Погледнете како изгледа денес сопругата на харизматичниот Љубчо Георгиевски: „Нашата љубов е БИБЛИСКА која планини поместува“

Приватноста на поранешниот премиер на Македонија, Љубчо Георгиевски, како и неговиот политички живот се уште привлекува внимание.

Пред неколку години се најде во центарот на вниманието и неговиот брачен статус кога одредени медиуми објавија дека се разведува од неговата сопруга, Снежана Георгиевска. Но веднаш по објавувањето на веста дека по три децении љубов и брак сопружниците ставиле точка, со реакција се јави сопругата на Љубчо и ги демантираше истите.

Таа тогаш прозборува за нивниот наводен развод и за порталот Галама потврди дека меѓу нив се уште гори „библиска љубов која планини поместува“.

Овие гласини ги демантираше и самиот Љубчо Георгиевски, а на неговиот официјален профил се уште стојат нивни стари заеднички фотографии.

Како брачниот пар Георгиевски изгледала некогаш, а како сега, можете да погледнете во продолжение.

Инаку, Георгиевски деновиве се најде во центарот на вниманието и со повикот на неговата ВМРО-Народна патрија до сите парламентарни политички партии да ги изгласаат предлог- законските измени со кои се забранува увоз на отпад кој би се користел како енергенс во производството.

„ВМРО-Народна партија смета дека нема никаква причина да се увезува отпад за кој сега ни раскажуваат приказни дека бил безопасен. Затоа што знаеме дека со самиот факт што се извезува, односно увезува од високоразвиени индустрии има нешто нелогично во приказната.

Конечно сакаме да потсетиме и дека фирмите кои го палат отпадот се високо профитабилни фирми, само како пример ќе го земеме Цементарница УСЈЕ која секоја година прикажува профит од 30.000.000 евра.

Нема никаква логика дека со употребата на ваквите евтини енергенси и се „помага“ на македонската индустрија“, велат од партијата на Љубчо Георгиевски.

Контроверзен политичар

Љубчо Георгиевски отсекогаш важел за контроверзен политичар. Тој е еден од првите основачи на ВМРО-ДПМНЕ и човек кој долги години беше еден од омилените политичари за најголемиот дел од симпатизерите на десницата. Неговите контроверзни ставови како тогаш, така и денес предизвикуваат интерес кај македонската јавност, иако по внатрепартиските поделби од 2004 откако по поразот реши да се повлече од политиката, и го најави доаѓањето на новиот „месија“, Никола Груевски, голем дел од неговите поддржувачи се свртеа против него, и тоа благодарение токму на Груевски.

На конгресот во Охрид во мај 2003 година кога го прашаа зошто го избра Никола Груевски, тој одговори: „Никола нема харизма, но е менаџер-технократ, а токму таков ќе и треба на Македонија во следниот период“.

Само две години подоцна, војводата на „клоци“ е исфрлен од неговата матична партија, а денес самиот не се срами да признае дека Груевски е негово промашување.

Харизматичен лидер

Љубчо Груевски како и Бранко Црвенковски важи за еден од најхаризматичните лидери во Македонија. Тие иако беа жестоки ривали, посебно пред парламентарните избори во 1998 година, една деценија подоцна станаа и сојузници во борбата против режимот на Груевски.

Од друга страна во чаршијата се уште кружат шпекулациите дека и покрај тоа што своевремено биле најголеми политички непријатели, сепак по превземањето на власта еден со друг постигнале премолчан „џентлменски“ договор законски да не се прогонуваат за евентуални финансиски злоупотреби.

Фото: Фејсбук/ Љубчо Георгиевски

Колку тежи семејството Георгиевски

Колку „тежи“ Љубчо Георгиевски и што се’ поседува неговото семејство е се уште отворено прашање. Со години наназад одредени медиуми анализираат во оваа насока, а во 2006 година тогашниот портпарол на СДСМ, Кондарко, јавно прашуваше со кои пари Љубчо купил имот на Флорида. Во 2007 година кога стана актуелно пополнувањето на имотни листови, Љубчо повторно се најде во тесно. Прво како на шега пишуваше дека поседува кокошки и гуски, култиватор и трактор, но законот повеќе не му дозволуваше да се мајтапи со овие информации. Тогаш откри дека поседува два стана во Скопје од 100 и 200 квадрати. Според негова изјава, куќата во Беровско е на неговата сопруга, но не запишал колку чини, земјоделското земјиште во Скопје му е од три и од седум декари, повторно без цена. Георгиевски пријавил и уметнички слики и колекционерски предмети, но без да се наведе цената. Од заеднички имот тогаш наведе 70.000 евра, и ниту една сметка во домашна или во странска банка. Семејството Георгиевски има џип „тојота“ кој го вози сопругата Снежана, објави тогаш Утрински весник.

