Ова се јасни знаци дека шеќерот го уништува вашиот организам

Дијабетесот ги оштетува малите крвни садови на бубрезите, срцето, очите, нервниот систем и капиларните мрежи на периферијата. Затоа, кога е недоволно лекуван, дијабетесот може да доведе до заболувања на срцето, кардиоваскуларни болести, мозочен удар, болести на бубрезите, слепило и оштетување на нервниот систем.

Кардиоваскуларните болести и мозочниот удар се два до четири пати почести кај лицата со дијабетес.

Пред да се дијагностицира болести, телото испраќа јасни сигнали со кои ве предупредува дека нешто не е во ред. Поради консумирањето храна полна со адитиви и рафинирани шеќери, бројот на заболени од дијабетес постојано расте.

Еве како не’ предупредува телото:

1. Зачестено мокрење

Честото мокрење е класичен симптом на дијабетес. Кај оваа болест, вишокот шеќер (глукоза) се насобира во крвта. Така бубрезите се принудени да работат повеќе од вообичаено за да го апсорбираат вишокот шеќер.

2. Заматен вид

Високото ниво на шеќер во крвта црпи вода од вашите ткива, вклучувајќи ги и оние од очните леќи, што доведува до проблеми при фокусирање на предметите и околината. Ако не се лекува, дијабетесот може да предизвика создавање нови крвни садови во очната мрежница и да ги оштети постоечките садови. Кај повеќето луѓе тоа не предизвикува проблеми со видот, но ако оваа состојба напредува, може да доведе до сериозни проблеми со видот и загуба на истиот.

3. Недостиг на концентрација

Кога на телото му недостига инсулин, не е во можност да ја регулира глукозата, што не му дозволува на телото да функционира нормално.

4. Сува уста

Поради високото ниво на шеќер и дехидратацијата како последица на оваа појава, се случува устата често да биде сува.

5. Раните потешко зараснуваат

Високото ниво на шеќер влијае врз нервите и ја забавува циркулацијата, како и способноста на телото да се избори со повреди.

6. Проблеми со стомакот

Сите што имаат проблеми со шеќерот во крвта, многу често се изложени и на овој проблем. Како последица на дијабетесот, се јавува надуеност на стомакот, болка и мачнина.

7. Замор

Многу фактори придонесуваат за ова, како и гореспоменатата дехидратација и неспособност на телото да апсорбира енергија од внесениот шеќер.

8. Зголемена жед

Високото ниво на шеќер ги форсира бубрезите да работат забрзано за да ја филтрираат големата доза на тој шеќер, а за да се оствари тоа, потребна е голема количина на вода.

9. Зголемен глад

Вашето тело ја претвора храната што ја јадете во глукоза, која вашите клетки ја користат како енергија. Но на клетките им треба и инсулин за да се изведе тој процес. Ако вашето тело не произведува доволно инсулин, глукозата не може да влезе во клетките, а вие останувате без енергија. Поради тоа, луѓето што страдаат од дијабетес, а се’ уште не го знаат тоа, се гладни почесто од вообичаено.

10. Промена на кожата

Доколку забележите појава на пигментација на лицето, можно е да се работи за рани знаци на дијабетес. Освен тоа, појавата на темни делови на грбот и на рацете исто така може да бидат знаци.

11. Оштетување на нервите

Доколку почувствувате здрвување на раката или ногата без јасни причини, можно е да се работи за високо ниво на шеќер.

Кога треба да одите на доктор?

Ако сте постари од 45 години или имате други ризици за заболување од дијабетес, важно е да се тестирате. Кога болеста ќе се дијагностицира во рана фаза, постојат големи шанси да се одбегнат тешките последици што дијабетесот ги носи со себе, како што се оштетување на нервите, срцеви заболувања и други компликации.

Повторно изведена мултиорганска трансплантација: Пациенти добија срце, црн дроб и бубрези

Четворица пациенти добија органи од починат донор. Министерството за здравство соопшти дека вчера е направена уште една мултиорганска трансплантација на органи, а еден пациент добил срце, други црн дроб, а двајца пациенти добиле бубрези.

Во наредните денови пациенти на Универзитетската клиника за ортопедија ќе имаат шанса да добијат и коскени ткива.

Министерот Демири му се заблагодари на семејството на донорот кои спасија најмалку четири животи.

„По добиената согласност во вторникот, вчера во раните утрински часови започнаа трансплантациите на срце, црн дроб, бубрези и коскени ткива. Упатувам огромна благодарност до семејството на донорот кои повторно не потсетија на важноста, на емпатијата и на хуманоста и во најтешките моменти од животот. Нивната одлука денес значи нов живот за некого, од вчера спасуваме најмалку 4 животи. Дарувањето органи е највисокиот чин на алтруизам кои сите нас не прави подобри луѓе спасувајќи човечки животи. Голема благодарност и до сите медицински тимови кои овие 48 часа работат со пациентите и се грижат за нивното здравје“, истакнува Демири.

Од 2020 година досега трансплантирани се 11 срца, 4 црни дроба, 38 бубрези и 24 коскено ткива, вкупно 77 органи што живот значат.

По Македонија и Хрватска чоколадата „Милка Орео“ повлечена и од БиХ

Инспекторатот за храна при Сојузната управа за инспекциски работи во Босна и Херцеговина денеска повлече од продажба 33 парчиња чоколада „Милка Орео“ поради присуство на пластика.

Управата соопшти дека откако Агенцијата за безбедност на храна на Босна и Херцеговина известила за пластични парчиња во 37 грама млечно чоколадо „Милка Орео“ со рок на траење до 18 август, инспекторите за храна извршиле контроли.

Федералната агенција за инспекција на храна најави дека ќе ги преземе сите законски мерки против одговорните.

Производот претходно беше повлечен и од Македонија и Хрватска.

Македонската Агенција за храна, минатата недела информира дека од продавниците се повлекува чоколада „милка орео“ од 37 грама поради присуство на парчиња пластика.

Производот е со сериски број OSK0934652 и со рок на употреба до 18 август 2024 година.

Чоколадата е произведена во „Монделез Полска продакшн“, а увозник е операторот со храна „ТД Нелт“

Колку килограми можете безбедно и здраво да изгубите за еден месец?

Заедничка желба на повеќе луѓе кои се на диета е брзо да ослабат. Сепак, колку е безбедно да се отфрлат несаканите килограми премногу брзо?

Безбедно и здраво слабеење значи губење на половина килограм до килограм секоја недела, што е еднакво на два до четири килограми месечно.

Можно е да изгубите повеќе килограми од ова во првиот месец на здрав начин, особено ако некој има прекумерна тежина.

Поединци кои губат 10 килограми во првиот месец или губат тежина премногу брзо, исто така се изложени на ризик од губење на вода или мускулно ткиво.

Друга причина зошто луѓето имаат тенденција брзо да губат тежина е ако се на ненамерна диета, која не е здрава или лесно да се држи долгорочно. Овие лица на крајот повторно ја добиваат тежината кога повеќе не можат да следат толку строга диета.

Кога станува збор за успешно долгорочно слабеење, важно е да се фокусирате на стабилизирање на шеќерот во крвта секој пат кога јадете, без разлика дали тоа е оброк или ужина. Ова ќе ви помогне да избегнете енергетски несреќи што може да доведат до нездрава желба за рафинирани јаглехидрати и шеќер.

Популарно