МОК доби нов претседател, Даниел Димевски на местото на Васил Тупурковски по 28 години

Даниел Димевски е новиот претседател Олимписки комитет на Северна Македонија по вчерашните избори. Од 1992 година до сега единствен досега беше Васил Тупурковски, кој по 28 години заминува од функцијата.

Поранешниот претседател на Кошаркарската федерација синоќа ја надгласа претседателката на Атлетската федерација на Македонија, Александра Војнеска Зикова, како единствен конкурент.

На изборното Собрание што се одржа во хотелот „Александар Палас“ во Скопје,  Димевски при тајно гласање доби 30 освоени гласа, наспроти два на Војнеска – Зикова, а треба да се каже и дека изборот беше бојкотиран од некои членки. Тупурковски пак го доби признанието почесен претседател на МОК.

Димевски инаку е добитник на највисокото државно признание – Златен медал – Орден за заслуги за Македонија за промоција на државата од областа на спортот. Под негово раководство кошаркарската федерација два пати беше прогласувана за најдобра национална спортска федерација. Добитник е и на престижното признание „ФЕР ПЛЕЈ“, како и признание за исклучително успешно раководење со натпреварувачката комисија на ФИБА Европа.

Најпознат е по најголемиот успех во домашниот екипен спорт – четвртото место на кошаркарската репрезентација на Европското првенство во Литванија во 2011 година, кога тој беше претседател на Федерацијата. 

Во неговата програма ветува Управен Одбор од компетентни луѓе и претставници на реномирани компании, а се планира изградба на Олимписки дом кој ќе биде во функција и за потребите на сите национални спортски федерации како и олимписки спортско-медицински центар.

Д-Р. СЕЛМАНИ: Зошто МАЛМЕД да го набавува фавипивирот за приватни клиники, требаше државата да ја преземе иницијативата

Дека сме најдобри во светот по справувањето со коронавирусот, сигурно дека не сме најдобри, но не држи тезата ниту дека сме најлоши.

Ова во своето гостување во емисијата Студио 10 на Тв 24 го изјави Имер Селмани, поранешен министер за здравство на земјава.

„Едно нешто здравствените власти можат да го направат, а тоа е да ги мобилизираат стратешки, оперативно, под една команда сите здравствени капацитети, мислам дека тоа се уште не е направено. Во последните денови се пренаменуваат одделенија, се најавува дека ќе се вклучат и дел од приватните здавствени установи. Но, мислам дека сето тоа сега е сеуште некако премлако. Значи, требаше многу поенергично да се направи претходно, односно сите капцитети да се стават под една команда“, рече Селмани.

Второ, според него, здравствените работници кои се во првите борбени редови во битката со ковид епидемијата, не треба од нив само да се бара одговорност, туку треба соодветно финансиски да се наградуваат.

„Мислам дека не е доволно само линеарното зголемување на платите. Во најмала рака , тој персонал кој е непосредно во битката со ковидот, треба да бидат барем најмалку двојно повеќе стимулирани во смисла на финансиските бенефиции. Тие често се во премор, физички закани, често омаловажувани од страна на пациенти и роднини, па се под дилемата дали да продолжат со битката, или да се откажат. Ние имавме и откажување кај некои од нив“, нагласи поранешниот минстер за здравство.

Според него, оваа битка очигледно ќе трае и нема да заврши со доаѓањето на вакцината, бидејќи за неа ќе требаат неколку месеци да ги даде очекуваните резултати. А и прашање е дали и колку ќе даде резултати, бидејќи тоа ќе го покаже времето.

И дефинитивно, според Селмани, министерот за здравство и Владата ќе треба да ги централизираат набавките на опрема и лекови на едно место, за да можат да ги контролираат трошоците на државни пари и да се намалат злоупотребите.

„Вчера ја слушнав изјавата на директорот на Агенцијата за лекови, МАЛМЕД, кој рече дека прв пат одобрил, по барање на приватни институции, увоз на лек кој е наменски против ковид. Па се поставува прашањето – зошто сега и зошто во ситуација на барање од приватни институции. Државата е во вонредна и кризна ситуација и таа треба да го преземе чекорот, да ја преземе иницијативата. Зошто државата да не направи увоз на одредена количина, со која ќе ги покрие потребите и на приватните, и на државните здравствени установи. Треба државата да предничи со одлукте, а не приватните установи да даваат предлози“, објасни поранешниот министер за здравство.

Охриѓанка исфрлена од роднините, десет дена спиела на отворено

Жена од Охрид, на возраст од околу 60 години, десеттина дена престојувала во разурната барака, отворена од речиси сите страни, бидејќи роднините ја исфрлиле од домот.

За случајот информираше Стефан Димоски, портпарол на СВР Охрид, кој откако добил информација за случајот, веднаш се упатил на самото место.

-Упатувам апел до семејството на оваа жена од Охрид, која десеттина дена е исфрлена и оставена од сите, да не дозволат, таа и понатаму да биде бездомник и да „живее“ во оваа напуштена хорор барака, од која, и кучињата ноќе бегаат.

Оваа жена, не заслужила таква суровост и бездушност од нејзините, не заслужила да биде оставена на милост и немилост на овој студ и на кучињата, кои ја имаа опколено денеска, кога по добиена информација, отидов на ова место. Упатувам пофалби за брзата реакција по моето јавување, на СВР Охрид, на Итната медицинска помош, на Центарот за социјални работи- порача Димоски, потенцирајќи дека семејството ќе мора да реагира и да ја згрижи жената.

Во разговор за ,,Фокус” тој појаснува дека организирал итната помош да ја транспортира жената во објект во Струга.

-Чекам да ми јават од Центар за социјални работи Охрид, дека обезбедиле место за сместување на жената. Немам засега информации каде ќе биде сместена и на колку долг период, ниту пак што ќе биде преземено доколку семејството одбие да ја прими назад – вели тој.

Околу тоа дали жената е со одредена попреченост, односно во каква психичка состојба е, Димоски вели дека според него, таа е добра.

-Во координација со ЦСР Охрид ќе ги имаме сите детали, најважно во овој момент е што жената нема да биде оставена на овој студ на милост и немилост – изјави тој.

Извор - Фокус

Повторно предвремена исплата на пензиите – Еве по кој редослед

Владата на Република Северна Македонија на вчерашната 24 седница меѓу другото ја разгледа и усвои Информацијата за исплата на пензии за месец ноември 2020 година и го задолжи Фондот на пензиското и инвалидското осигурување на Северна Македонија да ги достави податоците за пензиите до деловните банки најдоцна до 25.11.2020 година, а на деловните банки им се препорачува да обезбедат пензионерите да може да располагаат со ноемвриските пензии преку мрежата на банкомати и во трговската мрежа од 26.11.2020 година.

Деловните банки преку филијалите и експозитурите на банките ќе обезбедат готовинска исплата на пензии за клиентите кои не користат картички, во четири групи според следниот распоред составен според висината на пензијата: За пензии со висина до 11.000 денари, исплата да се изврши на 26.11.2020 година (четврток); За пензии со висина 11.001-14.000 денари, исплата да се изврши на 27.11.2020 година (петок); За пензии со висина 14.001-18.000 денари, исплата да се изврши на 30.11.2020 година (понеделник), и За пензии со висина над 18.001 денари, исплата да се изврши на 01.12.2020 година (вторник).

Популарно