Стојанче Ангелов со поддршка до Зоран Заев по објавената „бомба“

Лидерот на „Достоинство“;Стојанче Ангелов, упати поддршка до претседателот на СДСМ, Зоран Заев, по вчерашната „бомба“ во која тој вели „мамето ќе им го е,,м, сите што ќе влезат кај мене во коалиција“, за што потоа во текот на вчерашниот ден изрази каење.

Ангелов вели дека како негов коалиционен партнер до сега не бил изигран од Заев, туку напротив тој иницирал соработка на која инсистирал уште во времето кога не можеше да го добие мандатот за да формира Влада.

„Иако тоа не го баравме од него, лидерот на СДСМ Зоран Заев си остана на зборот. Во периодот пред и веднаш после формирањето на Влада лично тој не' контактираше нас тројцата претседатели на партиите од коалицијата “ВМРО за Македонија“. Во разговорите договоривме различни позиции за претставници на нашата коалиција. Јас влегов во МВР како државен советник во тимот на министерот Оливер Спасовски генералниот секретар на Достоинство стана советник на Премиерот, пензионираниот армиски полковник Благоја Марковски стана советник на Министерот за одбрана, итн. Како Достоинство успеавме да помогнеме при вработувањето во МВР или АРМ на десетина деца на загинати, ранети или други бранители. Добивме и неколку општински советници во локалната власт. Едноставно, можам да се пофалам дека во овие три години имавме солидна соработка со сите нивоа на власт, почнувајки од локалната, преку централната па се до Претседателот на Владата и Претседателот на Државата.

Верувам дека, за разлика од времето кога владата предводена од ВМРО ДПМНЕ и Никола Груевски крајно негаторски се однесуваа кон нас, македонските бранители, нашата добра соработка со владата предводена од СДСМ и Зоран Заев ќе продолжи понатаму. Не само што ќе продолжи туку верувам дека во следниот 4 годишен мандат, нашата соработка со СДСМ и Зоран Заев уште повеќе ќе се продлабочи“, напиша Ангелов во дел од својот пост на Фејсбук.

Заев за вчерашната аудио-снимка вели дека рече дека лошо се изразил во разговорот од 2016 година.

„Но, наспроти тие неколку несоодветни зборови, во изминативе три години стојат на виделина сите добри односи, почит и достојна соработка со сите наши коалициони партнери. Низ конкретни дела секој ден градам човечки и пријателски односи со сите мои партнери и соработници, затоа нашата коалиција постојано расте, затоа нашето мнозинство победува“, објави вчера Заев.

(Видео) Обраќање на претседателот на МОРО - Работничка партија Горан Зафировски

Даночната политика и условите со отворање и функционирање на фирмите ке бидат во функција на остварување на поголеми плати на работникот. Фирмите ке бидат ослободени од сите скриени давачки освен од данок на државата и платата на работникот.

Ќе изгласаме закон за синдикално организирање, закон за најмала загарантирана исплатена саатнина и мерки кои се неопходни за остварување на вистинска вредност на трудот на работникот. Никој не смее да му должи на работникот.

MЗ: Утврдени нови 163 позитивни на Ковид 19, починале 8 пациенти, а 230 се оздравени

Во последните 24 часа се направени 1794 тестирања, а регистрирани се 163 нови случаи на ковид-19 во:

-Скопје 87

-Куманово 7

-Дебар 2

-Штип 10

-Прилеп 3

-Тетово 16

-Струга 8

-Охрид 1

-Кавадарци 1

-Демир Хисар 1

-Гостивар 8

-Струмица 1

-Кратово 1

-Свети Николе 9

-Кичево 3

-Ресен 5

Починати се 8 лица, шест пациенти од Скопје, еден од Дебар и еден пациент од Тетово.

Денеска Институтот за јавно здравје регистрира 230 оздравени лица од:

-Скопје 126

-Куманово 31

-Штип 11

-Прилеп 1

-Тетово 45

-Велес 7

-Кавадарци 1

-Гостивар 1

-Кочани 1

-Свети Николе 2

-Ресен 2

-Неготино 2

Досега во земјата се направени вкупно 71.220 тестирања на ковид -19. Денеска нема тестирања во рамките на скринингот.

Вкупната бројка на ковид дијагностицирани во нашата земја од почетокот на епидемијата изнесува 7406, бројката на оздравени пациенти е 3554, на починати е 359, а во моментов бројот на активни случаи во земјата изнесува 3493.

Тачи: Ако Ахмети не е дел од Владата може да се случи сценариото од 2001

Лидерот на ДПА, Мендух Тачи во „Утрински брифинг“ на „Слободна ТВ“ денеска појасни дека неговата вчерашна изјава за војна доколку нема албански партнер во новата власт е ставена во лош контекст, истакнувајќи дека зборува за можните последици предизвикани од неговиот опонент Али Ахмети.

Барањето на Ахмети за премиер Албанец има директна закана, бидејќи тој е свесен дека ќе биде опозиција и последната алка му е национализмот и сака да ја направи тензијата голема. Бидејќи ако не биде тој во Влада, надевајќи се дека ќе биде прв кај Албанците, може да се случи сценариото од 2001. Мојата порака до граѓаните е граѓаните да не се вознемируваат, дека јас сум кандидат за заменик-премиер и ако седнам на тоа место, гарантирам дека Ахмети и ДУИ ќе го почитуваат гласот на граѓанинот и ќе бидат мирни како кокошки, порача Тачи.

Тој се наврати на политичката борба со поранешните претседатели Киро Глигоров и Бранко Црвенковски, и воедно рече дека политичкото искуство го научило да расчисти со предрасудите.

Јас сум имал директни политички конкуренти со кои сум се тепал со години, почнувајќи од претседателот Глигоров до премиерот Црвенковски. Од оваа дистанца многу ги ценам двајцата и сакам и мене да ме ценат така. Во мојата политичка кариера имав многу политички јаки изјави, можеби други ги толкуваа како непромислени, но успеав да одржувам мир, или сите можни конфликти да ги менаџираме со многу мали последици. Напротив, мислам дека политичките партии на Македонците му даваат значење на Ахмети и ви се молам да не се занимавате со таа глупа идеја, со која се бори за својата лична кожа – порача лидерот на ДПА.

Според него, кандидатот за премиер на ДУИ, Насер Зибери, дека подлежи на одговорност за напад врз ДПА во време кога беше заменик-премиер.

Популарно