Вознемирувачко видео: Тракторист брка и намерно гази куче

Монструозниот чин што во босанската населба Расљева кај Грачаница, кога маж прегази куче со трактор, добил епилог.Имено, кучето за чудо го преживеало овој ужасен чин и било згрижено на ветеринарната станица во Грачаница. Против сторителот ќе биде поднесена кривична пријава.

- За среќа, кучето е живо. Ние ќе го известиме обвинителството и ќе биде поднесена пријава против сторителот, изјавиле за Кликс од Министерството за внатрешни работи на Грачаница.

Активистите од здружението „Соништа“ и нивната брза реакција се најодговорни за ваквиот среќен епилог на безумната постапка.

- Откако добивме информација за монструозниот чин во кој маж прегазил куче со трактор во општина Грачаница, веднаш реагиравме. Побаравме итна интервенција од Министерството за внатрешни работи на Грачаница, излегување на терен и одземање на кучето бидејќи лицето кое го извршило ова грозоморно дело го држело заклучено во штала на неговиот имот, не дозволувајќи им на активисти за заштита на животните, да му дадат ветеринарна помош, велат активистите.

Сепак, тоа не е крајот на приказната. По нивното барање за одземање на кучето, на активистите од здружението им било дозволено да го земат кучето во придружба на полицајци од Министерството за внатрешни работи на Грачаница и придружувани од ветеринар од ветеринарната станица Грачаница.

- Ќе дознаеме повеќе за здравствената состојба на кучето и сериозноста на повредите по прегледите и рендгенските снимки. Би сакале да му се заблагодариме на Министерството за внатрешни работи на Грачаница, а посебна благодарност му должиме на ветеринарот Нерман Авдиќ од ЈП Ветеринарна станица Грачаница, кој престојуваше со кучето во текот на ноќта, велат од здружението „Соништа“, пренесува Кликс.

Над 3.000 универзитетски професори во Србија ги поддржаа студентите

Повеќе од 3.000 универзитетски професори од Србија потпишаа отворено писмо за поддршка на студентите во нивните протести и барања. Бројот на потписници постојано расте, наведува Бета.

„Одлучно стоиме со нашите студенти во заедничката борба за подобро општество“, се вели во пораката на професорите. Тие остро го осудија секој обид на властите да ги заплашат студентите со јавно објавување на нивните приватни податоци и други форми на притисок.

Професорите упатија апел до надлежните институции да постапуваат совесно и одговорно во својата работа.

Ден на жалост во Србија поради трагедијата во Цетиње

Во Србија денеска е Ден на жалост поради убиството на 12 лица и ранувањето на четири лица во градот Цетиње, во јужна Црна Гора.

 Владата на Србија одлуката за Денот на жалост ја донесе на вчерашната седница на предлог на претседателот на Србија, Александар Вучиќ.

Седницата почна со едноминутно молчење за жртвите од масовното убиство во Цетиње.

На 1 јануари вооружен маж застрела седум мажи, три жени, меѓу кои и сестра му, и две деца на возраст од 10 и 13 години во Цетиње, по што се застрела во главата и почина на пат кон болница.

Четворицата тешко ранети се во болница.

Комеморација на Цетиње, трет ден на жалост во Црна Гора

По повод масакрот што се случи на 1 јануари во Цетиње, кога беа убиени 12 лица, денеска во Владиниот дом во овој црногорски град се одржа комеморативна седница во чест на жртвите.

Комеморацијата започна со минута молчење за жртвите, по што беше нагласено дека ова е еден од најголемите предизвици кои ги погодиле Цетиње и Црна Гора.

Градоначалникот на Цетиње, Никола Ѓурашковиќ, истакна дека со тагата која ги обедини сите, се собрале пред еден од најтешките предизвици што ја погодил заедницата.

– Уште една незапаметена трагедија ги погоди Цетиње и Црна Гора. Загубата на 12 животи не остави во шок и неверување. Особено боли загубата на двајца ангели, симболи на невиноста. Оставија празнина во нашите срца. Единствено што можеме е да изразиме искрено сочувство на семејствата и да им помогнеме во нивната болка, изјави Ѓурашковиќ.

Тој додаде дека ова не е само загуба за семејствата, туку и за целото општество.

– Сите треба да се запрашаме – зошто вакво нешто повторно се случи и зошто како општество го дозволивме тоа. Државата мора системски да реагира. Тоа им го должиме на жртвите и нивните семејства. Одговорноста мораме и сакаме јасно да ја бараме, подвлече Ѓурашковиќ.

На комеморацијата присуствуваа претседателот на Црна Гора Јаков Милатовиќ, министерот за надворешни работи на Црна Гора Ервин Ибрахимовиќ, бројни министри од Владата на Црна Гора, претставници на локалната власт, како и членови на семејствата на трагично загинатите.

Во пукањето што се случи на 1 јануари во Цетиње, беа убиени 12 лица, а шестмина беа повредени. Напаѓачот, Ацо Мартинојевиќ (45), по крвавиот напад изврши самоубиство.

Поради трагедијата на Цетиње, во Црна Гора беше прогласена тридневна жалост на 2, 3 и 4 јануари.

Популарно