(Видео) Од земја без коронавирус, до многу заразени за неколку месеци

Се чинеше дека Виетнам веќе три месеци ја доби војната со коронавирусот со оглед на тоа што три месеци немаше ниту еден новозаразен и смртен случај, а луѓето се вратија на нормалниот живот.

Меѓутоа, пред само една седмица дојде до избивање на жариште и појава на 43 новозаразени во шест делови од земјата, меѓу кои и трите најголеми градови. Поради тоа, властите одлучија повторно да ги воведат ограничувањата.

Жариштето изби минатиот четврток во приморскиот град Да Нанг каде пристигнале илјадници туристи на годишен одмор.

После првиот пациент кој бил хоспитализиран и приклучен на респиратор, докторите во Да Нанг откриле уште тројца инфицирани во текот на викендот, а во понеделникот уште 11.

Во понеделникот властите охрабриле 80 илјади туристи да го напуштат градот, обезбедувајќи им бесплатни летови, а илјадници туристи кои планирале да пристигнат во Да Нанг ги откажале резервациите.

Плажите во вторникот биле затворени, воведена е блокада на градот, а се уште полицајци патролираат на улиците. До денес, откриени се 43 новозаразени, вклучувајќи и двајца во престолнината Ханој, а сите случаи се чини дека се поврзани со Да Нанг.

ВИДЕО: Еве како германските туристи си поминуваат во Бугарија

На почетокот на август, на Твитер беше објавено видео со кое се крева прашина во Германија. На него се прикажани германските туристи кои уживаат во забавите на плажите во Бугарија – без маски и без да одржуваат дистанца.

Бугарската министерка за туризам, Маријана Николова, одржа итни разговори на 9 август со претставници на германските тур-оператори во Бугарија, откако германските власти издадоа предупредувања за патувања во бугарските области, пренесува СофијаГлоуб.

СЗО: Раст на бројот на заразени со Ковид-19 во светот

Во изминатите 24 часа во светот се регистрирани околу 214.000 нови случаи на заразени со Ковид-19, така што вкупниот број денеска е 20,16 милиони, соопшти Светската здравствена организација (СЗО).

Досега од Ковид-19 починале 737.417 луѓе во светот, 4.835 само во последните 24 часа.

Најголем број потврдени случаи се уште во Северна и Јужна Америка, 10.799.062, од кои 101.230 се новозаразени во последните 24 часа.

Досега во Европа се потврдени 3.641.603 заразени и 217.716 смрти случаи, а 2.757.822 заразени и 55.564 жртви во Југоисточна Азија.

САД се уште водат според бројот на потврдени случаи -19, 5.039.709, по што следува Бразил со 3.057.470 заразени, Индија со 2.329.638, Русија со 902.701, Јужна Африка со 566.109, Мексико со 485.836, Перу со 483.133, Колумбија со 397.623, Чиле со 376.616 и Иран со 331.129 заразени.

Веќе 20 држави побараа од Русија да купат една милијарда дози од првата вакцина против корона

Вкупно 20 земји од Латинска Америка, преку Блискиот исток, до Азија, побараа од Русија да им ја обезбеди првата вакцина во светот против вирусот корона – Спутник В.

Првата вакцина против корона вирусот што беше регистрирана во светот беше онаа направена во Русија. Регистрацијата на вакцината ја потврди и рускиот претседател Владимир Путин, кој исто така изјави дека неговата ќерка ја примила вакцината.

Кирил Димитријев, директор на рускиот фонд за директни инвестиции (РДИФ), објасни дека тие веќе добиле нарачки за милијарда дози на вакцината, пренесува РТ.

„Заедно со странските партнери, ние сме подготвени да произведуваме повеќе од 500 милиони дози на вакцината годишно“, рече Димитријев. Тој додаде дека вакцините произведени во Русија ќе се користат во самата земја, додека оние произведени од странски партнери ќе бидат достапни за други земји.

Популарно