Од друга страна, според анализите на „Бизнис 24“ од 2009 година, семејното богатство на поранешниот премиер на Македонија беше проценето на околу 100 милиони долари. Неговата финансиска и имотна состојба ја истражуваа и бугарските медиуми, а беа објавени и неколку бизниси што Георгиевски ги води во Бугарија. Што се однесува до јавноста во Македонија, речиси да нема некој што не знае дека Георгиевски поседува неколку фирми и дека инвестира во градежниот бизнис. Во интервјуто кое тој го даде за „Граѓански“, индиректно и самиот зборуваше за своите бизниси во градежништвото кои се енигма за јавноста. Сепак, колку навистина „тежи“ војводата се уште не е познато.

Пендаровски домаќин на Ифтарска вечера

По повод Рамазанските пости и во пресрет на големиот муслимански празник Рамазан Бајрам.

На вечерата присуствуваа претставници од државно-владиниот врв, бизнис заедницата, претставници на верските заедници, претставници од академската заедница, од политичките партии, медиумите и граѓанските организации, како и претставници на дипломатскиот кор, информираа од Кабинетот на претседателот.

Согласно исламските верски обичаи, Поглаварот на Исламската верска заедница Реис-ул-улема Шакир ефенди Фетаи ја одржа завршната молитва.

„Најсветиот месец во Исламот, Рамазан, е време за духовно закрепнување, за обновување на релациите со роднините и пријателите, но и за милост и солидарност кон немоќните. Како што рамазанскиот пост е лично искушение на внатрешно преиспитување на поединецот, така Ифтарската вечера е заеднички чин на социјална правда бидејќи подразбира правење место на трпезата и за оние кои имаат помалку. Тоа е особено важно во време на глобални кризи кои најмногу ги удираат најранливите и најсиромашните“, кажа Пендаровски на вечерата.

Но, освен за продлабочување на верата во животот на верникот, Ифтарската вечера е и можност за продлабочување на соживотот во македонското општество.

„За нашите предци немало поголема чест од тоа, некој со различна вера од нивната, да ги покани на празнична трпеза. Кога муслиман кани на Ифтар, или кога христијанин подарува велигденско јајце, тоа е начин да каже дека ја почитува твојата различност и те прифаќа таков каков што си. Тоа го правиме и ние вечерва“, додаде Пендаровски.

Вработените во здравството најавуваат протест на 8 април

Вработените во здравството нема да добијат усогласување на платите со порастот на минималната плата поради непотпишувањето на анексот на колективниот договор. Поради тоа на 8 април најавуваат протест што ќе почне од пред зградата на Сојузот на синдикати на Македонија, а ќе заврши пред Министерството за здравство.

- Протестот ќе биде токму во насока на изразување незадоволство од непотпишувањето на анексот на колективниот договор којшто веќе беше завршена работа, но поради политичките игри остана непотпишан и со тоа повеќе од 20 илјади работници во здравството остануваат без усогласувањето на нивните плати со порастот на минималната плата, соопшти денеска претседателот на ССМ Слободан Трендафилов. 

Според информациите на ССМ, освен вработените во здравството, усогласување на платите ќе нема и во образованието и во Министерството за внатрешни работи.

- Усогласување со порастот на минималната плата ќе нема и во образованието поради непотпишување на колективниот договор. Според моите сознанија, и вработените во Министерството за внатрешни работи нема да добијат усогласување на палтите, меѓутоа управата на локално ниво, правосудството, Правобранителството, јавнообвинителската служба, судската служба и.т.н. ќе добијат усогласување имајќи предвид дека Синдикатот на УПОЗ потпиша низа колективни договори каде ова право е утврдено меѓутоа и законските решенија, кои се обидуваа на мала врата да ги сменат пред објавата на висината на минималната плата, го овозможуваат тоа, истакна Трендафилов. 

