Утврдено како се појавил коронавирусот на луксузниот крузер после што почна да се шири заразата низ светот

Објавена е студија која објаснува како коронавирусот почнал да се шири на крајот на минатата година и на почетокот на оваа. Студијата утврдува како 700 луѓе од крузерот „Дајамонд принцес“, кој беше едно од жариштата од каде почна да се шири вирусот низ светот, се заболеле.

Во студијата објавена во американското списание PNAS, се вели дека само едно лице било извор на заразата на сите други. Тој брод станал идеален предмет за проучување и одлична лекција за светската научна заедница, пишува во студијата.

Студијата ја направил тим од јапонскиот институт за инфективни болести. Тие велат дека имаат секвенца од гените на вирусот, земен од 148 патници и членови од екипажот на тој брод, кои јапонсите власти ги ставија во карантин од 14 дена.

Сите биле ставени во карантин на 3. февруари на пристаништето Јокахома, откако еден 80 годишен патник, кој претходно излегол од брод во Хонконг, на 1. февруари, бил позитивно тестиран на коронавирусот.

Сагата за карантинот на повеќе од 3600 патници и членови на екипажот, ја следел целиот свет, а Јапонија била критикувана затоа што дозволила бродот да се евакуира, додека земјите како САД ги пресметувале ризиците од враќањето на своите државјани дома.

На крајот, околу 700 лица од 3711 луѓе на бродот, беа заразени од коронавирус, од кои седумина починаа. Добиените податоци од тој затворен простор на зараза, довеле до првите проценки на смртност од коронавирусот односно 1,2% од луѓето, додека 18% од нив биле асимптоматични.

Најмалку триесетина студии кои се направени за состојбата на тој брод, биле објавени од февруари, според сајтот kovid19.com. Новата генетска анализа на материјали земени од бродот, покажува дека сите вируси кои биле откриени на крузерот, делат иста мутација.

Тоа укажува дека ширење на SARS-CoV-2 на бродот „Дајмонд принцес“, потекнува од само еден преносител, пред почетокот на карантинот, заклучуваат јапонските научници. Заразата веројатно се раширила за време на големите собирања на патници во заедничките простории каде се играло, танцувало, купувало и се гледале претстави.

ВИДЕО: Еве како германските туристи си поминуваат во Бугарија

На почетокот на август, на Твитер беше објавено видео со кое се крева прашина во Германија. На него се прикажани германските туристи кои уживаат во забавите на плажите во Бугарија – без маски и без да одржуваат дистанца.

Бугарската министерка за туризам, Маријана Николова, одржа итни разговори на 9 август со претставници на германските тур-оператори во Бугарија, откако германските власти издадоа предупредувања за патувања во бугарските области, пренесува СофијаГлоуб.

СЗО: Раст на бројот на заразени со Ковид-19 во светот

Во изминатите 24 часа во светот се регистрирани околу 214.000 нови случаи на заразени со Ковид-19, така што вкупниот број денеска е 20,16 милиони, соопшти Светската здравствена организација (СЗО).

Досега од Ковид-19 починале 737.417 луѓе во светот, 4.835 само во последните 24 часа.

Најголем број потврдени случаи се уште во Северна и Јужна Америка, 10.799.062, од кои 101.230 се новозаразени во последните 24 часа.

Досега во Европа се потврдени 3.641.603 заразени и 217.716 смрти случаи, а 2.757.822 заразени и 55.564 жртви во Југоисточна Азија.

САД се уште водат според бројот на потврдени случаи -19, 5.039.709, по што следува Бразил со 3.057.470 заразени, Индија со 2.329.638, Русија со 902.701, Јужна Африка со 566.109, Мексико со 485.836, Перу со 483.133, Колумбија со 397.623, Чиле со 376.616 и Иран со 331.129 заразени.

Веќе 20 држави побараа од Русија да купат една милијарда дози од првата вакцина против корона

Вкупно 20 земји од Латинска Америка, преку Блискиот исток, до Азија, побараа од Русија да им ја обезбеди првата вакцина во светот против вирусот корона – Спутник В.

Првата вакцина против корона вирусот што беше регистрирана во светот беше онаа направена во Русија. Регистрацијата на вакцината ја потврди и рускиот претседател Владимир Путин, кој исто така изјави дека неговата ќерка ја примила вакцината.

Кирил Димитријев, директор на рускиот фонд за директни инвестиции (РДИФ), објасни дека тие веќе добиле нарачки за милијарда дози на вакцината, пренесува РТ.

„Заедно со странските партнери, ние сме подготвени да произведуваме повеќе од 500 милиони дози на вакцината годишно“, рече Димитријев. Тој додаде дека вакцините произведени во Русија ќе се користат во самата земја, додека оние произведени од странски партнери ќе бидат достапни за други земји.

Популарно