ТРАНСМИСИЈАТА НА ВИРУСОТ ЌЕ СТИВНЕ ЗА ДВА-ТРИ МЕСЕЦА: Филипче со ваква оценка, но само ако ги почитуваме мерките

Министерот за здравство, Венко Филипче, оценува дека пакетот мерки за превенција од корона вирусот е така димензиониран, што ако граѓаните целосно ги почитуваат препораките на Комисијата за заразни болести, во голема мера ќе приднесат за намалување на трансмисијата на Ковид-19 во наредните два до три месеци, односно силата на пренесување која во моментов ја има вирусот едноставно ќе спласне.

Истовремено, министерот Филипче во емисијата Топ Тема на ТВ Телма изрази уверување дека на денешната собраниска седница конечно ќе биде усвоен Законот за заштита на населението од заразни болести, односно дека со измените и дополнувањата во овој Закон ќе стапан на сила мерките од првиот пакет, кои се однесуваат на задолжително носење маска и на отворено, пс заедно со овие кои веќе се применуваат ќе има позитивни резултати во намалување на бројот на позитивни случаи. 

Али Ахмети стана почесен доктор на Универзитетот во Тетово

Државниот универзитет на Тетово му го додели признанието почесен „Доктор Хонорис Кауса“ на претседателот на ДУИ, Али Ахмети, објави Наставно-научниот совет на правниот факултет.

„Согласно член 184 од Законот за високо образование на Република Северна Македонија и членовите 264 и 265 од Статутот на Универзитетот во Тетово, Наставно-научниот совет на Правниот факултет врз основа на одлуката за прифаќање на Иницијативата на ректорот на Универзитетот во Тетово Проф. Д-р Вулнет Амети за доделување на титулата Доктор Хонорис Кауза на г. Али Ахмети“ гласи во соопштението.

Комитетот за доделување на признанието е составен од:професорите Вулнет Амети како претседател и Шезаи Рокај и Арсими Бајрами како членови.

Беќаровски: Се зголемува бројот на обиди за самоубиство поради Ковид 19

Состојбата во моментов е алармантна, кај голем дел од персоналот се јавија знаци, околу 20% се зафатени од болеста. Од 16 лекари, 4 лекари се позитивни, слично е и со сестрите, кажа д-р Нино Беќаровски, од Клиниката за токсикологија во Студио 10 на ТВ24.

„Тековните работи ни се зголемени, последниве неколку месеци суицидални обиди се зголемени, обидите за самоубиства со труење со киселина е зголемен за 30%. Психички полабилни особи овој притисок не можат да го издржат. Секој ден има напади на медицискиот персонал, протоколите создаваат дополнитена гужва, па добро е што пред сите центри ќе има војска и ќе се ублажи оваа состојба. Нови симптоми на Ковид 19 се појавуваат секој ден, кај голем дел од оние кои прележале во првиот бран се забележуваат знаци на затегање на срцевиот мускул и други проблеми. Треба да се очекуваа компликации од вирусов, тој ги зафаќа сите органи“ кажа д-р Беќаровски.

Дачиќ: Заев не е политички незнајко, прашање е колку далеку ќе оди со Бугарија

Претседателот на Собранието на Србија, Ивица Дачиќ, кој е и поранешен министер за надворешни работи на земјата синоќа во емисијата Хит твит рече дека премиерот на Македонија, Зоран Заев, не е политички незнајко и дека знае оти неговите неодамнешни изјави за Бугарија не се точни.

Дачиќ посочи дека знае дека на Заев му треба согласност на Софија за да започне преговори за членство во ЕУ и дека тоа го прави заради тоа. Според него, сепак, значајно прашање е до каде ќе отиде Заев во тоа.

Дачиќ реагираше на изјавата на Заев дека Југославија е виновна за одвојувањето на Македонија од Бугарија и дека во таа земја имало бугарска администрација за време на Втората светска војна, ставови кои Заев ги изнесе во интервјуто за БГНЕС, а кои предизвикаа реакции и во Македонија.

"Но, не ја прогласувајте бугарската окупација за администрација. Бугарите беа на страната на нацистичката Германија на Хитлер и ние од југот знаеме колку беа тешки бугарските злосторства. Тие со тоа плукаат по нивната антифашистичка борба. Еве Југославија повеќе ја нема, што чекате? Ако бевте толку желни да се прегрнете, зошто чекавте до 2020 година “, рече Дачиќ.

Популарно