ОД УТРЕ: Полициски час во пет црногорски градови

Здравствените власти во Црна Гора одлучија да воведат ограничувачки мерки во пет градови во црвената зона според бројот на лица заразени со коронавирус, а одлуката за можно затворање на Подгорица ќе биде донесена откако ќе пристигнат резултатите од 200 примероци од Германија.

Од утре ќе се воведе полициски час од 22 до 5 наутро во Будва, Улцињ, Цетиње, Колашин и Жабљак од 22 до 5 часот наутро, а ќе има и затворање на училиштата, градинките и рестораните, изјави директорот на Црногорскиот институт за јавно здравје, Бобан Мугоша.

Тој додаде дека мерките се воведуваат бидејќи стапката на инфекција во тие градови е поголема од 800 на 100.000 жители.

Во Подгорица стапката е помала, но Мугоша верува дека кога ќе пристигнат резултатите, главниот град на Црна Гора ќе премине во црвената зона, така што од понеделник веројатно ќе се применуваат рестриктивни мерки.

Откако бројот на пациенти започна нагло да се зголемува во септември, властите воведоа т.н. семафор според кој се воведуваат локални мерки во зависност од бројот на заразени.

Во последните 24 часа се регистрирани 146 новозаразени и три смртни случаи. Бројот на активни случаи во земјата во моментов е 4.428, или 703 на 100.000 жители.

Каракачанов: Ако е потребно, ќе испратам полк во Скопје да ги отстрани спомениците

Красимир Каракачанов, вицепремиер и министер за одбрана на Бугарија во интевјуто за „Дарик радио“, го повтори ставот дека Македонија мора да се придржува до договорот што го потпиша пред три години, како и дека не треба да се потпише нов договор.

– Во Скопје, тие се обидуваат да се вратат 1.000 години наназад за да и дадат легитимитет на теоријата за Коминтерна и по 1944 година за Титова Југославија – рече Каракачанов.

– Договорот јасно кажува дека фалсификатите во врска со историјата мора да се расчистат – рече тој.

– Буквално вчера тие одбија да работат во заедничката комисија. Тие го слават националниот празник на 11 октомври против таканаречениот „бугарски окупатор – рече Каракачанов во интервјуто.

– Доколку е потребно, ќе им го испратам инженерскиот полк да ги отстранат сите споменици, кои не одговараат на историските факти – рече Каракачанов.

Тој вели историјата да остане сама до 1944 година. Ова грозоморно фалсификување во учебниците по историја мора да престане, потенцира министерот, како и дека историјата на Македонија до 1944 година е бугарска историја, ова е позицијата на нашата земја.

Од денеска Aрената во Белград пак е ковид-болница

Белградската арена од денеска е привремена болница, која може да прими 510 пациенти да се лечат од Ковид-19.

Медицинскиот директор на привремената болница потполковникот Предраг Богдановиќ рече дека во партерот има 360 легла, а на третата етажа, каде беа ВИП ложите, 150 легла.

Арената има и централен довод на кислород, па така пациентите можат да бидат приклучени на респиратор.

Во моментот во привремената болница работат 10 лекари и 20 медицински сестри кои ги чекаат првите пациенти.

За нив ќе се грижат медицински работници од 15 здравствени установи.

„Арената е планирана за пациенти со средна и средно тешка клиничка слика на кои им е епотребна кислородна терапија“, рече Богдановиќ за Танјуг.

Собите на галеријата главно се двокреветни, со бањи и имаат кујничка и телевизор.

Во партерот има 40 боксови со по девет лгла и заеднички тоалет.

Во Арената може да се обавуваат лабораториски анализи, снимање на градите и срцето.

За време на првиот бран Арената беше искористена за сместување пациенти, но кога се намали бројот на пациенти кои бараа болничко лекување, центарот беше затворен.

Од денеска Aрената во Белград пак е ковид-болница

Белградската арена од денеска е привремена болница, која може да прими 510 пациенти да се лечат од Ковид-19.

Медицинскиот директор на привремената болница потполковникот Предраг Богдановиќ рече дека во партерот има 360 легла, а на третата етажа, каде беа ВИП ложите, 150 легла.

Арената има и централен довод на кислород, па така пациентите можат да бидат приклучени на респиратор.

Во моментот во привремената болница работат 10 лекари и 20 медицински сестри кои ги чекаат првите пациенти.

За нив ќе се грижат медицински работници од 15 здравствени установи.

„Арената е планирана за пациенти со средна и средно тешка клиничка слика на кои им е епотребна кислородна терапија“, рече Богдановиќ за Танјуг.

Собите на галеријата главно се двокреветни, со бањи и имаат кујничка и телевизор.

Во партерот има 40 боксови со по девет лгла и заеднички тоалет.

Во Арената може да се обавуваат лабораториски анализи, снимање на градите и срцето.

За време на првиот бран Арената беше искористена за сместување пациенти, но кога се намали бројот на пациенти кои бараа болничко лекување, центарот беше затворен.

Популарно