(Фото) Трамп: На секој потег на Иран ќе одговориме 1.000 пати посилно!

Американскиот претседател Доналд Трамп кажа дека САД ќе одговори 1000 пати посилно на секој напад на Иран.

Како што објавуваат медиумите, Иран можеби планира друг напад на САД, како одмазда за лидерот Сулејмани. На секој напад на Иран, САД ќе одговори на 1.000 пати посилен начин.

Претходно неколку американски медиуми објавија дека САД го обвиниле Иран дека ја разгледува можноста за ликвидација на американскиот амбсадаор во јужноафриканската република. Дали нешто ќе направи Иран или не, останува да видиме наскоро.

38 научници предупредија дека податоците за руската вакцина против Ковид-19 се нецелосни

Податоците за руската вакцина против ковид-19 се нецелосни, има недоследности и повторување како „копи/пејст“. Тоа го предупредија 38 научници, чија позиција беше објавена во списанието „Nature“.

Изданието потсетува дека руските податоци беа објавени овој месец во медицинското списание „The Lancet“.

Во отворено писмо до руските автори, научниците истакнуваат дека објавените резултати од раната фаза на истражувањето се претставени само во форма на графикони, без специфичните податоци врз кои се градени тие графикони.

Италијанскиот молекуларен биолог Енрико Бучи истакнува дека во руската публикација во „Лансет“ е претставено мерење на нивото на имуните клетки во крвта на 9 групи волонтери врз кои се тестирани различни формули за вакцини. Во две од овие групи, податоците се покажаа исти.

– Шансите ова да се случи во природни околности се мали, вели Бучи.

Научниците велат дека тие не обвинуваат, но за да се направи соодветна проценка, потребна е подетална презентација на оригиналните податоци. Во исто време, се забележува дека објавувањето на таквата студија без детални податоци е многу невообичаено однесување во научната заедница.

Од „Nature“ бараат појаснување од авторот на руската публикација за вакцината во истражувачкиот центар Гамалеи, Денис Логунов, но тој одби да даде коментар.

Руската вакцина е регистрирана без задолжителна трета фаза на испитувања според светските фармацевтски стандарди и без објавување на податоците од претходните фази.

СЗО: Ковид-19 се шири со алармантнa брзина со наближување на зимата

Светската здравствена организација предупреди дека Ковид-19 се шири со алармантно висока брзина во делови на северната хемисфера, неколку месеци пред зимската сезона на грип.

– Почнуваме да гледаме вознемирувачки трендови во некои држави, изјави Марија ван Керхов, водечки технички експерт за Ковид-19 при СЗО, на презентацијата преку социјалните мрежи.

– Гледаме зголемување на бројот на луѓе примени во болници, оние кои се примени на интензивна нега, особено во Шпанија, Франција, Црна Гора, Украина и некои држави во САД. Ова е загрижувачки бидејќи сезоната на грип се уште не е почната, нагласи таа.

– Во неколку земји, расте бројот на примени лица во болница на возраст меѓу 15 и 49 години заразени со Ковид-19, додаде Ван Керч.

Мајк Рајан, раководител на програмата за итни случаи на Светската здравствена организација, ги советуваше луѓето со висок ризик да заболат од Ковид-19, да се вакцинираат против грип.

Популарно