Фолк пејачот им порача-“Под итно да се симне забраната“!!!

Во изјавата за ВЕЧЕР, Мишко Крстевски вели дека “Животот и со коронавирусот мора да продолжи, дека не смееме како свилените буби да се обвиткаме со сопствената свила за да умреме…“

Додека траеше официјален карантин поради опасниот вирус, популарниот македонски фолк пејач Мишко Крстевски го немаше долго време. Но дека е тука, по дома, во Македонија, тоа е сосема јасно.

Деновиве пред публиката (преку ФБ) се јави со новиот имиџ со кој не сме навикнати да го гледаме, па и самиот тој ги запраша фановите: “Што мислите за овој имиџ“? Фановите му одговориле дека е уметнички и дека е поубав вака со седа брадичка. Во изјавата за ВЕЧЕР/vecer.press Мишко Крстевски вели дека “Животот и со коронавирусот мора да продолжи… Економијата мора да функционира. Не смееме како свилените буби да се обвиткаме со сопствената свила за да умреме во неа. Ќе ги почитуваме пропишаните мерки и… да чекориме напред“.

Но Мишко е и многу лут поради забраните кои се уште траат во врска со настапите на музичарите во угостителски објекти. Тие од тоа живеат, а сега немаат ништо, со празни паричници се, немаат извор на приходи, па нивната егзистенција стана крајно алармантна.

-Под итно треба да се симне забраната за изведување на музичка програма во угостителските објекти.Треба да се почитуваат пропишаните мерки за однесување на гостите во угостителските објекти, а музичарите ќе си стојат на местото што ќе биде определено за нив и од таму тие не го загрозуваат здравјето на гостите.

Музичарите се дел од културниот амбиент на општеството.

Оваа моја реакција е во име на сите нас кои се занимаваме и живееме исклучиво од естрадни активности, а немаме веќе 4 месеци ни денар приходи, ни помош од државата.

Не играјте играчки со нас! Во ситуација кога не постои (не функционира) естрадно здружение, “некој” се поигрува со нас, објаснува популарниот пејач.

Да се надеваме дека неговите реакции ќе стасаат на вистинска адреса, бидејќи без песната на музичарите ресторани и кафеани не функционираат. Или како што му порачува еден негов фан “да се јаде и дома може, не мора во ресторан, но на луѓето им треба песна како душевна храна“. И, токму така!

Дуле Миќиќ

Над половина од жителите на Европа имаат прекумерна тежина, кај нас 55,7 проценти

Над половина од возрасните граѓани во земјава имаат прекумерна тежина, а „подебели“ во регионот се само Хрватите, покажува анализата на статистичкиот портал „Ландгеист“, базирана на податоци на Евростат.

Над половина од жителите на Европа имаат прекумерна тежина односно Индекс на телесна маса (БМИ) еднаков или поголем од 25. Најголем процент на возрасни луѓе со прекумерна тежина имаат Малта (62,5%), Исланд (62,0%) и Латвија (60,4%), додека најмал Италија (41,9%), Швајцарија (45,6%) и Франција (46,4%). Кај нас 55,7 проценти од возрасното население има прекумерна тежина.

Земјите со висока стапка на дебелина, пишува Ландгеист, исто така, имаат и високи стапки на луѓе со прекумерна тежина. Малта е втора земја со најголема дебелина во Европа и исто така земја со најмногу килограми во Европа. Швајцарија е земја со најмалку дебелина во Европа, но и втора земја со најмалку прекумерна тежина во Европа. Но, и неколку земји како Естонија, Финска, Исланд, Северна Македонија, Романија, Словачка и Словенија кои имаат релативно ниски стапки на дебелина, но имаат некои од највисоките проценти на луѓе со прекумерна тежина во Европа.

Од земјите во регионот само Црна Гора (48,1%) има помалку од половина од населението со прекумерна тежина, додека најголема стапка на возрасни со прекумерна тежина има Хрватска – (58,1%). Потоа следат Словенија (55,7%), Грција (54,9%), Бугарија (53,7%) и Србија (52,5%).

Најшокантен факт е веројатно дека во речиси секоја земја во Европа, повеќе од половина од сите возрасни луѓе се со прекумерна тежина. Во Малта (62,5%), Исланд (62,0%) и Латвија (60,4%) е дури над 60%. Единствените европски земји каде помалку од 50% од населението е со прекумерна тежина се Италија (41,9%), Швајцарија (45,6%), Франција (46,4%), Кипар (47,9%), Црна Гора (48,1%), Холандија (48,3%) ), Белгија (48,9%) и Луксембург (49,7%). Но, да бидеме искрени, дури и резултатот на Италија од 41,9% е шокантно висок.

Индексот на телесна маса (БМИ), според Евростат, од каде се земени и податоците, се дефинира како тежина во килограми поделена со квадратот на висината во метри. Луѓето на возраст од 18 години или повеќе се сметаат дека имаат недоволна тежина со (БМИ помал од 18,5), нормална тежина (БМИ помеѓу 18,5 и помалку од 25) и пред-дебела (БМИ помеѓу 25 и помалку од 30). Категоријата прекумерна тежина (БМИ еднаков или поголем од 25) ги комбинира двете категории пред-дебели и дебели.

Вознемирувачко видео: Куче фрлено од зграда во Тетово

На социјалните мрежи се шири вознемирувачко видео на кое се гледа како куче паѓа од балкон на зграда, од голема висина.

-Педесет и осумгодишниот тетовец Ѓ.З. вчера (22 март) во 18 часот и 40 минути во СВР Тетово пријавил дека околу 17 часот од балкон на зграда во изградба на улица “Благоја Тоска” во Тетово,, спроти зградата во која тој живеел, од шесттиот кат паднало куче и набргу потоа yгинало. Кучето, според пријавеното, во објектот се обидувале да го заловат двајца тетовски пожарникари. Се расчистува и документира случајот, велат од МВР.

На видеото може да се чуе плач на кучето пред да падне од голема висина, а од зградата се слушаат гласови.

Поднесено обвинение против Тони Цетински: Пејачот може да биде казнет со 8 години затвор

Специјалното обвинителство на Хрватска за сузбивање на корупција и организиран криминал поднесе обвинение против Тони Цетински откако беше утврдено дека користел лажен сертификат за вакцинација против коронавирусот, објави веб-страницата Империјал.

Како што дознава споменатиот медиум, на 28 декември 2023 година, заменик-обвинителот Вјекослав Шаулиќ до Жупанискиот суд во Загреб испратил обвинение против 18 лица, меѓу кои и познатиот пејач.

Тони Цетински е обвинет дека платил за да добие лажни потврди за вакцинација против Ковид.

Обвинетите се товарат дека дале пари, така што медицинската сестра, која тогаш работела во Здравствениот дом Загреб и била овластена да пристапува и да внесува податоци во информацискиот систем на Министерството за здравство, лажно ја внесувала информацијата, дека обвинетите биле вакцинирани.

– Кој нуди поткуп на службено или одговорно лице за да изврши службено или друго дејствие што не треба да го изврши во или надвор од границите на неговите овластувања ќе се казни со затворска казна од една до осум години – се наведува во дописот.

Популарно