Мицкоски ги нарече незнајковци лекарите од Комисијата за заразни болести

Како што кажа министерот за здравство Венко Филипче, по скратена постапка идната недела ќе се носи законот со кој ќе се воведат новите мерки, како што се маски на отворено, забрането групирање и гости после 22 часот. 

Но, бидејќи дел од пратениците на владејачкото мнозинство се болни, можно е тој закон да зависи ид од опозициски пратеници. 

Лидерот на ВМРО-ДПМНЕ, Христијан Мицкоски денеска изјави дека ќе даде поддршка не сите мерки чија цел е поддршка во борбата против коронавирусот. Се пожали дека не била консултирана опозицијата за мерките.

А, Мицкоски кажа и една друга работа, ги нарече незнајковци лекарите од Комисијата за заразни болести.

„Тука сме, стоиме на располагање со сиот свој потенцијал, како политичка партија, како опозиција, да им помогнеме на граѓаните, па дури и да соработуваме со оние незнајковци од политичката Комисија за заразни болести на СДСМ и Зоран Заев. Нека ми каже некој кои се тие мерки, јас не ги знам. Па еве, вече носиме маски, не треба сега ново гласање. Еве ако треба за таа мерка, ќе ги поддржиме“, рече Мицкоски.

Заев: Вирусот е летечки, ќе усвоиме да се носи маска на отворено

Владата ќе ја усвои препораката да се носи маска на отворено која по предлог на Комисијата за заразни болести ќе се разгледува денеска на владина седница. Премиерот Зоран Заев изјави дека вчера на состанокот со членовите на комисијата, се убедил во нивните аргументи дека дел од заштитата е и носењето маска на отворено.

„Имаат аргументации за таа одлука. Вирусот е летечки, при движење го креваме нагоре. Не значи дека сме безбедни ако седат надвор двајца и не носат маска исто така. Знам, има на социјалните мрежи реакции, има и сугестии. Еве и јас некогаш имам порив да кажам, аман и ова ли. Сепак во Комисијата има експерти и ние нив треба да ги слушаме. Инаку носат мерки кои се слични и како секаде во светот и нивното мислење треба да го почитуваме, рече Заев.

 Освен првиот пакет рестриктивни мерки, денеска Владата ќе дискутира и за вториот пакет, со кој се препорачува крај на работното време во 23 часот за сите економски оператори, како и намалување на капацитетот на патници во автобусите до 50 проценти. Администрацијата ќе работи од дома онлајн или во смени или пак по принцип на ротации.

Д-р Пановски: Најтешките три месеци се пред нас

Во гостување на Сител, д-р Никола Пановски истакна дека како што ќе заладува времето, воздухот ќе биде позагаден луѓето ќе влегуваат внатре и ќе ја шират болеста.

-Што повеќе ќе заладува, што повеќе ќе биде пократок денот, позагаден воздухот луѓето ќе влегуваат внатре и понатаму ќе ја шират болеста.Затоа меркиве освен носење маска надвор се во ред, меѓутоа треба да има механизми како ќе се почитуваат тие мерки. Значи во автобус може да се стават камери, да има контролор во меѓуградски превоз, значи строга контрола. Во фабриките да се почитуваат протоколите. Остануваат домовите кои не можат да се контролираат. Ако сме во криза како што во моментов се наоѓаме да се соединиме. Тоа значи политичките, верските лидери и сите да им кажат да се воздржат 5-6 месеци или да има кажат носете маска 14 дена по сегашни прописи секаде кај што треба, не се собирајте да видиме дали ќе се случи нешто за 28 дена, вели тој.

-За навечер сум кажал дека треба да има полициски час, бидејќи младите сакале нејќеле ни ја носат болеста дома.Веќе месец дена се собираат во затворени простории и затоа букнува болеста.Секаде кај што се почитуваат протоколите и кај што има логика.Треба да се почитуваат мерките, за карантини и затворање на ресторани, треба многу пари, тоа Кина може да го направи, посочува д-р Пановски.

-Проценка на оваа епидемија е дека би умреле меѓу 20 и 30 милиони ако нема мерки може да трае и повеќе од две години. Светот е решен со разни мерки да спаси да умрат барем 2 три милиони и ги предложил овие мерки. Некои немаат логика не можеме да ги разбереме меѓутоа основните мерки треба да ги почитуваме. Не се лицитира со бројки, но во првите две години би умреле 2.000-3000 и да спасиме 20.000 луѓе. Најтешките три месеци се пред нас, рече Пановски.

ЗАЕВ ТРЕБА ДА ОДЛУЧИ: Се бара политичка одговорност од Лидија Димова

Се бара политичка одговорност од Лидија Димова од Националната агенција. 

Вицепремиерот за борба против корупција, Љупчо Николовски денеска доставил предлог до премиерот Зоран Заев со кој бара политичка одговорност за директорката на Националната агенција, Лидија Димова, по скандалот за ненаменско тршење европски пари. Ова за Канал 5 го изјави Николовски. 

Заев ќе треба да пресече дали ќе побара оставка или ќе ја разреши Димова.

 „На основа на она што го констаиравме, прекршување на членови од кодексот, сметам дека за Димова треба да има политичка одговорност. Заев треба да одлучи дали ќе побара оставка или разрешување на Димова“, рече Николовски.

ВМРО-ДПМНЕ бара одговорност за случаите кои беа обелодените изминатите недели.

„Кога планираат Вилма Русковска и Љубомир Јовевски да отворат случај за сомнежот за проневера на над 20.000 евра коишто фалат од благајната од Националната агенција, за што што има и јавно сведоштво од страна на благајникот дека парите биле земани со факсимил на Лидија Димова“, праша портпаролот на ВМРО-ДПМНЕ Димче Арсовски.

 Димова претходно кажа дека нема да поднесе оставка. 

Скандали имаше со високи суми на пари кои биле доделувани за проекти. Имало и поддршка за проекти за тренинг на магариња.

Популарно