„АЛКАЛОИД“ ПУШТИ ВО УПОТРЕБА НОВ КАПИТАЛЕН ПРОЕКТ ВРЕДЕН 19,4 МИЛИОНИ ЕВРА

Новите капацитети за производство на цврсти фармацевтски форми, со површина од 6.200 м2, се најкрупниот инвестициски потфат на компанијата во изминативе две децении

Во насока на посветеноста за постојана модернизација и за проширување на производствените капацитети, производствените волумени и на асортиманот, „Алкалоид“ АД Скопје ја комплетираше реализацијата на својот најголем инвестициски потфат во последните две децении – новиот погон за производство на цврсти фармацевтски форми Таблетно одделение 2.0 и придружните технички простории.

Новиот техничко-технолошки капацитет, чија цел е повеќе од двојно зголемување на обемот и поголема флексибилност во производството на цврсти фармацевтски форми, зафаќа површина од 6.200 м2 (производствени и технички простории), а за него „Алкалоид“ вложи вкупно 19,4 милиони евра. За изведбата на овој објект, започната во април 2021 година, беа ангажирани 30 домашни и 16 странски компании, а градежните работи и опремувањето се одвиваа под водство на стручните служби на „Алкалоид“ АД Скопје. Просториите се изведени во согласност со строгите норми за добра производствена пракса, а сите процеси се целосно интегрирани и дигитализирани, со автоматско генерирање на сите податоци од процесните контроли.

Во новиот погон за производство на цврсти фармацевтски форми ќе се врши производство на таблети, филмувани таблети, капсули и на двослојни таблети, кои за првпат се воведуваат како технологија за производство во Македонија. Станува збор за таблети што содржат неколку активни супстанции со различни хемиско-физички својства или со различен начин на ослободување на состојките, кои внимателно и прецизно се дозирани, но физички одделени со соодветно обезбедена стабилност и делотворност, овозможувајќи им на пациентите целосната терапија од неколку лекови да ја земаат само преку една таблета. Опремата за производство на цврсти фармацевтски форми е набавена од светски познати производители на опрема од овој вид: GEA (опрема за влажна гранулација), Alexanderwerk (опрема за сува гранулација), Lodige (опрема за хомогенизација), Fette (преси за таблети), Glatt (систем за филм-обложување), De Lama (автоматска машина за перење контејнери) и други.

Со пуштањето во употреба на новата техничко-технолошка единица за производство на цврсти фармацевтски форми двојно се зголемува производствениот волумен, па така, наместо досегашниот капацитет од 2 милијарди таблети годишно, моменталниот проектиран производствен капацитет е повеќе од 4 милијарди таблети годишно.

„Во динамична индустрија каква што е фармацевтската пласманите обично кореспондираат со инвестициите, вештините и знаењето, кои во изминативе две децении ги насочивме кон градење на модерно и конкурентно производствено портфолио. Нашата цел останува да се диференцираме преку знаење и развој на производи со додадена вредност, а на овој курс сме решени да останеме и во иднина, работејќи на натамошна глобализација на брендот ’Алкалоид’, достоинствено и посветено, со практикување на високи етички стандарди, кредибилитет и професионален пристап во севкупните операции“, изјави Генералниот директор и Претседател на Управниот одбор Живко Мукаетов на официјалното пуштање во употреба на новиот оддел, кое се одржа во присуство на високи претставници на менаџментот на компанијата, како и на претставници на медиумите од земјата и од регионот.

Ова е еден од најкрупните инвестициски проекти на „Алкалоид“ АД во изминатите две децении. Компанијата во 2005 година имаше пласмани од 53,1 милиони евра, а во 2023 година прикажа консолидирани пласмани од 268,3 милиони евра. Следствено на овој петкратен континуиран раст, во текот на изминатите 15 години беа реализирани инвестиции во вредност од над 220 милиони евра.

Фармацевтските производи на „Алкалоид“ се присутни на пазарите во повеќе од 40 земји во светот.

Популарно