВ црна боја со бугарски ознаки, при што возачот Ф.А. го отворил прозорецот и му се обратил со зборовите: ‘Ќе лежиш сто години затвор‘, при што истиот продолжил право и продолжил да вози паралелно со пријавиелот по што повторно со возилото застанал на семафорите на крстосницата помеѓу ул.11-ти Октомври со ул.Филип Втори Македонски. Пријавителот го прашал да му повтори и истиот повторно му повторил дека треба да лежи сто години затвор и почнал да го навредува со погрдни зборови и пцовки. Откако се запалило зеленото светло на семафорот пријавителот тргнал со возилото и истите го одминале и возеле пред него каде на ул.Димитрие Чуповски со ул. Васил Главинов свртеле десно и повторно застанале на семафорите на крстосницата помеѓу бул, Партизански Одреди со бул.ВМРО. Откако се вклучило зелено светло истите пробале да го удрат со возилото Дурловски, према бул.Илинден и на ул.Аминта Трети свртеле десно кон Градскиот стадион. Пријавителот укажа дека бил цел на вербален напад, закани и загрозување на неговата лична сигурност и спречување на слободното движење“, соопштиле од МВР за „Република“.

(Видео) Закрепнува пациентот на кој му беше трансплантирано срце

Сам во болничка соба под постојан надзор на медицински лица...Иван Огњановски го живее својот втор живот. Овој 54-годишен скопјанец е првиот пациент што доби срце од починат донор. Во градите на Иван повеќе од 40 дена чука срцето на Емилија Динева, чие семејство и покрај големата загуба одлучи да спасИ човечки живот. Секој ден на ехо ги слуша отчукувањата.

 -Тоа го гледам скоро секој ден..На ехо ме ставаат слушам дека не е пластика или некоја играчка, вели Иван Огњановски.

Единствен спас за Иван била трансплантација на срце. Пред да биде изведена оваа сложена интервенција, му се слошило и се разбудил во болница. Знаел дека е прв пациент на кого ќе работи бројниот медицински тим, но му верувал на кардиохирургот Јовев дека ќе успеат.

-Др. Јовев ме предупреди..нема мрдање нигде, денес ќе го добиеш срцето. Беше решен дека ова ќе успее, вели Иван.

-За моментот кога се разбуди, кога свати дека операцијата завршила?

Да ви кажам уште не бев свесен дека сум опериран. Малку потешко, кога почнав да ги правам првите чекори видов дека тоа било тешка операција, не дамо легни стани и оди си, вели Иван.

На кардиохирургија Иван вели дека се чуствува безбеден, сигурен и како да е дома.

-Има три сестри, Маријана, Елена и Бојана тие се 24 часа со мене, се менуваат...вели Иван.

Иван има една голема желба кога ќе излезе од болница.

Благодарност на семејството Диневи. Кога ќе оздравам сакам да се запознаам со нив. Јас сум член на нивното семејство.

Хируршката интервенција почна на 22 мај ноќта...заврши на 23 во раните утрински часови...Во кардиохирургија беа собрани и државно и приватно здравство. Околу 200 лица учествуваа во процесот со кој ја испишаа историјата во македонското здравство а сите претходни подготовки ги направи тимот на националниот координатор за трансплантација каде се 5 жени.

 -Ние знаевме но требаше и да покажеме. Се помина добро, тој сега е добар, ќе го пуштиме дома но ќе мора да ја зема терапијата, ќе го следиме постојано, вели проф. Др. Сашко Јовев директор на Клиника за државна кардиохирургија.

Преку примерот на Огњановски, кардиохирурзите сакаат да ја подигнат свеста за органодаритерлството во нашата земја.

-По повеќе од 40 дена поминати на клиника, наредната недела Иван огњановски ќе ја напушти државната кардиохирургија и ќе си замине дома во добра здравствена состојба.

Иван го оставивме во болничката соба со број 1, каде вели дека е безбеден и опкружен со медицинскиот персонал.

Довидување да сме живи и здрави...

Извор: Сител

Денес се регистрирани 147 новозаразени од Ковид-19 во земјава

Во последните 24 часа се направени 1296 тестирања, а регистрирани се 147 нови случаи на ковид-19.

- Скопје 64

- Куманово 8

- Штип 6

- Прилеп 3

- Тетово 16

- Струга 7

- Велес 5

- Битола 4

- Охрид 5

- Гостивар 9

- Струмица 1

- Крива Паланка 1

- Кочани 1

- Пробиштип 1

- Кратово-1

- Свети Николе 7

- Кичево 4

- Ресен 4

Починати се 6 лица, тројца пациенти од Скопје, еден од Куманово, еден пациент од Штип и еден од Берово.

Денеска Институтот за јавно здравје регистрира 111 оздравени пациенти.

- Скопје 56

- Штип 7

- Тетово 36

- Велес 2

- Битола 3

- Гостивар 1

- Гевгелија 2

- Струмица 1

- Свети Николе 1

- Ресен 2

Досега во земјата се направени вкупно 66.133 тестирања на ковид -19. Денеска нема тестирања во рамките на скринингот.

Вкупната бројка на ковид дијагностицирани во нашата земја од почетокот на епидемијата изнесува 6932, бројката на оздравени пациенти е 2987, на починати е 334, а во моментов бројот на активни случаи во земјата изнесува 3611.

Кочанчанец кој не носел маска исте*ал вработен во маркет бидејќи бил предупреден да излезе

Надворешната канцеларија за криминалистички работи Кочани поднесе кривична пријава против В.Ѓ. (32) од Кочани, поради постоење основи на сомнение за сторено кривично дело „насилство“.

Како што соопшти МВР, на 28.04.2020 пријавениот влегол во маркет каде од вработената му било укажано дека треба да носи заштитна маска. Тој почнал да ѝ упатува закани, а кога другиот вработен В.С. му рекол да го напушти маркетот, В.Ѓ. физички го нападнал, користејќи и тврд предмет.

Популарно